銅鑼灣gaijin

#新年好去處 搵到一間銅鑼灣嘅高質西餐， lunch time去嘅，勁多人，好彩book咗位。lunch set包前菜或者餐湯，主食同埋嘢飲，最正係佢嘅餐包有忌廉芝士包同埋牛角包，仲可以無限refill添😍 紫薯忌廉湯 是日餐湯係紫薯忌廉湯，少有嘅紫色湯，賣相好靚，味道都好飲，唔會好重紫薯味，平時唔食紫薯嘅人應該都飲到。 法式燴鴨絲春卷 前菜有兩款選擇，我哋揀咗呢款未試過嘅法式春卷，佢嘅做法有啲似平時飲茶食嘅春卷，但係入邊包嘅材料同味道都唔同，加上獨特嘅醬汁，一流嘅賣相，一定要試☺️ 法式煎鵝肝，$88 另外，午市餐單仲可以額外加幾款前菜同甜品，我哋見有鵝肝梗係要試吓啦😍一上枱，已經聞到鵝肝嘅香味，我哋二話不說，影咗張相即刻切開一半兩個人share食，非常滿足。 主食有好多款，由$198至$328不等，仲有二人份量嘅厚燒M6和牛肉眼扒$688，不過我哋一個想食牛一個就想食鴨腿，所以揀咗兩個set嚟食。 美國頂級封門柳，$298 朋友要咗七成熟，煎出嚟嘅色都真係七成熟，賣相好靚，亦都好香，朋友就話好好味，搞到我都忍唔住試咗一舊😍 法國油封鴨腿， $328 食法國菜我都幾鍾意，油封鴨，唔係間間餐廳都可以整得好味，而呢間嘅鴨腿係我食過最大份嘅，唔通佢啲鴨大隻啲😂鴨整得好好味，外層好脆，食落有啲似片皮鴨嘅感覺，非常滋味。 Crème brûlée，$48 估唔到我哋都同時相中crème brûlée😍佢真係整得好好味，雲呢拿味勁重，好後悔點解當時唔叫多一份嚟食😂仲配埋咖啡雪糕，十分滿足🤩大家去食一定要點呢份甜品呀。 喺銅鑼灣都食過幾間法國菜，呢間真心唔貴，而且質素幾高，服務又好好，非常值得一試☺️ #法國菜 #銅鑼灣 #西餐