荃灣性價比高嘅海南雞飯餐廳！

栢檔極品海南雞飯 今日行荃新天地，行完之後走入「栢檔極品海南雞飯餐廳」食lunch，我幾鍾意佢哋間餐廳個吊燈同其中一幅佈滿假草嘅牆，打卡的確一流！ 餐廳入面算闊落，枱與枱之間唔會好窄，輪椅人士好方便入去食！ 1.栢檔極品海南雞飯$64＋$8凍柚子蜜＋$18香麻辣鳳爪（8/10） 呢個海南雞飯個飯係叫咗油飯，油飯份量好多，呢個油飯好香又唔油，海南雞肉質又嫩滑，海南雞都有10舊，呢個係大份size，所以雞肉多d，雞肉可以點蔥油/酸辣汁/黑醬油，我覺得點酸辣汁好味d！ 凍柚子蜜飲品正常，似出面買嘅玻璃樽柚子蜜，都算「筆」得多柚子肉，唔會好甜，甘甘地，好飲！ 小食方面可以加$18就有香麻辣鳳爪，份量算多，一份有6隻香麻辣鳳爪，好味過泰式鳳爪，始終白色鳳爪係要漂白，應該無咁健康，呢份香麻辣鳳爪原價要$28，真係好抵食，又夠麻辣，夠爽脆，好味！ 2.極品海南雞喇沙$64＋$8熱咖啡＋$18香麻辣鳳爪（8/10） 呢個海南雞喇沙入面有6舊海南雞、4舊豆卜、半隻蛋同大量芽菜，麵係粗麵，麵掛到汁，湯底方面店員幫我整個大辣，因為我朋友要大辣，本身湯底係無得揀大中小辣，只有少少辣，所以要特別叫！ 咖啡幾好飲，原來係用馬來西亞怡寶白咖啡！ 小食方面可以加$18就有香麻辣鳳爪，份量算多，呢一份就有7隻香麻辣鳳爪，好味過泰式鳳爪，始終白色鳳爪係要漂白，應該無咁健康，呢份香麻辣鳳爪原價要$28，真係好抵食，又夠麻辣，夠爽脆，好味！ 2人總共價錢$180 @pakdonchickenrice 個人口味總評分：8/10 地址：荃灣楊屋道1號荃新天地1期地下27-28號舖 #栢檔極品海南雞飯 #栢檔 #香港美食 #荃灣美食 #海南雞飯 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong