炸雞外賣小店｜多區有分店

#相機食在炮台山 🍾 留意咗呢間365炸雞 好耐，買咗少少小食上去加料💛 💎Shake Shake 雞髀肉（大$39） 原先以為係要揀口味，諗住揀兩款細嘅一次過試兩款口味😅店員溫馨提示買一份大份，就可以自由灑上唔同口味嘅調味粉喺雞件上，更加抵食划算😆雞髀肉即點即炸，炸得香脆，炸漿唔會好厚，雞肉肉質嫩滑。呢日店內有唔少口味選擇，例如：日式芝士，日本梅子，沙律芥末，五香椒鹽，海苔，四川麻辣，款式多多，貪心嘅我樣樣都灑咗D🤣雖然變相令到每款嘅味道唔太突出，但呢個價錢口痕食下都唔錯👍🏻 💎韭菜餅($28/3件） 韭菜餅煎得香脆，餡料塞滿韮菜，雖然油膩咗d，但都幾juicy😋 💎曲薯($20) 好耐冇見過呢款薯條，充滿童年回憶🤭我個人就好鍾意食呢類軟綿綿薯條🤗除咗茄汁之外，亦有多款秘製醬汁，例如：泰式甜辣醬，蜂蜜芥末等🍯 💎司華力腸($15) 味道正常，店員切成細件，方便分享✌🏻