🇭🇰 深水埗｜Minimal 𖤓五星酒店甜品師坐鎮的文青風餐廳

被「由前文華酒店甜品師坐鎮」呢個gimmick吸引，加上網上推介聲量幾高，忍唔住要過嚟試吓～Menu 幾跟得上潮流，有近期大熱嘅左口魚燉飯。要留意：店舖大概9點就關門，想收工後慢慢嘆甜品記得提早到🍨 ✦ 三文魚籽左口魚燉飯 $158 新菜式必試！左口魚肥美，魚油滲入石鍋飯，邪惡得嚟又幾香。飯粒正常硬度，鍋邊有少少「飯焦」加分。再加上三文魚籽，鹹鮮味爆開，層次即刻升華~ ✦ 醬燒三文魚蜂蜜芥末莎莎 $178 三文魚扒嫩滑，調味 balance。蜂蜜芥末做主調，配洋蔥、青瓜、蕃茄粒嘅莎莎，酸甜清爽。份量唔太多，走健康路線。 ✦ 炸物拼盤 $128 拼盤有吉列蠔、唐揚小池魚、明太子雞翼、洋蔥圈。最驚喜係明太子雞翼，釀入鹹辣明太子，咬落有「爆膏」感覺！其他炸物就正常發揮。 ✦ 原隻蘋果配酥盒 $92 打卡必備！成個燉蘋果放喺酥皮上，淡淡肉桂香，內餡塞滿蘋果粒。旁邊有忌廉同果蓉，酸甜 balance，唔會太膩。 ✦ 火龍果乳酪 $48 ✦ 士多啤梨乳酪 $52 原味乳酪底，加果醬調味。乳酪味偏重，攪勻後色澤靚靚，影相效果一流。 𝘖𝘷𝘦𝘳𝘢𝘭𝘭: 7.5/10 𝘙𝘦𝘷𝘪𝘴𝘪𝘵: maybe 服務費: no ┈┈┈┈┈┈ ⋆ ┈┈┈┈┈┈ 迷你毛 📍香港深水埗鴨寮街121-123號地舖 #minimal #迷你毛 #深水埗美食 #香港甜品 #香港美食