人間仙景策馬特小鎮

兩年前嘅呢段時間,我就係喺瑞士過㗎啦😭😭 雖然話冬天瑞士嘅山區成日都烏雲密佈,仲會有雨雪。但係好幸運地三次去瑞士玩嘅天氣都唔錯(無錯,都係冬天…)~ Zermatt其實係一個幾細嘅山區小鎮,但係因為上山嘅鐵路沿路景色絕美,而且山上風光亦非常吸引,所以遊人好多。而且有一個登山纜車,可以喺白茫茫嘅雪地欣賞三角朱古力山。 呢次係第二次去Zermatt,帶埋媽咪去。多數遊客都係早去晚返,因為呢度住宿實在好貴…但因為唔想同人潮逼火車,所以住咗一間超正有埋廚房嘅民宿。天寒地凍,喺超市買咗就過過期平貨肉片,再買個蕃茄買個洋葱,我哋就好奢侈咁喺瑞士打起港式邊爐😂😂 如果唔想同咁多人一齊逼車上山落山,想悠悠閒閒咁嘆下瑞士山區肺,花點錢住一晚實在好值得(一定抵過一晚港女staycation!)~ #冬遊記 #郊外好去處 #瑞士 #策馬特 #馬特洪峰 #雪景