🇹🇭元朗惹味泰國菜🇹🇭

好耐冇食過泰國菜，今晚約咗朋友去元朗小曼谷食飯，餐牌款式好多，同朋友揀左好多野食，叫到成枱都係🤣 ▫️泰式酸辣鳳爪 無骨鳳爪啱晒懶人食，口感酸辣爽脆，做前菜一流，夠晒開胃 ▫️冬蔭公湯🌶 個湯酸酸辣辣，都幾辣下，幾開胃惹味，入面有兩隻大蝦同菇，仲跟埋火爐可以滾住食 ▫️泰式鐵板蠔餅 蠔餅夠晒巨型，仲好足料，d蠔都幾大隻，有口感！仲有附上碟泰式醬汁，點埋食格外惹味 ▫️鐵板豬頸肉椰菜苗 上枱時已聞到好香，食落鹹香味道重，豬頸肉有口感，椰菜苗偏硬身，索晒醬汁食好惹味！ ▫️泰皇咖哩法包軟殻蟹🦀 賣相好吸引，份量亦好足，軟殻蟹即叫即炸，入口脆卜卜，而法包超級大個，裡面裝滿咖哩汁，用嚟點麵包食超邪惡，餐廳連法包入面個麵包芯都俾埋，包補夠飽！ ▫️椰青🥥 椰青好大個，好多汁，清涼解渴，仲刮晒d椰子肉出嚟食，好正🥰 🍴小曼谷泰國美食 (教育路) 📍元朗教育路50號兆明樓地下A號舖 #foodie #星級作家5月驚喜