海港城高級精緻滬菜

呢間位於海港城嘅上海菜，菜式傳統得嚟又創新，而且有唔少經典滬菜，環境舒適典雅，設有唔少卡位同包廂，私隱度高，啱晒同屋企長輩一齊嚟食飯。 酸菜肉末（配叉子燒餅） $198 酸菜好夠味，同肉末一齊炒得好香，鹹、香、酸、辣融為一體，口味濃郁，夾喺酥脆嘅叉子燒餅入面食就啱啱好，味道口感都非常唔錯。 乾燒蝦球 $298 蝦球大大隻，食起來新鮮彈牙，啖啖肉非常滿足。醬汁味道香濃，辣得嚟好惹味，送飯一流。 鐵板上的小籠包（五件） $90 小籠包用鐵板煎封令到底部變得脆身，但仍然保持到皮薄多汁，肉餡鮮嫩，比起一般嘅小籠包多咗一份香脆嘅口感。 嫩雞煨麵 $98 湯頭清淡得嚟非常鮮甜，飲得出雞湯鮮味。麵煮得腍身，吸收晒湯底嘅精華，加埋雞肉同蔬菜粒，可以中和返其他菜式嘅口味同膩感。 蘭梅桂花拉糕（四件） $60 最後叫咗桂花拉糕做甜品，糕點煙韌軟糯，配上香甜清新嘅桂花蜜，同酸酸甜甜嘅梅子餡，作為飯後甜點就一流，唔會太甜膩。 。 。 个園竹語 (尖沙咀) 尖沙咀廣東道3-27號海港城港威商場3樓3202號舖 。 。#香港美食推薦 #尖沙咀餐廳 #尖沙咀 #香港 #新年好去處2026 #香港輕旅行 #香港美食 #香港美食推薦 #香港必去打卡點 #尖沙咀餐廳 #尖沙咀探店 #中菜