蟹腳 鮑魚 乳鴿 都有得食嘅日式放題！

前排食開日式放題覺得好食左好多😌 今次又去另一間再食過 位於尖沙咀嘅殿大喜屋午市放題好高性價比👍 仲可以食3個鐘　而且逢星期一至五惠顧即刻有八八折嘅優惠 可以唔趕慢慢食 🌟午市放題 ($298/位) 食物種類非常豐富 刺身方面有松葉蟹、三文魚、油甘魚、帶子、象拔蚌、赤貝、甜蝦等等 鮮甜肥美 最特別就係有葉松蟹腳食 而且仲係大大隻 好少見日本放題都有蟹腳食 壽司款式包羅萬有 除咗一般嘅壽司 另外仲有其他特色同矜貴壽司 好似香芒龍蝦膏甜蝦壽司、魚子醬龍蝦沙律多士壽司、鮑魚拖羅蓉海膽、柚子胡椒和牛燒壽司、海膽手卷 不單止賣相精緻 味道仲好好 除左刺身壽司呢啲必點之選之外 仲有珍貴食材如避風塘炒蟹、花雕醉鮑魚、黑椒汁一口牛、一品花膠盛 連燒乳鴿皇都有 皮脆嫩滑 啲肉仲好Juicy 燒物就有經典嘅羊架、比目魚、鰻魚、鯖花魚、雞翼、海蝦 我地推薦和牛薄燒 好有牛肉味 蒜蓉粉絲蒸扇貝上面放咗大量蒜蓉 亦都非常惹味 仲有清酒煮蜆 非常鮮甜而且冇沙又大隻 炸物、天婦羅、拉麵、烏冬、鮑魚粥，酸菜魚都有 真係太多嘢食 都講唔晒咁多 飲品就有各種汽水、啤酒、咖啡、自家製冷泡茶 仲有橙汁、芒果汁、椰青水 成熟嘅大人可以試下冷熱清酒、白酒、韓國真露 甜品唔少得軟雪糕 另外每人仲可以要一杯Häagen-Dazs或者Movenpick 除左雪糕之外仲可以試下養生甜品海燕窩椰汁燉木瓜 啱晒依家天時 非常滋潤 食物用QR code落單 方便快捷 餐廳地方寬闊 而且全部都係卡位好好坐 最重要嘅係上菜非常快 唔會last order 完上齊野🤣🤣 📍殿 大喜屋 (尖沙咀) 尖沙咀金巴利道26號1樓 #foodie #本地遊 #香港好去處 #hkfood #香港美食 #hkfoodblogger #hkfood #我好掛住