《銅鑼灣高質日本菜 價錢相宜🔥》

呢間日本菜喺銅鑼灣同炮台山都有分店 環境幾舒適 食物選擇多 多人聚餐仲可以包房 幾適合聚會🥳 ✨究極丼 ($218) 超豐富嘅丼飯🔥內有三文魚、牡丹蝦、帶子、吞拿魚、三文魚籽、海膽、油甘魚同左口魚 每一款都好厚身肥美同新鮮 夠哂鮮甜 另設有蛋黃撈飯 令味道更鮮香 ✨牛肉壽喜燒 ($168) 壽喜燒內有牛肉、豆腐、娃娃菜、金菇、紅蘿蔔同冬菇 壽喜燒湯汁濃郁而不鹹 令食材都好入味 牛肉份量足 食落嫩滑 唔會鞋 更設有日本蛋 可以沾牛肉食 ✨4重芝士炸蝦卷 ($48) 呢款蝦卷面頭有明太子、炙燒芝士 而卷內有半溶芝士🧀食落芝士味好濃郁順滑 炸蝦香脆 ✨炸雞軟骨配海膽醬 ($58) 雞軟骨大大舊 有咬口 炸得香脆唔厚粉 配海膽醬幾特別 少見既配搭 醬汁幾鮮味 幾夾 ✨清酒煮蜆 ($78) 蜆既份量都幾足 而且無沙 食落幾鮮甜 有淡淡清酒香🥰 ✨抹茶朱古力牛奶 ($48) 少有抹茶配朱古力🍫2者味道比飲到 唔會比另一方蓋過 ✨荔枝檸檬梳打 ($68) 甜度適中 荔枝味出 幾解渴 📍 究極堂 (銅鑼灣) 銅鑼灣登龍街28號永光中心11樓