香港探店 元朗美食 牛知己 火鍋任食

#cassiegoyuenlong - 瘦編聽朋友講元朗有間火鍋店平時好多人排隊，要專登book位先食到。今次瘦編就同朋友嚟試吓，揀咗$268一位澳洲精選牛板健加海鮮放題，當中可以任食多款頂級肉類同海鮮，包括美國極上牛肩肉、美國穀飼黑豚肉、美國特產牛肉、原隻白魷魚、蟹籽墨魚滑、紐西蘭半殼青口等等，仲有包埋汽水啤酒任飲。🐮 - 餐廳空間比想像中大，全部都係卡位，可以坐得舒服。免費嘅湯底有兩款，分別係雪濃湯同昆布清湯，我哋就揀咗雪濃湯，味道比較清淡，唔太建議。點餐主要用ipad落單，另外仲有自取區，自取熟食同火鍋區都有好多選擇。熟食都幾驚喜，有壽司、炸物、糖水等等，同自助餐有得揮！🍲 - 食物質素整體唔錯，原隻白魷魚好爽口，大虎蝦好新鮮，蝦肉鮮甜彈牙，澳洲精選牛板健脂肪分佈均勻，肉味香濃，肉質嫩滑。推介！🍴 - 味道評分▶️🌕🌕🌕🌕🌗 (4.5) 抵食評分▶️🌕🌕🌕🌕🌗 (4.5) 回購評分▶️🌕🌕🌕🌕🌑 (4) - ➡️ 牛知己 (元朗) 📍 元朗安寧路38號世宙商場地下26-27號舖 - IG: @cassiecwy/ @cassiegetfat FB: @cassiegotravel OP: cuisine_revolution (Lv4) DianPing: cassiegetfat (Lv6)/ cwycassie (Lv4) TripAdvisor: cwycassie