🌸 獅房菜 × Therapeautic 聯乘下午茶💞滋養身心靈✨

🌸 獅房菜 × Therapeautic 聯乘下午茶💞滋養身心靈✨ 想喺繁忙嘅都市生活入面，搵個地方可以放鬆心情，歎返個優雅嘅下午茶💖咁就千祈唔好錯過獅房菜同香港本地護膚品牌 Therapeautic 首次合作推出嘅「沁悅‧絮語下午茶」啦🤩 由 2026 年 1 月 3 日至 2 月 28 日，帶來一個充滿自然舒適感嘅下午茶體驗，幫你洗滌凡心，刷走一身疲憊，迎接光彩煥發嘅新一年🎉 凡惠顧兩位用套餐，更可免費獲贈 Therapeautic 水養滋潤潔面乳及水潤滋養精華液乙份（總值 HK$900）🎁 😍 Therapeautic 一直堅持以科學為依歸，為皮膚調配出修復、平衡嘅產品，而獅房菜團隊就將佢哋嘅自然健康理念融入到下午茶嘅鹹甜點入面👏🏻設計出一系列獨特嘅美食，可以喺享受美食嘅同時，感受到身心靈嘅滋養😌 🍰 甜點 🌵 雲呢拿仙人掌開心果慕絲蛋糕 呢個絕對係下午茶嘅亮點之作🤩 盆栽造型超逼真，而且成個都可以食㗎😋 花盆係用牛奶朱古力做嘅，入面係仙人掌雲呢拿慕絲，酸酸甜甜，口感豐富🌵 上面嘅「仙人掌」係用餅乾沾上開心果牛油忌廉做嘅，再綴上黃色牛油忌廉花，可愛又美味🌼 大廚仲用乾冰營造煙霧效果，好似置身仙境一樣☁️ 記得準備好電話影相打卡📸 🌿 積雪草抹茶千層班戟蛋糕 積雪草近年喺護膚界好 hit✨ 獅房菜團隊就將新鮮積雪草入饌，煎成班戟，再同京都宇治抹茶粉及鮮忌廉打成嘅幼滑抹茶忌廉層層相間，疊成千層蛋糕🍵 入口輕盈細膩，抹茶味香濃，仲帶有淡淡嘅積雪草清香🌿 💎 金箔檸檬水信玄餅 呢個水信玄餅晶瑩剔透，好似寶石一樣💎 加入金箔，更加顯得矜貴✨ 食落散發濃郁清新嘅檸檬果香，口感Q彈爽滑🍋 置於檸檬汁之中，喺燈光下波光粼粼，好似亮白水潤嘅肌膚一樣，光彩誘人😍 🍊 香橙牛奶朱古力慕絲蛋糕 小巧香橙造型相當可愛💕外層嘅牛奶朱古力慕絲香滑濃郁，入面有朱古力海綿蛋糕同自家製嘅橙醬，仲有一層榛子薄脆增加口感😋 酸甜比例恰到好處，令人回味無窮🤤 🌾 燕麥鬆餅伴芝士醬 新一年，食啲健康啲💪 大廚特意加入燕麥製作英式鬆餅，一口咬下去牛油香氣撲鼻而來，燕麥增添粒粒口感🌾 配上自家製芝士醬，口感軟滑，帶淡淡芝士香氣🧀好味又飽肚😋 🍤 鹹點 🦐 鮮蝦三文魚籽配青瓜乳酪多士 溫室青瓜切粒與青檸汁、乳酪及三文魚籽拌勻，置於香脆嘅法包多士上，再放上煎至帶點焦香嘅爽彈大蝦🍤 味道清新，集鮮、爽、酸、香於一身😋 🦀 蟹肉沙律伴芥末青蟹籽配檸香蘆薈啫喱杯 蘆薈切粒與自家製寒天啫喱置於杯底，頂層放上以鱈場蟹肉、日本沙律醬、青檸汁和蜜糖拌勻而成嘅蟹肉沙律，飾上芥末青蟹籽及蟹籽🦀 配搭得宜，更能提升鮮味😋 蘆薈嘅清爽同蟹肉嘅鮮甜完美結合，令人食指大動🤤 🐔 雞肉燕麥卷配南瓜沙律蓉 以肉嫩細滑嘅雞髀肉，捲住甘筍及彩椒蒸至剛熟，再用火槍炙燒外皮帶點焦香，置於風乾烤脆及塗上南瓜蓉嘅多士上，最後灑上烘過嘅燕麥片🍗 層次豐富，口感十足😋 🌶️ 蛋白波椒餅配黑魚籽 將紅、黃、青波椒切粒，與蛋白炒香後加上芝士粉烘焗成蛋白餅，置於酥脆餅乾上，綴上鮮味澎湃嘅黑魚籽，飾上金箔✨ 矜貴誘惑，蛋白餅質感微微紮實，入口綿密鮮甜，清爽不膩😋 🍹 限定特飲 🥕 清爽甘筍蘋果汁 用上甘筍及蘋果為主材料，營養豐富🍎 蘋果嘅清甜夾雜甘筍嘅清香，加入牛奶與忌廉帶來絲滑口感🥛 健康又好味👍 ☕ 開心果拿鐵 選用意大利開心果醬，味道濃郁😋 溫熱嘅奶香帶細膩嘅堅果香，面層灑上烘過嘅開心果碎，令每一口都帶輕盈顆粒感☕ 開心果迷必點💚 快啲 tag 埋閨蜜，一齊去獅房菜歎返個「沁悅‧絮語下午茶」😻享受一個滋養身心靈嘅午後時光💖 #獅房菜 #therapeautic #下午茶 #香港美食 #美食推薦 #食評