親民價台式料理小店

呢間餐廳由幾位90後後生仔經營，分別擔當芒果師、蛋餅師、排骨師、小食師、特飲師，製作多款地道台灣菜😋 💗香蔥紫菜手撕雞飯 ($57) 蘇子青瓜手撕雞幾乎舖滿成個飯面，雞脾肉厚嫩滑，清新開胃，配上大量紫菜、椰菜同蔥花，超好餸飯🍱 💗小食拼盤 ($39) 拼盤內有鹽酥雞、花枝丸、台灣腸，鹽酥雞炸得外脆內嫩，灑上惹味五香粉🐔；花枝丸爽口彈牙，仲有花枝粒粒🦑；台灣腸皮脆爆汁，帶蜜汁甜味🍯 💗脆炸鮮奶卷·古早芋泥二文治 ($48) 鮮奶卷係用方包卷住鮮奶餡再炸，外層香脆，一咬開爆晒醬，Creamy且甜而不膩🥛；二文治用餅乾夾住綿密香甜嘅芋泥，食落有雙重口感🍠 💗拉絲芝士火腿蛋餅 ($38) 蛋餅煎得外表香脆，皮薄煙韌，內𥚃包住澎湃半融芝士同火腿片，再唧上千島沙律醬，超級香口惹味🫔 💗特濃芝士奶蓋芋頭鮮奶 ($32/ 中) 選用新鮮澳洲牛奶，奶香特別濃郁，加入綿密香濃嘅全手作芋泥，飲落仲有好多芋頭粒粒🍠頂部再覆蓋芝士蛋糕味奶蓋，濃滑充滿芝士香🧀 💗黑糖珍珠鮮奶 ($40/ 大) 黑糖珍珠煙韌軟糯，加入新鮮澳洲牛奶，香濃奶味帶滿滿古早黑糖風味🧋 味道指數：😋😋😋😋😋 抵食指數：💲💲💲💲💲 環境指數：😍😍😍 💰人均消費：$51-100 📍壹.01 One Point Zero One 觀塘駿業街56號中海日升中心2樓D號舖 #美食 #hkfoodblogger #foodie #夏日搵食推介 #hkfoodie #美食 #香港美食