🍕 Luigi's 🥗親子友善🌸意式風情🥗

終於嚟到尖沙咀圓方頂層嘅 Luigi's!餐廳位於金區演薈廣場,分室內同戶外兩層,裝潢走意式小酒館路線,牆上掛滿復古海報,戶外座位對住開揚景觀☀️ 🌸重點係餐廳勁親子友善,8歲以下小朋友仲有免費食物,大人細路都食得開心! 🍟 Truffle Fries 薯條炸到金黃脆身,每條都掛滿黑松露醬同巴馬臣芝士碎,濃郁到極點😈 份量足,松露控必點! 🍕 12" Bianco Pizza Bianco即係唔用番茄紅醬,餅底烤到外脆內軟、帶嚼勁,鋪滿Parma Ham、火箭菜同濃郁融化芝士,鹹香同清新平衡得啱啱好🧀 ! 🍰 Tiramisu 手指餅浸滿咖啡酒香,Mascarpone芝士幼滑到不得了,面層可可粉帶微苦,甜而不膩,質地濕潤綿密! 🍋 Fresh Lemonade l 經典美式檸檬汁,酸甜平衡得剛剛好,清新解膩,食完濃味嘢飲一啖即刻refresh🍃 ✨ Passion Sparkler 百香果氣泡飲,酸甜開胃,氣泡感十足,打卡一流📸 配披薩食超夾~ 🍝 Kids Spaghetti 帶小朋友嚟完全唔使擔心!兒童餐選擇多,番茄醬意粉份量啱啱好,味道唔過濃,小朋友食到舔舔脷👶 餐廳仲主動提供膠碗筷!超貼心! 📍 Luigi's(ELEMENTS圓方):尖沙咀柯士甸道西1號ELEMENTS圓方金區演薈廣場頂樓R001號舖 #luigishk #elements圓方 #尖沙咀美食 #意式餐廳 #香港餐廳推介