https://hk.trip.com/moments/tag-204831-%E6%98%9F%E7%B4%9A%E4%BD%9C%E5%AE%B65%E6%9C%88%E9%A9%9A%E5%96%9C/
牛頭角台灣館
點止台灣菜咁簡單😍
呢度除咗有台灣菜,如滷肉飯、甜不辣、台灣香腸、鹽酥雞等等,之外仲有多款即叫即炒,好夠鑊氣🔥嘅小菜🥰、麻辣雞煲、烤魚、水煮/酸菜魚等,價錢親民好抵食
🍤芝士黃金蝦 $82
抵食🤩 金黃色又黐滿蛋黃嘅蝦,外形吸引,口感酥脆爽彈,滋味鮮美😍 伴碟仲有新鮮爽脆嘅西蘭花🥦
🎃黃金椒鹽日本南瓜 $82
黃金滿枱🤩 呢碟又是蛋黃滿佈,而今次是同樣金黃色金瓜,外面香脆,入口瓜肉綿滑,味道香甜😋
🧋胚芽珍珠奶茶 $25
胚芽香陣陣,奶茶香且順滑,珍珠Q彈
🧊🍵冰泡茉香綠茶 $12
冰涼🧊解渴,茉香綠茶幽香而且清爽甜美
地址:台灣館
牛頭角牛頭角道3號得寶商場1樓210號舖
#foodie #hkfoodie #鑊氣小炒 #消費券攻略 #熱門打卡餐廳 #星級作家5月驚喜
沖繩小美國🇺🇸🤣打卡點超多
沖繩吾似其他日本🇯🇵地區咁方便
佢既公共交通都好有限
不過唯一最多交通去既地方就係小美國🇺🇸村
💕真心比佢驚喜到😂真係好似翻左以前既美國咁
而且入面有好多特色小店同野食買
真係要留係度大半日先可以😌玩得哂
美國村吾只可以😌能夠購物用餐
汁邊仲已經係海灘😎落去掂下水都好爽
美國村其實係沖繩中部地區北谷町美濱🙈
因為沖繩係第二次世界大戰後被美國統治所以歸還日本後留有美軍駐紮基地
由於鄰近美軍設施同居民好多所以都洋溢濃厚美國風情😝所以就有呢個美國🇺🇸村😀
美國村有一座顯眼既摩天輪🎡1圈大約15分鐘☺️所以摩天輪🎡睇出去絕對夠時間可以將成個美國村風景盡收眼底❤️
呢個景點記得要尼哎
#境外遊 #日本旅行 #沖繩 #星級作家5月驚喜 #beaches #境外遊
牛川和牛專門店,燒肉約你呢度見
餐廳:牛川日本和牛專門店 (銅鑼灣)
地址:銅鑼灣謝斐道496號金利文廣場3樓
自從開返晚市,我就多咗同朋友去食燒肉🔥、放題同火鍋😋,畢竟真喺太耐無放開自己嘅腸胃去豪食自己鍾意食嘅嘢喇。咁當然放得入口嘅,緊喺希望食啲比較有質素嘅食物啦😎
適逢好朋友生日同埋啱啱浸禮成為基督徒✝️,今次同咗佢去銅鑼灣呢間啱啱新裝修同改名一個月嘅牛川日本和牛專門店 @gyukawacwb 食最貴嘅「尊貴和牛燒肉放題」($458),而依家到6月30號前,4個人同行食和牛燒肉放題仲送原隻龍蝦刺身一隻🦞
餐廳嘅空間感都幾大,枱同枱之間有一定距離,我哋兩個人安排咗一張四人枱比我哋,就算我哋叫好多嘢食放得晒而且坐得好舒服😌,傾偈都感覺到有啲私人空間👏
任食時限為120分鐘,可以任食新鮮高級嘅日本熊本同牛匠岩手縣嘅和牛🐂。淨喺和牛都有十幾款選擇,例如比較稀有嘅和牛千本筋(有好多細筋但非常軟嫩嘅和牛大腿外側毽子肉)、牛冧(筋膜較少、肉質彈牙嘅臀肉)、牛肩梅花、牛後腰肉、牛五花等。當然唔少得和牛沙律🥗、火炙和牛拖羅壽司同手卷、和牛漢堡、和牛肉醬飯,同我最鍾意、食咗好幾轉嘅和牛美人玉子啦😋。將薄切和牛肉輕輕燒烤幾十秒,再放入生雞蛋醬裡面蘸幾吓即刻食,嗰種肉香同蛋香嘅配搭真喺一食難忘🤤;日本飛驒牛刺身油脂分佈均勻出色,粉嫩的色澤同好似大理石咁嘅紋理,配上黑椒同鹽一齊食,放入口簡直有種銷魂嘅感覺🤩
