《銅鑼灣高質粵菜 必試招牌白胡椒蟹炆飯🔥》

餐廳環境好靚 好適合聚餐 而且環境好岩婚宴 最近推出秋冬菜式 款式選擇多 好吸引🤩 ✨招牌白胡椒蟹炆飯($368) 招牌白胡椒蟹炆飯係店鋪招牌 見好多枱都有叫 擺盤望落超吸睛 蟹肉份量多 蟹肉又肥又鮮甜 啖啖肉 又充滿蟹膏 香味撲鼻 倒埋白胡椒汁 食落有一點辣味 幾開胃 飯吸收哂蟹汁同白胡椒汁超正 另外煲底有少許飯焦 食落更香口 ✨木盆沙薑清遠雞 ($198) 清遠雞份量超足 一上枱超香雞油香 雞質感實淨 食落肉質幾嫩滑 配上特製沙薑汁 沙薑味濃郁 搭配木盆幾有特式 餐廳用木盆慢火蒸製 令雞香味更出 ✨椰香芋頭臘味 ($168) 椰汁芋頭呢個配搭超正 鍾意香芋既人必試 椰汁份量足 拎黎撈飯一流 芋頭幾粉 充滿椰香味 另外煲內有臘腸、潤腸同臘味 臘味既鹹香搭配得恰到好處 ✨煲蟹籽海味乾逼粉絲 ($158) 粉絲煲內有蝦乾、大蝦、菜同雞蛋 粉絲好索味 加入左蟹籽炒香 令粉絲充滿鮮甜味 而且值得一讚粉絲完全唔會油 📍 星海薈 (銅鑼灣) 銅鑼灣波斯富街99號利舞臺廣場5樓