三日月｜尖沙咀高級日式鐵板燒🔥食物高質精緻令人回味

與朋友去食鐵板燒lunch，餐廳樓底高，落地玻璃令環境更開揚及採光度十足，另店員服務亦殷勤有禮，喺呢度用餐都幾舒適😌 🔥三日月一人前鐵板餐（$598） 💥前菜三小點 麻醬豆腐好滑，但唔會一夾就散開；木魚茄子清清地，有好香木魚味；煙燻雞肉片以類似煙三文魚製法，有香濃煙燻味及口感特別😌 💥海葡萄沙律 柚子醋沙律配海葡萄，屬開胃健康之選😌 💥刺身三點 三款刺身非常新鮮，分別有紅蝦、赤身及油甘魚，厚切令口感一流😋旁邊伴有一片蓮藕桱，口感爽脆清新。另可將少量花瓣加入醬油內，令醬油帶有淡淡花香。 💥鐵板燒北海道帆立貝 帆立貝肉厚新鮮，煎後帶獨特咸香及鮮味，而且又無過熟，配菠菜同食好惹味😋 💥和牛封門柳（六選一主食） 封門柳肉嫩味濃郁但油脂不多，配有蘿蔔茸酸汁、自家製麵豉汁及麻醬共三款醬汁，另亦配有海鹽胡椒。重點推介自家製麵豉汁，味道不太咸但有濃濃麵豉味。 💥鹿兒島黑毛豬肩（六選一主食） 黑毛豬肉質紮實唔嚡口，有豬肉香但無豬燥味，值得一試😌配上自家燒汁，一流👍🏻 💥鐵板燒日本野菜 野菜有露荀、蓮藕、蕃薯、花菇及炸蒜片，特別一讚係蕃薯好甜，但只得兩片唔夠喉😆 💥茶碗蒸 面層有三文魚籽，蒸蛋加入高湯及黑松露油，食落有黑松露淡淡幽香，唔會有石油氣味，而底部加入木耳絲更見驚喜，為茶碗蒸帶來多一層次口感😌 💥梅汁櫻花蝦炒飯配鰹魚湯 炒飯有兩種食法，首先係直接品嚐，味道帶小小梅酸及香濃櫻花蝦味；之後再倒入鰹魚湯，酸味立刻幾何級數提升，變成解油膩茶漬飯😌 💥麵豉湯 麵豉湯係味道較淡嘅一款，清清地幾好飲😌 💥甜品 紅豆雪糕配朱古力醬，有粒粒紅豆，味道不太甜，唔錯😌 📍三日月 尖沙咀金馬倫道23號金馬倫廣場2樓B號舖 #hkkol #kolhk #hkfoodie #hkfoodies #foodiehk #foodblog #hkfoodblog #hkfoodblogger #hkiger #hkiggirl #hkig #foodie #hkinfluencer #influencerhk #bloggerhk #hkblogger #hkfood #teppanyaki #三日月 #西日料理 #日式料理 #鐵板燒 #尖沙咀美食 #尖沙咀鐵板燒 #隱世鐵板燒 #隱世 #隱世小店 #隱世美食 #fusion菜 #日本菜