"紅磡黃埔Amor 城意"

🇵🇹🇵🇹品嚐葡國菜 @ Amor 城意 PORTUGUESE RESTAURANT 已經好多年冇食葡國菜，因為香港真係唔多葡國餐廳，今日發現咗紅磡黃埔一間叫Amor 城意既葡國餐廳，餐廳外觀以粉藍色設計，裝修幾靚，再望望餐牌，好多選擇，主打套餐，由一人到多人套餐都很多選擇，最重要係好抵食，見到其中一樣我好想食嘅葡式乳豬，今晚就食你啦😋😋 我哋選擇左 ［傳統葡國經典菜式套餐 ］有好多嘢食，任食自助沙律吧，麵包，三款頭盤，兩款主菜，兩杯飲品，都只係 $ 498 真心非常抵食 ， 仲可以用優惠價加錢食其他小食和甜品👍🏻 🥗自助沙律吧 沙律吧非常乾淨，有多款新鮮蔬菜，粟米，紅菜頭，青瓜，薯仔雜果沙律都可以任食，醬汁仲可以選擇橄欖油，黑醋，千島醬…….，喜歡食蔬菜沙律既朋友就最開心 ▪️頭盤 🐋葡國蜜汁黑椒燒風鱔 風鱔食得出非常新鮮，厚肉肥美，燒得非常香口，而且肉質好彈牙，黑椒蜜糖醬汁好入味，配鱔真係最佳拍檔，非常好食 🦐香蒜橄欖油炒海蝦球 好葡式嘅味道，用蒜片，黃椒，洋蔥，小蕃茄，牛油爆香蝦球和青口，蝦球彈牙到不得了，青口夠入味，所有材料都食到超級香濃嘅蒜蓉牛油味，再配合芫荽一齊食，更加好食 🦞千邑龍蝦湯SHOOTER配帶子忌廉泡泡 用一個小杯裝住龍蝦湯，賣相得意，店員教路首先要食一啖會食到香濃帶子味道，果然係真🤣龍蝦湯估唔到咁鮮味濃香，有粒粒龍蝦肉，非常高質，配合蒜蓉包一齊食就最啱😋 ▪️主菜 🐷葡國烤乳豬 （木瓜沙律，酸梅汁） 高度推介乳豬好肥美，豬皮超級香脆好似食薯片咁，肉質半肥瘦好淋好滑又入味，而且份量好多，有五大件乳豬，店家仲提供酸梅醬汁，酸甜木瓜絲，等你食乳豬嘅時候冇咁油膩，配搭非常之好 🧆板煎元貝牛肝菌醬葡國燉飯 燉飯有點像意大利飯，葡式嘅比較有咬口，燉飯充滿牛油，忌廉，洋蔥，牛肝菌嘅味道，每粒飯都比醬汁包住，非常入味，煎元貝大大粒，肉質鮮味好香口 👍🏻👍🏻 🍹水果紅茶 水果茶用多種水果調制，配合紅茶非常清甜，淡淡果香，好味又解渴 🍷西班牙果酒 這裏的果酒紅酒味不算太濃，比較重水果味道，飲到好多唔同嘅水果肉，好容易入口，清甜帶淡淡酒香，非常好飲 🏛 Amor 城意 📍紅磡必嘉街120號黃埔花園第三期百寶坊地下 2A & 2B號鋪 #amor #城意 #portugueserestaurant #葡國菜 #葡萄牙菜 #葡國菜推介 #kol #foodkol #foodlovers #blogger #foodblogger #foodkol #food #foodie #foodlover #foodforfoodies #hkfood #hkfoodie #hkfoodblog #hkfoodblogger #hkfoodstagram #hkfoodpic #hkfoodporn #hkfoodlovers #hkfoodie #foodguide #香港美食 #相機食先 #每天也要吃好的系列 #孤獨的美食家