【創意十足.泰國Fusion菜🇹🇭】

講起泰國菜，可能都會諗到冬蔭公，炒金邊粉等傳統美食。但呢間Fusion菜就打破一如既往嘅菜式，創造出多款新奇料理🤩 💛青檸燒雞翼 ($58) 雞翼一共有五隻，味道好似平時BBQ嘅味道！每隻都燒到個外脆內軟，咬入去雞翼好多肉汁。擠埋檸汁落去，就會變咗另一種風味，令味道更昇華😚 💛咸蛋黃薯條 ($62) 薯條屬於幼身脆口款，炸至金黃色，面頭鋪滿滿嘅芝士碎🧀 而每條薯條被咸蛋黃味包裹，充滿咸蛋黃味，中間仲有少少咸蛋黃醬可以撈埋一齊食，味道就會更出同豐富😋 💛冬蔭公忌廉海鮮意大利麵 ($98) 估唔到冬蔭公同意大利麵係咁夾，每條意大利麵都好掛汁，仲有淡淡忌廉味。而海鮮份量都唔少下又唔會腥！成碟辣辣地，好有驚喜😍 💛紅咖喱海鮮簿餅 ($98) 簿餅係屬於薄批，脆底！面頭配料好豐富，每塊簿餅上面都有海鮮，海鮮一樣唔腥。連埋滿滿芝士一齊食，好滿足🫶🏻 可惜嘅係紅咖喱味道偏淡。 🥤青檸沙冰 ($38) 飲落去酸酸地，有好強勁嘅青檸味！飲完都醒神啲😆 🥤曲奇香蕉乳酪 ($40) 好神奇嘅配搭，估唔到咁夾。飲落去好重香蕉味又帶啲曲奇味，味道唔錯☺️ ——————————————————————— 🌼評分：5個🌕為滿分 🫧味道：🌕🌕🌕🌕🌖 🫧環境：🌕🌕🌕🌕🌕 🫧性價：🌕🌕🌕🌕🌗 🫧回頭：🌕🌕🌕🌕🌖 ⏰限時：NA 💰加一：NO 📍 Woodsage 📍 元朗福田徑2-16號樂富大廈地下7號舖 #hkfoodie #香港美食 #香港美食 #foodie #元朗美食 #cafe #元朗餐廳