人氣熱選～澳門JW萬豪酒店自助餐～名廚都滙

新鮮滾熱辣，啱啱食完要即刻寫低 今次去澳門JW萬豪酒店食dinner buffet ，去之前已經做足功課，原本諗緊自助山定係呢一間，發現呢一間人氣比較高d，就揀呢間。 講返地點先，餐廳位置位於澳門銀河入面既1/F , 因為我喺住喺四季酒店，搵個Google Maps以為好近, 行到先至有一段距離仲要兜左路。 當時到達時間大概6:15左右，坐滿大概八成左右。 冷盤 壽司刺身，沙律火腿呢啲基本嘢就一定有。我就食左兩輪每次限拎既龍蝦同生蠔，龍蝦我覺得雪藏味比較重，冇乜鮮味。至於生蠔佢即刻開，再即刻沖水，一啖咬落去已經feel到海水咸味，真係好新鮮。 熟食 沿着條路行，第一個就係片皮鴨，見着師傅即刻切即刻包，就忍唔住即刻拎咗份，好難得自助餐嘅片皮鴨食都落口係仲暖嘅👍🏻👍🏻 另外仲拎咗件網上有人推介嘅叉燒，的確唔錯，肥瘦適中，最鍾意食呢啲半肥瘦👍🏻 然後一路行見到盡頭，有一個即煮卡邦尼，佢喺正個芝士上面整，整完之後仲要再落啲巴馬臣芝士係面，雖然呢份都幾晒quota，但係呢個組合真係冇得輸👍🏻 再嚟有基本嘅羊架牛扒，羊架唔算好腥，但我嫌佢唔夠熱 牛扒就正常水準，唔係話特別好食，但亦都唔差 清水煮蜆，我覺得唔係幾夠入味，我食咗四隻都食唔到 酒味。 行過見到佢有一個奶湯全家福，應該係一個類似海鮮什錦湯？我見有蝦有鮑魚仲有啲蛋絲，都幾豐富幾好飲👍🏻 甜品區 食到最後先見到原來飲品區都係呢度隔離，有黑白奶茶，因為我唔飲酒，所以其他就冇乜特別 甜品方面都唔少，有好多款蛋糕，糕點，雪糕，朱古力噴泉。 其中我比較欣賞喺龜苓膏，唔會太苦，又可以清下熱氣， 另外楊枝甘露都唔錯，唔會話太甜，細細杯，唔怕食得多 總括來講，名廚都滙食物款式都幾多下，20張相實在 Post唔唒，食物質素亦都唔錯，寫到呢度仍然對個片皮鴨念念不忘，好想再食多份🤤 另外萬豪會員有八折優惠，最後埋單連加一$574.2 MOP ，不過我見依家某d平台好似都有優惠，差唔多價錢，希望下次有機會食到自助山啦 名廚都匯 地址－ 澳門銀河 人均價格－$574/1位 評分－4.3/5 #澳門自助餐 #澳門旅遊攻略 #澳門 #澳門美食 #澳門吃貨 #澳門好去處 #澳門打卡 #澳門遊 #澳門旅行#澳門一日遊 #澳門自助餐 #澳門必食 #報名酒店試睡員