檳城🇲🇾\\龍鳳茶室//🫖瞬間帶你回舊時💕💕

檳城真係好多好野食！ 其中有五十年歷史既龍鳳茶室作為旅客必試美食之一～ 當然去食番餐！ 呢到除左有傳統的馬來西亞早餐下午餐~仲有點心同炒粉炒麵~ 之前都見到有人去要排隊~所以我地避開午市💕 距離佢關門前一個鐘 三點去到~結果真係唔洗排隊~ 睇完佢餐牌之後真係好多野都想食！可惜我地得2個人🥹 我地叫左以下四樣！只能夠話🥹四樣都好好食😋非常滿足！ 龍鳳招牌炒飯 RM13.9 首先見到招牌2個字🤣所以就決要嗌！ 炒飯超級香🥹炒得好乾身~~配左隻煎蛋🍳同埋2隻蝦都好出色~每啖飯都會食到啲炸卜卜既 我估係炸蒜？巨香口！ 砂鍋老鼠粉 RM15.9 上枱仲滋炸滋炸咁既聲🤤🤤🤤上枱見到醬油顏色好黑嚇親！不過食落唔會好鹹!超惹味😝 手工蘿蔔糕 RM8.9 見到好多食過既人推薦！果然好好食！ 係新鮮熱辣辣炸出嚟🤭食完仲想encore😳可惜太飽了🥹 爆漿鹹蛋芋頭球 RM11.9 呢係我私心鐘意食既小食😝都無令人失望！ 上枱就知道佢係新鮮炸出嚟！差啲比入面個爆漿辣親🤣 私心大愛🥹🥹 除咗食物冇得頂之外！ 呢度嘅環境都值得過嚟欣賞吓😳 無論是傳統舊式嘅枱凳貼喺牆上嘅毛筆字 懷舊屏風~印有囍字嘅碗碟~都營造出濃厚的”舊陣時”既氛圍 無論熱愛探索地方文化定係想品嚐檳城美食嘅旅客！ 都一定要嚟朝聖💕💕 營業時間 ：星期一至日 八點到四點 (星期四休息) 📍249, Lebuh Pantai, George Town, 10300 George Town, Pulau Pinang, 馬來西亞