深圳酸菜魚過江龍進駐海港城～姚姚酸菜魚

♥️ #相機食在尖沙咀 🍾 姚姚酸菜魚進駐咗海港城，想食好耐，買咗返屋企安心慢慢食！ 🔸姚姚酸菜魚拼水煮牛肉 2人份($308) 🔹涼拌萵筍絲($58) 🔸紅糖麻糍($58) 🔹椒麻皮蛋($58) 🔸外賣盒($10) * 價錢為原價 * 姚姚酸菜魚同水煮牛肉嘅份量好多，兩大盤😄酸菜魚採用鮮鱸魚，啖啖肉有魚味，嫩滑冇骨，如果厚肉D同入味D就更好啦 🐟 酸菜酸爽開胃，唔會死鹹，湯底嘅辣度與酸度都好溫和，入口舒服唔會太重口味，而且唔會太油膩😋 水煮牛肉辣度容易接受，牛肉嫩滑惹味，麻辣鮮鹹，入面仲有滑溜嘅薯粉！小食我揀咗涼拌萵筍絲，味道清新，解膩解辣一流🥒椒麻皮蛋反而辣過水煮牛肉，蛋白剔透爽彈，蛋黃帶少許流心，配搭麻香嘅椒麻醬汁，辣得過癮🍳 甜品有紅糖麻糍🥳自己可按個人喜好添加糖漿，麻糍金黃薄脆，內裡軟糯，香甜可口，滿足！店內仲有一個好出名嘅彩虹烏龍冰粉，不過得兩個人試唔到咁多，下次有機會再試下 🌈 #星級作家衝衝衝