除咗和牛之外,仲有廿幾款唔同嘅雞、牛、豬肉,當中一定要試嘅包括日本佐賀名水豚五花🐷、西班牙伊比利亞豬梅扒、霜降安格斯牛肉等,餐廳真喺好抌本又高質,所用嘅食材同肉類來源都相當唔惹少👍
一開始餐廳安排咗每款都有啲嘅和牛拼盤,另外仲送咗一個海鮮拼盤,裡面有鮑魚、生蠔🦪、虎蝦🦐、帶子同甲羅燒,淨喺食完呢兩個拼盤都已經值回放題嘅價錢🤑
除此之外仲有沙律、燒烤蔬菜類、刺身、壽司🍣、火炙壽司、炸物、小食、一品料理等接近100款嘅食物選擇,都幾多元化同埋上菜上得幾快,不過就時不時會有一兩樣食物漏咗無嚟。而無酒精飲品同埋罐裝啤酒都可以任飲,食完燒肉飲番罐清熱檸檬茶下下火就啱晒🥤。最後仲可以喺Forbidden榴槤雪糕、Pui Pui天竺鼠車車雲呢拿雪糕、Mövenpick雪糕入面揀一款雪糕嚟食,呢隻榴槤雪糕用咗D24馬來西亞榴槤去整,每啖幼滑嘅雪糕裡面都蘊含住香濃柔滑嘅榴槤肉同榴連香😍
嚟食放題嘅人要注意吓⚠️,入座起計掃QR code落單只限頭90分鐘,呢個時限之後錯過咗落單嘅話就幫唔到你喇,所以記得睇實單上面嘅時間嚟叫嘢食😎
#性價比酒店 #主題公園指南 #香港camping #foodie #星級作家5月驚喜
工業風上海菜
上海婆婆336顧名思義主打食傳統風味上海菜,餐廳裝修係工業風風格,座位寬敞舒適,適合同三五知己聚餐。
▪️上海小籠包
一籠有四粒,皮薄餡靚,咬開超多湯汁,絕對要趁熱食
▪️素菜蒸餃🥟
蒸餃有三隻,餡料飽滿,蔬菜餡調味剛好
▪️話梅花雕醉雞🐔
雞件份量都幾多,肉質嫩滑而且有濃郁嘅花雕酒香味,非常好味
▪️四喜烤麩
呢道係經典上海菜冷盤前菜,麵筋質感鬆軟有彈性,索晒香甜醬汁,仲有冬菇同埋木耳,全部都好入味
▪️上海炒年糕
食上海菜必須要點,年糕炒得好惹味,口感煙韌,仲有好多肉絲同埋菜,感覺好足料
▪️婆婆擔擔麵🍜
佢嘅拉麵係手拉麵,唔係機製,所以會見條麵條嘅粗幼不一,食落口感真係特別唔同,湯底亦都有好香濃嘅花生醬味,加上配埋肉碎,更加惹味
🍴上海婆婆336
📍尖沙咀彌敦道63號iSQUARE國際廣場6樓605-606號舖
#foodie #星級作家5月驚喜
#巴黎必食 #高質牛排 #當地人推介
地址-metro 4號線 Les Halles站步行約五分鐘
環境/設施-鄰近 #羅浮宮 等熱門景點,可以在一天行程中找出一兩小時休息,欣賞牛排🥩然後再沿途走到另一邊景點~
店舖地理位置優越,而且店內環境寬敞,亦可選坐外面的位置,非常舒適寫意~
特色- 非常便宜!大大的牛扒在物價高昂的巴黎,只需23.9歐元。而且牛肉軟軟的,不難咬。如需更多調味,胡椒、鹽等亦可自由取用。整體而言,是一家令人一再回味的餐廳,絕對為 #巴黎必食推介
人均價格-$200-250 hkd
#星級作家5月驚喜
美味燒肉放題
近年香港越嚟越多任食燒肉,半年前食過和牛燒肉一郎,覺得佢食物質素真係唔錯,所以今日再去encore~
大部分食物都係用手機落單,落完單會係運輸帶送上,非常方便👍🏻 而自助吧有各式各樣嘅飲品、沙律同甜品!太餓關係先叫少少熟食暖下胃先~ 佢地嘅熟食質素都唔錯!
