法式私房菜😃精心打造恍如法國小鎮🥰超級復古風

今晚同一大班朋友去皮爾特小館 La Petite Pause食私房菜😏依間餐廳晚餐非常爆滿，我哋都要提前成個幾月先可以預訂成功！晚上只做一台客人嘅生意，同埋佢上層只有一張大枱，所以至少要8位(Max 10)先會接受預訂！😃😃 佢分上下兩層，下層應該係買咖啡蛋糕甜品等等，上層就係做私房菜啦！ 一入門口就係法式賣咖啡蛋糕嘅設計，光猛明亮，有啲似去咗法國小鎮嘅Cafe食甜品，都有好多值得打卡嘅小物件！🥰上到2樓就係我哋今晚食飯嘅地方，個裝飾超級靚囉，好有fine dining但又不失vintage既風格😍😍 Table Set Up亦都係超級靚，淨係影相都影左15分鐘🤣同女朋友嚟食飯麻煩記得帶定攝影器材😁 今晚嘅套餐每位Mop$850，佢仲有一個貴少少嘅Mop係$1200😃老闆娘會先好熱情同大家分享佢哋餐廳嘅起源小故事，在會介紹今晚嘅菜式係有邊幾款等等，非常enjoy😚每位客人前面仲有一支Maxim’s嘅水，老闆娘分享呢隻水的胡事，同埋澳門街是沒有得零售賣，所以佢都好慶幸攞到這個品牌的直接供應，而佢亦都唔會零售賣比客人，只係會送俾每一位黎食私房菜嘅客人，當係一個留念，誠意滿分💯 講番美食先，今晚套餐嘅菜式如下: -青瓜，芝士，番茄啫喱 -煙肉，棷菜花 -慢煮鴨胸 沙律撻， 茄子茸 -粟米餅班，杏桃，馬火腿 -翠玉瓜卷，煎大蝦，炸藜麥 -炸雪魚土豆餅 -乳鴿肉 煎餃子 -鱈魚卷，羽衣甘藍 醬汁 -香草釀豬柳卷 -士多啤梨綠茶蛋糕 每一道菜都10分出色，你會食得出店主係食材方面同埋佢嘅煮法係落咗好多嘅心機，我自己就最鍾意食佢嘅煎大蝦with翠玉瓜卷，大蝦鮮甜多汁，翠玉瓜卷亦都好清新🤤主菜嘅香草釀豬肉卷，香草芬芳但又唔會搶咗豬肉卷嘅鮮味，必定要試！佢嘅法國菜式，同傳統正宗嘅法國菜有少少唔同，平時食法國菜會覺得好膩，但今餐食落去係覺得1十分清新，主廚係控制份量同調料方面好出色，食完成餐共八個菜式，一啲都唔會覺得over🥺🥺 如果有私人宴會慶祝等等，極力推薦大家去嘗試！成餐飯都食得非常享受， 要嘅朋友就盡快聯絡店家去book位啦，因為真係超級full🤣 地址－澳門福隆新街42號 環境／設施－法式復古 人均價格－Mop$850-1200 評分－5/5 #澳門美食 #澳門吃貨 #打卡cafe #澳門好去處