🌸想飲咖啡☕️不如去全日咖啡🌸

💛🧡🤎 想飲咖啡☕️不如去全日咖啡 每次喺story話去康城行下，總有人會衝岀嚟講康城係美食沙漠🏜️…以前可能係，但最近康城真係好咗好多café😆今日嚟到依間All Day Coffee，一開始被櫥窗裏面嘅蛋糕吸引住，睇返價錢都唔算貴🥰下午茶喺度chill chill先！ 💚抹茶蒙布朗💚 $36 原味蒙布朗食得多，抹茶味真係第一次🍵抹茶味道足夠，一條條嘅栗子蓉同內餡嘅栗子粒首尾呼應，當中仲有cream帶來更軟滑嘅口感🤤 🤎提拉米蘇蛋糕🤎 $36 朱古力味道較濃，可能因為on top有可可粉🍫再嚟會食到咖啡香味，蛋糕體唔會太濕而cream嘅份量剛剛好☕️ 🧡奶茶蛋糕🧡 $36 未食已經聞到好香嘅奶茶味，依個蛋糕體有回彈效果😚證明有口感！每層蛋糕夾住少許忌廉，甜度剛好又唔膩！配埋一杯咖啡更滿足💕 ❤️士多啤梨煉乳芝士蛋糕❤️ $36 煉乳令整體更香更甜，士多啤梨粒均勻地融入芝士蛋糕中，每啖都有粒粒清新酸甜士多啤梨🍓令軟滑嘅芝士蛋糕口感更豐富！ 🤍伯爵茶芝士蛋糕🤍 $36 伯爵茶味道足夠，粒粒茶葉散發濃郁伯爵茶香味！鍾意伯爵茶味道嘅朋友一定要食😋芝士蛋糕軟滑，每一啖除咗有茶香味，仲有芝士味呀🧀 💜手沖咖啡💜 $58 手沖咖啡可以自選咖啡豆，Hatty揀咗淺度烘焙嘅咖啡豆☕️味道帶莓果酸甜味，仲有花香味🌸依個季節飲就啱晒啦！店員好細心教導點樣先可以真正品嚐手沖咖啡嘅味道(完全係長知識)☕️闊口杯強調酸味香氣；窄口杯強調醇度韻尾，一種咖啡豆用唔同嘅杯都有唔同嘅風味，真係好特別！✨ 🖤朱古力咖啡🖤 $48 另外都嗌咗杯Mocha，朱古力味香甜但唔會蓋過咖啡味🍫口感亦都好順滑！ 呢度嘅服務態度好好，雖然weekend人流好多，想飲手沖咖啡嘅客人都唔少！但店員都好有禮貌好貼心客人分析揀邊款咖啡豆好😆亦都會有耐性解釋😍成個過程就好似上咗一堂咁，價錢又唔貴！強烈建議大家去try try呀！ 📍All Day Coffee 📍將軍澳康城路1號The LOHAS康城The LOHAS Collect 3樓A01號舖 #香港好去處 #新年好去處 #親子好去處 #foodie