麗江必遊景點-玉龍雪山

去麗江，必去玉龍雪山。但玉龍雖美，並唔代表你可以起毫無準備之下去。以下幾點必須注意： 高度： 玉龍雪山山頂海拔5千多米，如果你係搭纜車上去，短時間爬升太高係極容易有高山反應，所以你必須有氧氣筒旁身。 溫度： 山頂好凍，你必須著夠衫，如果覺得帶厚衫麻煩，可以現場租，但租既衫影相當然冇你啲私伙衫咁靚。 光線： 山頂冰雪覆蓋，加上強光，有機會會有雪盲症，我同行既朋友就中左招。大家記得帶對型仔黑超保護雙眼。 另外，高海拔地區紫外線好強，你未必覺得好晒，但你絕對會輕易晒黑，一定要做足防晒！ 園區範圍： 玉龍景區好大，中間要搭車走來走去，大家要做好功課，妥善安排時間。 總結： 建議大家報個可靠既 local tour, 起碼氧氣筒，大褸，交通都有人幫你 take care。Touch wood有高山反應都有有經驗既人 take care你。 #玉龍雪山 #麗江 #雲南 ##登山 ##雪山 ##中國內地景點