休閒水療好去處😊🌸日式風格🎏勝地湯泉⛲️

放假出咗珠海玩，就去咗拱北口岸對面間水療中心玩半日🙈最鍾意就係娛樂飲食水療一體化嘅休閒中心，夠晒方便，澳門就真係冇呢啲場啦😀 我哋兩個人今日試咗6小時嘅門票人民幣$98 ，門票包咗$50消費金額回贈，可以喺按摩餐飲收費項目等使用，而原本嘅門票就可以免費使用休息區唱K房間網吧棋牌室桑拿等等，CP值都幾高😍 一去到要先沐浴更衣，仲有啲日式浴衣俾你揀不過就要收費，女士就最鍾意啦🤣外面就係餐廳區，裝修都幾光猛闊落，聽朋友講以前係自助餐模式，而家就冇咗啦，會提供單點菜式服務，中午夜晚同宵夜仲有自助火鍋服務，又幾好😚 食咗少少嘢就去3樓休息區度睇吓，3樓嘅休息區空間好大，有遊戲機室網吧小食店等等，仲有網紅打卡位，日式帳篷休息區☺️☺️打咗一陣遊戲機，就安排咗按摩，RMB$388/120分鐘，價錢合理手法亦都幾舒服，滿意🤘🏻 按摩完咗之後就去咗唱一陣k，唱K嘅歌單都幾update，不過略嫌隔音差咗少少，五音不全嘅我表示尷尬🤣 唱完K就去休息區睇下書Hea多陣，六個鐘嘅體驗就完結咗啦😍今日既體驗都相當唔錯，環境舒適設備新穎，價格合理，最重要係依度嘅職員係唔會問你攞小費，十分高興🥰🥰 我下次應該會再嚟試吓二十四小時既體驗，因為6小時真係唔夠玩🤣🤣 地址－拱北昌盛路L酒店2樓 人均價格－RMB$500 評分－4/5 #珠海 #珠海好去處 #珠海水療