舊日足跡~鯉魚門⛩️

放假想感受下大澳水鄉情懷，但又唔想山長水遠走到入大澳同人迫點算好? 今日就等小編介紹一個九龍版大澳比大家啦，佢就係位於鯉魚門⛩️既三家村喇🤗。鯉魚門食海鮮🦞就出晒名......貴架喇🤣，但原來都有唔少值得打卡既景點架🤩 咁到底鯉魚門有咩特別😉? 1. 鯉魚門舊石礦場🌾 (一直沿海旁走到鯉魚門既盡頭，就係舊石礦場既遺址喇😚。呢度既一幅巨型石牆配合一個個石砌碉堡🏰，真係好有二戰遺跡既風味😃。碉堡附近仲長滿蘆葦草🌾，配合埋日落🌇打卡真係別有一番風味😌。另外，呢度仲可以高角度欣賞到就快通車既將軍澳跨海大橋🌁同埋將軍澳海濱長廊一帶既景色ga😁) 2. 海旁七彩油畫🎨 (沿海旁一直行會見到唔同既油畫🎨係牆身，當中會見到好多我地熟悉既建築物🏙️，配合身後既維港打卡一流😆👍) 3. 綠色三角燈塔🚨 (行入石礦場途中會見到近岸有座綠色既三角燈塔，盡顯歷史留下既滄桑感😯，水退時仲可以走上燈塔影相📸，不過大家一定要注意⚠️安全啊😉) 4. 水鄉情懷🛶 (三家村同大澳一樣都係有沿海而建既水中屋ga😃，放假想感受下水鄉情懷，近近地既三家村都係唔錯選擇👍) 5. 穿過大街小巷 (細心走過大街小巷，仲會發現有個賽馬會創意館介紹鯉魚門既歷史😉) 6. 鯉魚門天后廟🛕 (廟外有好幾粒巨型既奇型怪石🪨，同澳洲既十二門徒石都唔係差好遠姐😌) 7. 心願樹🌳 (祈求肺炎快啲完結😔🙏) 8. 鯉魚門鳥居⛩️ (鯉魚門海鮮街門口既門牌都係打卡📸位黎ga，岩晒一班有思鄉病🇯🇵既朋友仔😝) 交通: 大家只要係油塘站A2出口沿茶果嶺道一直行到海旁就會見到鯉魚門🎏個門牌😉 想知道更多香港好去處? 記得like 👍 + follow 我地 😁，有你的支持我地先有動力繼續為大家發掘香港特別的地方😚🥰 #鯉魚門 #三家村 #油塘 #茶果嶺道 #大澳 #水鄉 #鯉魚門石礦場 #石礦場 #碉堡 #蘆葦草 #日落 #sunset #將軍澳跨海大橋 #將軍澳海濱長廊 #壁畫 #鯉魚門燈塔 #燈塔 #賽馬會創意館 #鯉魚門天后廟 #心願樹 #鳥居 #本地遊