隱世小店食物質素極高

作為元朗人，真係咩元朗美食都要試下，呢間店有啲難搵，要好好眼力先搵到！門面同裝修到好靚！好似去左日本咁，同出面嘅環境有好大分別， 職員同埋廚師態度都好好，環境好舒服，又乾淨。 我地揀左「櫻」一人前套餐 $360 真係不得不讚嘆呢間餐廳既水準，廚師都好年青，而且會起你面前整野食，一道道菜咁上。 前菜：沙律 巴拿馬火腿配蘆筍，另加蜜瓜蕃茄藍梅 1）帆立貝 用牛油煎香左既帆立貝真係好靚仔，配埋黑松露同埋魚子，口感好彈牙之餘，仲食到唔同既味道。加埋花花起隔離好靚。 2） 季節燒魚 廚師話呢個係金雕魚，個人真係未食過，用油煎左嘅魚麟好脆卜卜，食落冇違和。加埋水果一齊食，味道好夾 又清新 3）鵝肝 牛油加紅桑子汁煎鵝肝多士，我個味道好突出，但有小小油，所以隔離特登陪左個香梨，等我哋食完冇咁油膩。好細心！！ 4）封門牛 鹽昆布真係第一次聽，味道有少少似話梅，山葵汁唔會辣，牛肉好有咬口，肉汁鮮嫩 5）炒飯 配麵豉湯，材料有蛋蘿蔔青瓜等等，仲有豬肉，食晒咁多到錢再之後，食埋個炒飯就好夠飽！！#夏日搵食推介 #foodie