嘆住海景沖涼 嘆住過疫情

#消費券攻略 #性價比酒店 酒店位於北角地鐵站，鄰近新開嘅商場北角匯，地理位置方便。 由於係假期check-in，所以大堂都多人排隊，而係職員都好快手，而且非常有禮貌，呢期入住我地需要填寫健康申報表，等咗一陣就可以上房啦。 我哋住喺《尊貴海景大床房》，一入房就緊係睇下個景先！我哋房間位於整棟大廈既角落房，兩邊既大窗到可以睇到海景，視野開揚，睇到對面海既尖沙咀至到九龍灣、觀塘，感覺舒適。 洗手間，浴室裝修華麗，洗漱用品一應俱全，獨立包裝，仲有精美嘅外盒，非常華麗。洗手間亦設有大玻璃，同樣面對維港。浴缸足夠兩個人一齊浸浴，附設兩包浴鹽，可以一邊浸一邊開住開着電視嘆。 房間有一張四尺大床，每人有兩個枕頭，瞓得非常舒適。不得不提床頭嘅牆係一幅港島東地圖，甚有巧思。 電視有牆架，可以拉出來，就住角度舒適觀賞。有張長梳化，圓枱同一張大轉椅，係酒店食住薯片睇電視，都有一番滋味。 頂樓仲有健身室同埋露天泳池，當日有些少雨，所以就冇出到泳池；而係健身室設備齊全，跑步機對住維港，望住汪洋大海做運動，機會都算幾難得。 #性價比酒店 #本地遊 #staycation #必去staycation