藝術與科技之結合：香港大會堂60周年展覽-想像無垠

細細個就已經成日去香港大會堂睇話劇，不知不覺間咁就60周年 今次果展覽叫想像無垠，可以睇返大會堂同文化藝術界60年的發展，回顧返一個個經典回憶及時刻 除左普通嘅展版外，仲有關於大會堂嘅歷史書同i pad比參觀者睇 不過講真，果度嘅展覽冇好詳細咁介紹大會堂嘅歷史，呢度係有少少失望🤏🏻🤏🏻 —————————— 除左歷史回顧外，入面仲有d有趣野比參觀者玩下✍🏻 第一個就係畫水墨畫，參觀者可以透過牆上嘅i pad，自由地畫畫，之後部機就會透過ai 技術，將幅畫轉變成水墨畫，show 喺大螢幕 超有趣，最後我都忍唔住畫左幾幅，之後放上ig 打卡，朋友都讚我畫得幾好😎，唔知你地覺得我畫成點呢?? —————————— 第二個就係ai 機械人 可以喺i pad 上挑選鐘意嘅機械人，之後就可以企喺大螢幕前，隻機械人會跟住我嘅動作郁動，幾得意，我同朋友都玩得好開心（聽工作人員講，每次最多兩個人玩） —————————— 最後果part就係睇片區，果度放左幾張櫈，可以比人靜靜咁睇片，佢地會播放大會堂懷舊影片同佢地做過嘅節目影片 果一度嘅環境燈光幾靚，我同朋友都忍唔住影相打卡 🥰😍 —————————— 整體來講，我覺得果展覽幾好，很適合一家大細同情侶喺中環附近食完飯後過嚟行下 D職員都好熱情，佢地會好主動同詳細咁講解點樣玩入邊嘅設施 如果你係想睇好多關於大會堂歷史嘅資料，呢樣可能就會覺得有D失望，因為果度無好詳細咁講解呢方面嘅野 不過如果你係志在有啲野新奇野玩下、打下卡，呢個地方就幾適合你去 —————————- 以下係果展覽嘅資料 日期： 4.5 - 1.6.2022 時間： 10am - 10pm 地點： 香港大會堂展覽廳 #香港好去處 #香港好去處 #我好掛住