🧸🌞｜地道串燒風味🤎

🍽：紅磡 ➼ 紅磡串門子 之前係熊貓🐼叫過呢間串燒店既外賣🥡 印象都唔錯嫁 今次就親身黎到呢間食店 原來佢係一間好細小既店舖😲座位有限 因為佢都屬於半開放狀態 所以空氣既對流唔差 唔會焗住一陣燒烤味 環境係細啲 不過好通爽👍🏼 呢度都屬於一間典型既串燒店 裝潢上唔會太特別🍖 手機落單 所以都幾方便📲 食物種類都算幾多 海鮮都好多特色既食物都有😌 定價又唔太高 嗌多幾串都唔會肉痛😆 ➷ ❐ 麻辣小龍蝦 小龍蝦平時基本上都唔會食😂好少接觸呢個菜式 但係串燒店又比較少見到呢樣野 可以一試 俾個機會佢😆 我地叫咗小辣 味道上好到位🌶對於我黎講小辣已經好辣 麻辣味好出 而且後勁都幾強勁😆慢慢會浮返出黎🔥 呢個小龍蝦真係好惹味 送酒一流🍻 就連配菜既蓮藕同青瓜都索晒啲味 辣到喊都忍唔住繼續食😋 ❐ 錫紙花甲粉 花甲粉係一樣我好鍾意食既野😆 因為我好鍾意粉絲索晒湯底既味道 入晒味個隻感覺🤤 花甲粉既花椒味好突出 辣味會比麻辣低 比較易入口🤭 唔好睇小佢 佢都幾大兜 花甲無沙份量都多👍🏼 ➷ ❐ 燒雞皮串 ❐ 燒脆香卜卜魚腐 ❐ 燒超惹味雞泡魚干 ❐ 燒日本特級一口和牛粒 ❐ 汁燒原條魷魚筒 ❐ 串燒雞全翼 普遍串燒都做得唔錯 調味方面都做得好足😌 最有驚喜就係汁燒魷魚筒🦑肉質有咬口得黎又唔韌👍🏼 魷魚筒亦都好厚身 配合埋個燒汁食就岩岩好 如果食得多燒豆卜覺得悶 可以試吓燒魚腐😆 佢一樣可以燒到脆卜卜之餘 仲會比豆卜多一重口感😋 ➷ 食串燒襯啤酒係必須😎呢度除咗有枝裝啤酒仲有生啤🍻 而我覺得佢既生啤係好抵飲🫢 $58就已經可以飲到一杯500ml既Hoegaarden或者Stella 係呢啲咁著數既情況下 隨時會飲多 大家小心😆 ➷ 🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟 係邊度？係呢度👇🏽 📍紅磡必嘉街87號地舖 #cookingbear #foodie #hkfoodie #hkfood #hkfoodblogger #hkfoodblog #紅磡美食 #串燒 #美食分享