▪️海帶湯
一落完單隨即送上,熱辣辣,海帶湯面有麻油,飲落更香口
▪️日式炸雞
烤粉唔厚而且雞肉嫩滑,配上蛋黃沙律醬
▪️海蝦
蝦都幾大隻,肉質彈牙
▪️醃漬牛肋肉 | 美國牛肋肉 | 一口牛 | 美國牛里脊肉
牛里脊肉牛味較重,而牛肋肉油花較豐富,口感較嫩!一口牛牛味都好濃郁,燒兩燒就食得喇!醃漬牛肋肉醃得好入味,甜甜地肉質鮮嫩!整體牛肉都好高質,性價比好高~
甜品選擇超多,大量日本製造嘅雪條,仲有好多自家製嘅布甸,真係好吸引,食咗好多件,值回票價!
🍴和牛燒肉一郎
📍將軍澳貿業路8號新都城中心2期1樓1040-41號舖
#foodie #星級作家5月驚喜
精緻點心
知道禮記呢間點心好高質,今日專程帶埋媽咪嘆茶,果真冇令我哋失望,由餐廳裝修到食物質素,水準都非常之高!👍🏻
▪️瑰荔堂煌🫖
我哋揀咗呢壺茶即係玫瑰荔枝茶,味道清香帶點甜味,推薦!
▪️鮮蝦米網腸粉
一碟有六件,腸粉包住入面係薄脆米網,食落有雙重口感,腸粉滑嘟嘟,內層米網鬆脆,在夾住蝦粒,口感一流
▪️芝麻明蝦桶
類似蝦春卷咁,但食落唔會覺得油膩,外皮仲鋪滿芝麻粒,食落更香口
▪️禮記黑金蝦餃皇
賣相相當精緻,黑金外皮感覺好高檔,比起喺一般酒樓食到嘅更加大件,入面啲蝦好大隻,好有口感
▪️黑魚子帶子燒賣皇
每粒都脹卜卜,帶子上面仲有黑魚子,咬開覺得好足料,真係有好多蝦
▪️蓮蓉梘水糭
端午節就到,應下節叫隻梘水糭食,蒸到剛剛好,色澤金黃,糯米夾雜着香甜嘅蓮蓉,口感煙韌軟糯,好出色
🍴禮記
📍將軍澳唐俊街23號MONTEREY Place地下G19號舖
#foodie #星級作家5月驚喜
尖沙咀--喜膳燒
#消費券攻略 #星級作家5月驚喜 #本地遊 #foodie #夏日搵食推介
前兩日俾我發現尖沙咀一間隱世串燒店☺️幾乎日日喺尖沙咀嘅我居然都唔知有間咁嘅餐廳,雖然唔大,不過幾有feel,而且串燒都幾好味。
馬來西亞大蜆
足足有成九隻,每隻都厚肉嘅,好似冇乜落調味料,不過餐廳會俾自製嘅泰式辣醬,話就話啲肉可以點嚟食,不過我覺得同蜆嘅味都好夾。
金菇牛肉
金菇牛肉好多汁,好入味,仲加咗好多芝麻,好香,值得一試,而且份量十足。
安格斯牛肉
因為怕太肥,所以冇叫和牛,而安格斯我覺得啱啱好,有牛味又唔會太多脂肪。
玉子豆腐
第一次食串燒玉子豆腐,都幾特別,燒得都幾香。
另外要試吓雞肉串,勁大一串,啖啖肉,仲可以揀沙嗲同bbq醬👍🏻好少串燒店會咁大串,食得好飽嘅一餐,下次飲埋啤酒,正☺️
