檳城🇲🇾米芝蓮必比登美食推薦\\莫定標娘惹糕// Moh Teng Pheow Nyonya Koay~傳統娘惹糕點！

去檳城好多人推薦一定要食娘惹餐~ 如果要試傳統娘惹糕點~一定要去莫定標娘惹粿廠~ 位置係喬治市市中心鄰近小印度區~基本上係市中心行都會順路經過~ 入到去首先你會經過佢地個廚房~ 見到有幾個姨姨係到包緊類似糯米糕既糕點!! 再向前行就會入到餐廳位置~ 見到玻璃櫃入面色彩班斕既糕點已經好期待~ 入到去搵個位置坐低就會有員工比餐牌你睇~ 真係花多睇亂!!望住一款款陌生既糕點~ 我地大概隨心揀左幾款~都係我地鍾意呢到既點!! 全部糕點都可以一件件叫~咁就可以試多D唔同款~ 老實講你問糕點既味道係咪非常好吃？ 對我地嚟講又唔係~可能口味唔同問題？ 我地就覺得非常甜！🤣🤣但食材的確唔差！特別椰子🥥絲同花生都好香！ 就算未必岩口味~但始終係當地特色甜點！又別具歷史價值~ 都好推薦嚟試下感受下！而且員工唔會話逼你一定要叫幾多~ 可以每人叫3 4件淺嘗一下💕 另外食完娘惹糕~記得轉個彎去埋出名有藝術打卡牆既Grand Swiss Hotel~ 記得要有禮貌係唔阻礙車同住客既情況下先打卡~ 星期一至日 10:00–17:00 📍Lebuh Chulia, Jalan Masjid, 10200 George Town, Pulau Pinang, 馬來西亞 #檳城 #檳城景點 #檳城喬治市 #馬來西亞 #malaysia #penang #娘惹菜 #娘惹文化