來一趟非一般的城堡之旅

大小公主嚟到英國當然要去城堡🏰巡視吓，今趟我哋就嚟到 Warwick castle 巡視業務喇🤭 以為齋行城堡好悶？又唔係喎！ 英國真係總有一個playground 響你左近😂 4月初Zog Playland 啱啱開幕。雖然我哋無睇過呢本書，不過playground設施色彩鮮艷，集合感官與體能嘅設施，令小朋友有置身故事情節嘅感覺。 除咗呢個playground, 仲有一個Zog and the quest for the golden star trail, 小朋友可以響入口處拎一張卡去唔同checkpoint 完成唔同mission, 離場時工作人員就會為你加冕一個Golden Star Badge 喇！ 城堡內仲有一個時空隧道的Horrible Histories Maze , 利用互動裝置令參觀者了解戰時小歷史。 不過個maze 俾樂園酒店果個大而複雜，有啲難度先出得返嚟🥲 一場嚟到當然要行上城堡高樓遠眺城牆外嘅全景。原來城樓內嘅迴旋樓梯真係好窄好高，究竟以前嘅士兵響危急關頭要跑上城樓時係點行嘅呢？ 一路無止境咁行，一到Guy’s Tower出口原來已經行到好高😱 如果畏高嘅，可以去參觀另外一面Princess Tower, 分時段派發Princess ticket, castle 內卻隱藏廸士尼公主的小細節，有工作人員帶領大家一齊幫被封印嘅皇子同公主解除魔咒。 遊覽Warwick Castle 當日天朗氣清，城堡嘅後花園更有孔雀🦚自由自在周圍行，大草地任你碌😆 不得不提The Falconer's Quest 呢個表演，有60隻同城堡有關嘅雀鳥一齊表演，表演貫穿觀眾人群，不時響大家頭頂飛過，好震撼！ 溫馨提示💗 呢度都係Merlin Pass 旗下，有annual pass 就記得預先上網預約入場喇。 相對其他adventure park,呢度嘅園內消費較高，可能城堡出品係唔同啲？ 響邊度📍 Warwick Castle Castle, Castle Ln, Warwick CV34 4QU Follow us #mimimomoma 齊齊 mi mi mo mo explore 👀 #mimimomoexplore #happykids #mrsisterhood #快樂童年 #親子日常 #境外遊 #春季旅行