🍗推介脆皮燒雞
觀塘人氣Jikka嘅燒雞登陸港島區啦!地點喺跑嗎地景光街地下,就係同事成日講嘅 #傳說中嘅跑嗎地燒雞 !Weekend梗係要帶媽咪去食啦!餐廳以工業風裝潢,地下連一樓空間感十足,光猛又開揚,坐位濶落舒適!餐牌主打梗係燒雞 #roastedchicken!仲有豬肋排、羊膝,同熱賣嘅熱狗🌭、Taco,薯條🍟小食等。午市套餐種類多,加$15/25可跟咖啡☕添!
🍗Crispy Roast Chicken脆皮燒雞🍗半隻 $165 配薯角及沙律🥗
用法國牛油同新鮮香草醃製嘅燒雞真係勁香!雞皮燒薄脆又惹味,用手撕開有肉汁!雞脾肉嫩滑無比,連雞胸都煮得剛剛好真係好考功夫!雞肉肥瘦均勻!油份恰到好處!推介!
🌭🦀蟹霸狗 $88
用野生捕獲藍蟹整嘅蟹霸狗,啖啖大大片蟹肉好鮮甜!配埋個沙律醬,紫菜碎同芝麻好香口,好好似日式熱狗好清新,脆皮豬肉腸肉味香濃,熱狗好大份仲跟左小小沙律菜!
🌶️ 免治豬肉墨西哥夾餅$68
一人份量嘅墨西哥夾餅,材料豐富砌到成個山咁~辣辣地好開胃!唔錯!
☕最後點了一杯ICED Chocolate,又香又滑好滑!正!
JIKKA
地址📍:跑馬地景光街10-12號地下B號舖
#foodie #星級作家5月驚喜
旺角的清靜cafe
去旺角想搵一間清靜嘅cafe同朋友仔吹吓水
喺OpenRice亂打亂撞 上左登打士街廣場嘅cafe fabulous
Cafe環境舒適,喜歡無時間限制,
亦沒有職員行嚟行去🤣
同朋友食下野吹水非常舒服~
簡簡單單就傾咗成晚🥰
老實講Cafe唔會預啲嘢食好好味
估唔到呢間Cafe食物水平不錯
我點了芝士肉醬千層麵
入口有濃濃的芝士香氣~
肉醬香濃,面頭配上香滑薯蓉
朋友點了黑松露意粉,試咗一啖
味道清新好食😋
想喺搵上喺旺角靜靜地搵個地方可以考慮一下
#本地遊 #foodie #星級作家5月驚喜 #駐站作家
肉丸朗之快樂日常 Happybabylong 親子遊 🍴高水準素菜餐廳🥬
Happy Friday約左中環地膽舊同事食晚飯,佢話帶我食超好味嘅 #素食 !開頭我都驚驚地,淨係食菜會唔會唔飽?會唔會唔好味?扮肉嘅口感會唔會好假架呢?好多黑人問號❓❓梗係要食過先知啦!餐廳地點喺中環士丹利街11號,打開餐牌唔講唔知素食原來都可以有咁多選擇:有北京填鴨、漢堡、越南撈濛、海南雞飯、韓式拌飯等!餐廳裝潢就以超懷舊嘅美國舊金山主題,啱哂打卡!
