聖火之中尋美食，用心炮製夠給力

餐廳：On The Spot Cafe Bar Restaurant (天后) 地址：天后電氣道68號金輪天地8樓 天后金輪天地8樓呢間On The Spot Cafe Bar Restaurant @onthespot_cafebar 以Holy Spirit Fire作為餐廳嘅logo🔥，火下面有一個火爐，亦意味可以喺到搵到最好味嘅食物 呢間Bar and Restaurant主打西式料理🍴，仲有唔同甜品🍮、酒類同咖啡可以揀，餐廳可以坐到50幾人，有時會有唔同教會同團體喺到包場做event例如團契、聚會、匯報等。而我今次去就試咗佢哋嘅Set Lunch Menu，承惠$173，包一個前菜同一個主菜，而佢哋每兩個星期人會轉一次Menu，聽講老闆仲會親自下廚同研發新菜式添😎 ✝️前菜——中東鷹嘴豆泥伴彼得包 將鷹嘴豆磨成泥，連埋青瓜🥒、紅甜椒同醃漬茄子放上邊邊香脆、中間鬆軟嘅彼得包一齊食，好有中東特色🇮🇱 ✝️前菜——虎蝦青木瓜沙律 煎香嘅惹味虎蝦配上醃漬甜辣芒果🥭、菠蘿🍍、杏仁等整成青木瓜沙律🥗，加入酸酸甜甜嘅果醋，食落開胃😋 ✝️主菜——慢煮羊冧肉 $173 呢個慢煮羊冧肉真喺好腍，七成熟食落多汁之餘仲帶有少少羊羶香🤏，加上秘製醬汁同預先切開咗一片片真喺無得輸，唔使自己切夠晒方便👍；另外有椰菜花泥🥦、法邊豆同肯瓊醬焗新薯做配料🥔，打卡味道即刻濃厚咗唔少📸 ✝️主菜——法式薄荷寶雲酥鯛魚 $173 用法式整法將麵包糠、薄荷、香草碎同其他香料整成寶雲酥鯛魚，面頭食落香脆有粒粒口感，而鯛魚一疏疏嘅魚肉肉質細嫩鮮美，帶有陣陣檸檬香🍋，一啲魚腥味都無；仲可以蘸埋青豆蓉一齊食，不過我就麻麻哋咁嘅配搭，會令本身嘅寶雲酥香減卸，所以都喺鍾意原汁原味咁食😌 另外加$20有咖啡/茶/汽水，估唔到呢度嘅咖啡拉花又幾出色，聽講主要負責沖咖啡嘅咖啡師今日放假，如果唔喺就可以欣賞到佢更靚嘅公仔拉花😍，下次一定要試試！white coffee仲有得揀用全脂奶定脫脂奶，有糖定無糖，啱晒每個人嘅需要☕️ 跟餐加$30可以配埋是日甜品，今日有Frozen Tiramisu 同Mascarpone Cheese Roll Cake，雖然就唔喺好大件，不過擺碟同裝飾都落咗啲心機❤️，仲有一球雲呢拿雪糕🍨，食完相當滿足🥰 #foodie #星級作家5月驚喜 #性價比酒店 #主題公園指南 #香港camping #境外遊 #本地遊