滿滿回憶The Memory of On On Hotel

#泰國酒店 正名有D長，The Memory of On On Hotel 昂昂回憶酒店，位於布吉鎮中心點，Kasikorn Bank 開泰銀行對面。又係一間公共空間靚過房間既酒店。係西方會出名D，因為Leonardo Dicaprio 廿幾年前拍既The beach有一幕係呢度取景，所以有好多洋人中佬會過來住下，反正房價唔貴。我又係book最平既房，閒日約 hk$300,係布吉鎮來講，唔係因為名氣，其實頂多值二百。Anyway, 既然來到就影下相開心下。 基本上係傳統既中葡建築風格，有中庭，水池，大紅燈籠高高掛。舊相同古董裝飾傢俬隨處可見。如果入住酒店主題套房(即貴房)，應該可以體驗當年富有土生華人的生活。我住柴房係體驗平民生活！不過因為酒店位於舊城區中心點，又邊都咁方便。