香格里拉之旅

#性價比酒店 預訂房型係尊貴豪華海景客房，大家有玩開staycation既都知港香某些樓層已經翻新成新裝修，而尊貴豪華海景房係沿用舊裝修，一打開大門，既古典又高雅，臥室中央的水晶吊燈與維多利亞港景色組合成一幅如詩如盡的香港風景，真係百看不厭。不過除此之外，懷舊既浴室同迷你吧真的有需要與時並進一下。我順便都參觀左新裝修房，硬件好正，尤其是浴室，彌補左舊裝修房的不足，卻缺少了一份古典美。 套餐包括左豪華閣行政禮遇、Café Too自助早餐同$1000消費額。先講一下豪華閣，我聽不少谷友說自從豪華閣由56樓搬落嚟7樓，質素就下降不少，的確，Happy Hour食物質素一般，選擇又不多，烈酒同cocktail比唔上同級酒廊，但好在服務不錯，香檳還是VCP。Café Too早餐週末分三輪，質素非常之好，無論點心、生滾粥以至包點等都十分出色。 其實不停咁食，除左成波之外，仲飲左人地N支香檳，消費額真食唔落! 所以啲消費額响灘萬外賣左3盒銀雪魚便當同1盒和牛鰻魚便當，合共$1010。夠食2日啦!!! 整體來說，2千幾性價比奇高，本著訂乜住乜唔好搞到人既心態去食左3餐仲外賣左幾個便當，間房仲要咁古典咁有FEEL，下次再出一定要再搶呀!!!