🥬北京烤鴨 $78
賣相十分靚嘅北京烤鴨,有齊烤鴨、青瓜絲同埋塊皮包住,烤鴨帶點香酥鬆化,味道十足十烤鴨咁!配搭埋新鮮青瓜絲,包住塊皮一齊食,口感同味道都好驚喜~推介!
🥬 Laksa Cha Cha Cha 星洲喇沙花生椰汁咖喱腰果印度飯$148
好似一個小山丘咁嘅喇沙,醬汁超濃郁,味道香氣撲鼻,椰香同辣度都好均勻,椰漿中和左辣味同令個醬汁更香更滑!加埋花生碎香口惹味,配料有外脆內軟嘅炸豆腐,新鮮沙津菜,車喱茄、腰果、菇類等,印度飯飯粒分明,份量好足,辣辣地好開胃!
🥬 BIBIMBAP 101 韓式辣醬蒜香豆腐烤菇雜菜拌飯 $148
非常吸引眼球嘅BIBIMBAP顏色鮮艷!食物一上枱已經聞倒勁香韓式辣醬味同香蒜味!裡面有幾件我真係以為係雞嘅超好味素肉,口感完全同烤鴨唔一樣,可見餐廳用心製作!仲有人見人愛嘅炸豆腐、烤菇、雜菜等,食材新鮮份量足。
🥤飲品揀了泰式奶茶,係用豆奶架!相當好味~仲有熱嘅甘菊薰衣草茶清甜可口!
Veggie4love
地址📍:中環士丹利街11號10樓
#foodie #星級作家5月驚喜
晴天雨天好去處📍 IKEA 宜家家居 內湖店
地址:114台北市內湖區舊宗路一段128號
特色:不管晴天☀️雨天☔️都好玩的ikea
超愛來這裡玩耍
因為有吃、有喝又開心
像遊樂場ㄧ樣
也像在自己家ㄧ樣有趣🤗
大人小孩都喜歡
新開幕除了有ikea餐廳
還有很多新的吃喝店在美食街像百貨公司一樣👍🏻
IKEA鯊鯊場景🦈
📍IKEA 宜家家居 內湖店
ㄧ點都不可怖的Baby Sharks
🦈🦈🦈🦈🦈🦈🦈🦈
還有ㄧ堆小可愛們~
🐯🐨🦕🦖🐒🐨🐼🐊🐸
跟得到一支特製的抹茶珍珠冰淇淋
🍵+🍦&😋
評分:10分🦈🦈🦈🦈🦈🦈🦈🦈🦈🦈
#本地遊 #ikea #ikeatw #ikeaTaiwan
#夏日解悶有涼方 #summervacation #summervibes #babyshark
#toystore #happydayandday
#icecreamlover #炎夏好去處 #親子好去處 #星級作家5月驚喜 #情侶好去處
【假日玩什麼】玩轉 #香港科學館
我哋沒有主題公園嘅年票
但係有 #博物館通行證✌🏻
$100 已經有4張通行證 任玩1年
❣️所以我哋喺 #科學館 同 #太空館 嘅常客
今天主要去科學館 #地球科學廳 吸印仔💮
⁉️做乜我哋成日吸印👇🏻睇留言區之前分享連結
同去睇全新推出既——「氣候行動劇場」
劇場有乜嘢睇?👀
睇完記得喺左下角👍🏻一下
等我統計一下大家這類型的分享文章🔎
估唔到 20分鐘絕無冷場
動畫做得很出色
每個座位有互動嘅pad
了解和學習氣候變化嘅訊息✉️~
現場小朋友都好投入❤️
記得留意時間表
有分廣東話和英文時段
綿羊教官菲菲、羊咩叔叔以及人工智能專員阿寶,教大家對抗氣候變化,成為關注專員!
