多款🤩高質煲👍火鍋🍲無限時🥢任食

尖沙咀🚇嘅二鍋頭真係火鍋控嘅天堂😍，佢闊落又舒適嘅環境加上座位寬敞，空間感十足✨，無論係三五知己定係一大班朋友聚餐打邊爐👏，都唔會覺得逼。 佢主打唔少特色煲類🍲，仲有無限時任食火鍋放題🎉，絕對係一大賣點👍，真係食到你捧住個肚走！ 今次我哋試咗幾款招牌煲🍲，款款都咁有驚喜🤩！首先嘅係秘製牛雜煲🐮，牛雜炆得夠晒入味😋，有牛蒡、牛肚、牛肺同埋牛腸，口感軟腍得嚟又帶點嚼勁👅，每一啖都充滿住秘製醬汁嘅精華✨！ 跟住係秘製火焰牛尾煲🔥，呢個煲真係夠晒Gimmick！店員會即席將玫瑰露酒🍶倒入煲內再點火🔥，視覺效果一流！牛尾炆到軟腍入味🤤，帶有淡淡酒香🍶，食落暖笠笠，超正！ 仲有香濃黑椒豬手煲🐖，豬手炆到軟糯入味😍，黑椒味香濃得嚟又唔會太辣🌶️，豬皮膠質豐富💫，食落啖啖肉🍖！ 湯底方面🥣，我哋揀咗鴛鴦湯底🍲，一次過試晒兩款口味：越式香濃牛肉鍋湯底比較清，😆帶有香茅同埋其他香料嘅味道🌿，有啲似越式牛河嘅湯底；胡椒豬肚🐓雞鍋就夠晒暖胃，胡椒味香濃🌶️，豬肚同雞肉都好腍滑🐔！ 打邊爐又點少得靚牛肉呢🐂？我哋叫咗牛板腱同埋本地鮮滑牛肉🐮。牛板腱肥瘦適中，淥幾秒就食得，肉味濃郁🥩；本地鮮滑牛肉肉質鮮嫩滑溜✨，一入口就感受到佢嘅鮮！ 海鮮方面，墨魚滑彈牙爽口🦑，粒粒蟹籽咬落卜卜脆💥，口感層次豐富；活海蜆隻隻都好新鮮🌊，肉質飽滿鮮甜。 仲有墨魚仔🦑，細細隻好可愛😊，淥熟之後口感彈牙，鮮味十足👏。 自助區💪嘅火鍋配料都非常豐富，例如有金針菇🍄、粟米🌽、水魷🦑、豆腐同埋唔同嘅丸類，任君選擇。 小食方面，酸辣涼拌魚皮🐟都好出色，魚皮爽脆彈牙💥，酸酸辣辣好開胃🌶️。 最後當然唔少得甜品啦🍮，佢哋有幾款大福🍡，我哋食咗芒果大福🥭、草莓大福🍓同埋抹茶大福🍵，大福皮煙韌軟糯😋，配埋果味cream係入面，好香甜。 雪糕櫃仲有多款口味嘅雪糕🍨，食完火鍋再食個雪糕🥰，真係透心涼！ 總括嚟講📝，呢度勁多款嘅特色煲類同埋烤魚係外面的火鍋放題好少有嘅🌟，而且呢度一個價錢全部任你食💰，加上無限時任食🕒，真係可以慢慢食⏳，慢慢享受！ 二鍋頭 (尖沙咀) 地址：尖沙咀漆咸道南53-55號嘉芙中心1樓 #二鍋頭 #hotpot2f #尖沙咀美食 #火鍋放題 #無限時任食 #牛板腱 #本地鮮滑牛肉 #蟹籽墨魚滑 #活海蜆 #墨魚仔 #芒果大福 #草莓大福 #抹茶大福 #雪糕 #香港美食 #打邊爐 #食好西 #高質火鍋 #任食火鍋 #尖沙咀 #香港探店 #美食推介 #hotpot #tsimshatsui #foodlover #hongkongfood #unlimitedhotpot #煲類 #火鍋配料