一日玩轉小樽！你要注意嘅7件事！

昔日「北方華爾街」 小樽距離札幌大約30分鐘車程 係札幌近郊最值得行嘅景點之一 但有啲細節位想提醒大家 亦係我自己行完一轉嘅心得 1. 入小樽有兩個車站 南小樽站 靠近堺町通商店街 小樽音樂盒堂本館 童話路口常夜燈 由南小樽站出嚟之後係一段大斜路落山 可以好輕鬆咁行去景點 相反由嗰邊行返上去就會好辛苦 小樽站 靠近三角市場、舊國鐵手宮線、小樽運河、小樽藝術村 呢度嘅歷史懷舊氛圍比較濃厚 所以建議可以「A站入、B站出」 係比較適合嘅散步路線 留意! 由小樽運河行到童話路口大約仲要20分鐘路程 2. 小樽運河旁邊嘅舊倉庫 大部分已經變咗做商業空間 入去通常都要消費 或者你亦可以選擇好似小樽市綜合博物館運河館咁 以參觀博物館嘅形式去睇舊倉庫 3. 商店街有幾間特別嘅IP專門店 Snoopy、Chiikawa、Miffy 兔,你可以揀自己心水嘅鋪頭入手 4. 商店街有好多甜品手信同玻璃工藝品店 因為重疊性幾高,如果時間有限,要自己衡量下點行 5. 小樽音樂盒堂本館 必去! 舊建築入面佈置得好溫暖 音樂盒種類多到睇到眼花繚亂 仲有好多古董音樂盒展示 係當地最具代表性嘅龍頭店舖 6. 童話路口旁邊 LeTAO 頂樓 免費景點 係從高空俯瞰小樽市景嘅好地方 7. 音樂盒堂門口嘅蒸汽鐘報時好特別 一定要停低睇下 感受童話路口嘅歐洲風情 小樽係一個好有歷史嘅地方 城市景觀同札幌好唔同 去北海道旅行千祈唔好錯過