旺角必食麻辣香鍋 香辣上癮 @麻辣香鍋

麻辣香鍋 (旺角) 📍 旺角砵蘭街198號地舖 朋友介紹喺朗豪坊對面砵蘭街位置有一間專食鑊氣川菜的「麻辣香鍋」，紅色霓虹燈招牌非常易認，店面廣闊，枱之間有足夠嘅空間不會太密！坐得舒服，同朋友聚會一流🎈。 主打招牌香鍋，口味可以選擇麻辣香辣或者醬香。辣到更加可以選擇不辣微辣中辣小辣大辣。所有人士都啱食。材料方面可以選擇肉類或者蔬菜類。識食當然選擇麻辣香鍋（小辣）：魷魚鬚好爽彈新鮮！萵筍爽脆感覺健康，蓮藕脆片蘸上適量乾辣椒好花味！海蝦爽口彈牙，外殼經過醬油香煎封口，外脆內軟殼都食埋。豬大腸有肥有瘦，瘦的香脆可口，肥的有適量油脂肥膏，口腔充滿啖啖肥膏香。 蓮藕仔炒牛肉：口感上係最嫩最唔硬嘅藕。 蓮藕仔爽脆又帶啲稔身，口感確實好得意味道清甜。因為食材本身味道比較淡所以用嚟配牛肉同埋醬汁一起炒。 牛肉都好軟焾，有大量洋蔥🧅黑木耳、增加口感，調味又不會太辣。好下飯！ 香辣魚皮：買少見少嘅功夫菜，魚皮好爽口，充滿花椒油獨特麻香，新鮮Q彈魚皮，濃郁香辣，嚼勁十足，帶來衝擊味蕾的鮮爽口感，越吃越過癮。 酸梅湯：食咗咁多辣嘢，當然要飲酸梅湯，消滯解油膩、酸度合宜。 金桔檸檬茶：配合青檸金橘透過擠壓釋出檸檬酸味，加入蜂蜜糖漿，潤喉。 總結： 必點麻辣香鍋 香辣上癮 特色香辣魚皮充滿花椒油香 #旺角#麻辣香鍋#萵筍#蓮藕#海蝦#魷魚鬚#豬大腸#香辣魚皮#蓮藕仔炒牛肉#酸梅湯#金橘檸檬茶