爆海膽丼🤩🤩 @海膽仔

新蒲崗日本餐廳唔算多，之前路過見到呢間海膽仔好多人排隊，放棄咗，今日特登下晝去，可以舒舒服服慢慢嘆😊😊 爆膽丼，$168 海膽一定係呢度嘅必點，我哋揀咗海膽丼，大大碗，勁足料，入面有兩種海膽，都好鮮甜，真係好正👍🏻 雙重三文魚丼，$78 三文魚丼都好好味，一邊係刺身，一邊係灸燒，兩樣三文魚都勁肥美，好好味呀。 日本赤崎，$58 食咗嗰度最大嘅生蠔🦪真係好creamy好鮮甜，日本蠔冇咁重海水味同金屬味，但會多一份鮮甜味。 秋刀魚刺身，$148 店員介紹有新鮮嘅秋刀魚，可以整刺身，我哋都好少食秋刀魚刺身，所以試咗吓。真係好新鮮好好味，佢仲俾一種酸汁我哋，同魚嘅味好夾，好滿足呀😌 倍化帶子吞海膽，$88 勁大粒勁鮮甜嘅帶子包住好好味嘅海膽，真係勁滿足呀，一人一粒，食得好滿足。試咗咁多樣都好新鮮，好正，又抵食，下次一定會再去食過😍 #foodie#夏日搵食推介