北斗📍九龍城

連續兩日都落大雨 但無阻我地食好野 入到嚟一秒飛左去日本 主廚係日本人嚟左香港40幾年 廣東話好流利~十分熱情好客 日本貝類盛盒$268 主廚建議由左至右 北寄貝 食入口第一個感覺就係甜 同紅色既北寄北好唔同 赤貝 十分爽脆,一d都唔腥 海螺 好清新既柚子味,比前兩款濃味,海螺彈牙 牛蒡醬油漬 $48 呢個京都先有,爽脆入味,唔錯 磯煮鮑魚 $58 好奢侈~鮑魚上面仲有黑魚子 鮑魚鮮甜彈牙,輕微炸過帶點鬆化 煙燻日本鴨胸肉 $48 煙燻味突出,鴨胸肉幾厚肉,上面仲鋪滿魚子 牛骨髓 $48 打邊爐食得多,天婦羅食法第一次 幾特別,外面鬆化內裡軟綿綿 日本沙椎魚 $48 魚肉白雪雪,搭配魚子更帶出本身既甜 素菜六合盛盒 $168(廚師發辦) 四國高知既千両茄子 食落好似水茄子既口感 一D都唔油,食到茄子本身既清甜 沖繩苦瓜 外表翠綠,苦味濃郁,清熱呀 琦玉縣深谷大蔥 一口咬落去蔥味直沖天靈蓋,通鼻塞真使得 青椒~好Q,細細件,有輕微辣,正 青森既長芋~即係淮山,爽脆,清甜 山形既里芋~口咬落去好粉,綿密,我鍾意 手打讚岐烏冬 $58 x 2 烏冬偏幼,滑捋捋,飲啖湯個胃暖晒 好滿足,下次會試Omakase,傾計時知道老闆有4間鋪,隔離鋪係食壽司,睇左餐牌都好吸引