抵食元朗美食介紹 ✨ 滿足你味蕾既美食一天遊😆🤩

今次同大家簡單介紹3間餐廳🍴😋包大家食得爽 午餐推介A：簡.聚 (元朗) 地址：元朗西菁街10號好順泰大廈地下59號舖 前往難度：⭐️⭐️⭐️ 環境指數：⭐️⭐️⭐️⭐️⭐️ 食物指數：⭐️⭐️⭐️⭐⭐️ 推薦指數：⭐️⭐️⭐️⭐⭐️ 呢間可以話係元朗隱世西餐之一！小店西餐但食物唔馬虎，大蝦煎得好香，意粉彈牙入味，個魷魚圈好好食，炸到好香口好彈牙，係出餐比較慢，要預早小小去排隊。 💵 人均$100 - $150 午餐推介B: 魚眾不同酸菜魚 (天一商場) (天水圍) 地址：天水圍天秀路8號天一商場2樓2060號舖 前往難度：⭐️⭐️ 環境指數：⭐️⭐️⭐️⭐️ 食物指數：⭐️⭐️⭐️⭐⭐️ 推薦指數：⭐️⭐️⭐️⭐⭐️ 另外介紹呢間係位於天水圍既酸菜魚餐廳，如果一個人食都唔怕，佢有d抵食既一人酸荣魚餐都係$60左右。今次叫左個2-4人份酸菜同麻辣土豆絲，酸菜魚可以揀辣度所以唔太食得辣既朋友都食到。酸菜魚入面基本上每樣配菜都包左，唔食飯/米線基本上都夠飽🤣好彩個餐本身包左唔係另加，唔係感覺好浪費。魚片無骨好彈牙，份量超多，認真唔錯。 💵 人均$100 - $150 晚餐推介：勝興潮州打冷 (元朗) 地址：元朗建業街65號地下 前往難度：⭐️⭐️ 環境指數：⭐️⭐️ 食物指數：⭐️⭐️⭐️⭐ 推薦指數：⭐️⭐️⭐️⭐ 是日點左幾個小菜，分別係椒鹽鮮魷🦑、潮州蠔餅、滷水鵝片配豬大腸、咸魚煎蓮藕餅。份量超大🤣 椒鹽鮮魷比較似避風塘感，有d支鹽味，個人鐘意偏港式既多。潮州蠔餅既蠔仔煎得岩岩好，好滑唔會老，仲配有魚露可以點。滷水鵝片係勁大碟，滷得好入味，呢盤係無骨鵝片，如果鐘意骨可以叫返鵝件。煎蓮藕餅好厚肉，食2件都飽飽地🤣幾鐘意佢唔太肥豬肉多既感覺，唔錯。 💵 人均$100 - $150 #美食 #hkfood #foodie #本地遊 #夏日搵食推介 #hkfoodie #香港美食