啟德Siete Ocho：川菜撞西班牙，文苑飯莊班底坐鎮？🦐🔥

話說之前都有講我買咗Dorset呢間餐廳係啟德新貴,主打川菜同西班牙菜嘅fusion,仲有傳統粵菜選擇,真正實現「阿媽想飲湯,仔女想食tapas」嘅家庭願望!環境型到爆,落地玻璃望住啟德街景,燈光柔和又有格調,坐低即刻有種高級感,啱晒同朋友或另一半嚟hea!聽講中菜廚房由前文苑飯莊(米芝蓮推介)嘅班底坐鎮,保留粵菜魂又加咗新派元素,連fusion菜都玩得出神入化! 試咗幾道招牌菜,個雞油雕皇蛋白蒸蝦球真係不得了!蛋白滑到似食緊雲朵☁️,蝦球大隻又彈牙,最正係個雞油雕皇酒香,濃郁得嚟唔會搶鏡。另外個焦糖菠蘿咕嚕肉都值得讚,用咗焦糖菠蘿代替罐頭菠蘿,甜酸平衡得剛剛好,個脆漿薄到似女明星塊粉底咁自然,絕對係誠意之作!燉湯就更係真功夫,鹿茸菌黃玉參螺頭燉雞,飲落就知道冇加味精,真材實料熬出嚟,飲完成個人暖笠笠❤️。 環境方面,酒店中菜廳來講算幾有格調,樓底高空間感足,坐得舒服唔會逼。服務親切。整體黎講,粵菜都好有驚喜。 留言區有菜單同地址 #報名9月酒店試睡員