不加一滴水，四個椰子一鍋湯

深圳超人氣椰子雞🐔 最近同朋友去咗呢間旺角MOKO嘅超人氣椰子雞,係深圳超過70家的分店,終於唔使返深圳都可以食到正宗椰子雞火鍋。餐廳裝修環境好舒服,卡位夠大,真係啱晒同朋友傾計食飯。 呢度嘅椰子雞「4個椰子🥥1鍋湯」完全唔加水,椰香超濃,湯底清甜,一開始一定要飲返兩碗湯先,暖下個胃,真心比一般火鍋湯底健康又清新好多😋選用正宗海南走地文昌雞,肉質啖啖都嫩滑多汁,又帶椰子香。 火山肥牛🌋超正,牛味香濃、油脂分布靚,涮一涮就食得,入口鮮嫩。九秒脆毛肚就真係要快手涮九秒,口感特別脆嫩。 潮汕非遺丸類雙拼有牛筋丸同魚丸,丸控一定要試,彈牙又有牛味同魚香,配搭椰子湯底一齊食更突出風味。鮮珍山菌拼盤有四款靚菌,吸足椰子雞湯精華,每啖都超香又甜;雲南甜筍質地清爽,清新解膩。 最後一定唔好錯過金牌臘味煲仔飯,臘肉同腊腸好香口,飯粒索盡油香,食到最尾仲有薄脆飯焦。 四季椰林海南椰子雞 📍香港旺角太子道西193號MOKO新世紀廣場4樓402-403號舖 •♡•♡•♡•♡•♡•♡•♡•♡ •♡•♡•♡•♡• #foodie #香港美食#四季椰林 #海南椰子雞 #人氣椰子雞店 #內地超過70家分店 #4個椰子水 #火鍋 #火鍋推薦 #旺角美食 #旺角