小朋友放電好去處—將軍澳翩匯坊「海洋王國」

帶住囡囡去過唔少室内遊戲室，基本上個個去完都冇下次，因為唔係太細就係太多人，一係就已經俾人玩到好殘。so far唯一一個我地會重覆去的就只有將軍澳翩匯坊裡面美國冒險樂園的「海洋王國」。雖然叫「海洋王國」，但其實玩的嘢大部分同海洋冇咩關聯，不過裏面就有個好大的彈跳迷宮，同埋都幾新淨。可能近將軍澳海傍，離地鐵站都有一段路程，所以人唔多，可以俾小朋友舒舒服服咁盡情玩。 價錢方面，我覺得更加係超值。視乎去的時間，一大一小每小時50至90個代幣。如果join咗美國冒險樂園會員，會有優惠劵，1元就買到1個代幣。相對好多遊戲室郁郁下一大一小就要200元或以上，我覺得呢度抵玩好多。