香港特色車仔麵

今晚突然想食車仔麵，諗起元朗有間排晒隊嘅永年士多，入邊有車仔麵食，就即刻同屋企人坐車過去。 呢間永年士多都算大間，坐位都算多，但勁多人買外賣，勁👍🏻 估唔到而家有埋多士食，勁開心，即刻叫多個班蘭咖央多士食😍 多士外皮香脆，內裏軟淋淋，我覺得呢個班蘭咖央多士真係要買多份，大佬，$18有呢個水準，重想點👍🏻👍🏻 大碗麵 - 呢碗麵勁多餸，有蘿白、豬腸、豬紅、豬皮、雞翼尖及魷魚等等。薯白好清甜，雞翼尖勁淋，入晒味👍🏻 魷魚勁爽口，豬腸䡤中好好味，大大碗，認真抵食。 三餸麵 - 屋企人叫咗豬腸，豬血同埋雞翼。雞翼估唔到咁好味，可能佢個汁煮得好。要讚吓個粗麵底，好爽口，唔會浸淋晒，唔錯。 抺茶紅豆冰 - 好飲過正常紅豆冰，佢無咁甜，而且會一啖都好香抺茶味，正呀😋😋 地址－元朗教育路88號寶城洋樓地舖2-4號 環境／設施－ 8/10 特色－ 8/10 人均價格－$80 評分－ 8/10 #foodie #美食推介 #香港美食 #小貓寶