全球溫度上升📈📈📈
氣候變化令👉🏻導致多種生物滅絕🥲
請大家身體力行💪減低碳足跡👣
下一代嘅環境靠大家的每一個小行動🙏
🚩肉丸媽媽提提大家⚠️
現在科學館正常開放 ‼️無需任何預約
🔺3/F好玩兒童天地有開(肉丸朗最鍾意整車)
可惜 #小小工程師 仍未開放🔐
🔺2/F展覽廳裝修未開放
不過科學館仍然都好好玩
大量 #互動展品 等你同小朋友 #邊玩邊學
歡迎加入 #肉丸媽媽 WhatsApp group
一齊討論下放假去邊度玩~~
香港科學館 #氣候行動劇場 #氣候變化
#hkscm ClimateActionShow ClimateChange #fornature #雨天好去處 #親子活動 #科學館 #太空館 #親子 #親子好去處 #香港媽媽 #hkmami #hkmummy #hkboys #hkkids #mameshare #邊玩邊學 #familytime familytime #hkparents #本地遊 #駐站作家 #星級作家5月驚喜
香港科學館 Hong Kong Science Museum
肉丸朗之快樂日常 Happybabylong 親子遊 Between ~ 大館
很喜歡大館內的 Between, 特別喜歡戶外的位置, 寧靜的環境, 無論是獨個兒或者拍拖, 也是最適合不過。
至於食物方面, 最喜歡士多啤梨三文治$ 68, 雪凍了的 cream cheese 配合士多啤梨, 有些像雪糕三文治,美味。
鰻魚飯$178: 鰻魚好新鮮, 蜆湯鮮甜, 冇沙。
炸雞塊$48: 香脆, 正常的炸雞。
Piccolo: 加入了朱古力,berries 和牛奶的咖啡, 味道香濃, 有果香。
地址: 中環荷李活道10號大館賽馬會藝坊2樓
#消費券攻略 #拍拖好去處 #星級作家5月驚喜
Salisterra X Matchali Afternoon Tea
先來總結:綠茶控會感到失望。雖然聯乘Matchali推出下午茶,但綠茶的味道並不突出。假如閣下喜歡scone的話、應該都滿足到你。
甜點方面、抹茶焦香芝士蛋糕嚴格來講、賣相是搽茶芝士蛋糕、味道只剩下芝士蛋糕。迷你抹茶橘子冬甩呢、橘子醬的酸度完整地蓋過抹茶的甘香、反而焙茶味的甜品更加出色、焙茶檸檬香梨撻同焙茶冬甩反而比抹茶甜品好食
相對地、鹹點比甜點來得有水準、鴨肉甘脆、芹菜頭蘑菇批味道不俗,其他兩款相比之下較為失色。
今次加左78試左杯Matcha Gin Tonic,但都係飲唔出抹茶的味道、matcha latte比較好。
個人推介Scone > Savoury > Sweet,但598兩位黎講都算值得一試。不過就轉主題了🤣🤣
食埋今次,唔成波都難🤣🤣🤣
#sharkvacation #theupperhouse #salisterra #matcha #afternoontea #food #foodie #星級作家5月驚喜 #消費券攻略
sharkvacation
theupperhouse
港島海逸君綽酒店Lounge
早前入住港島海逸君綽酒店,book咗貴賓樓層尊貴海景房,當日4時左右到達但未有房,所以職員叫我哋先去lounge 享用cocktail 時段。
食物選擇都唔少,有炸餃子、春卷、炸雞、中式包點、幾款三文治,仲有幾款糕點/蛋糕。 炸物類都香脆又夠熱,而包點同三文治都ok,其中桂花糕清香又不會太甜。
至於飲品都好多,基本既咖啡、茶、汽水都有,另外仲有幾款酒呢!
如果可以揀到窗邊位坐,就可以望住海景食,就更加好喇!
#消費券攻略 #性價比酒店 #星級作家5月驚喜
大遠百板橋店|熱氣球+貢拉多船,還有懷舊美食街
#板橋 位在火車站斜對面
#shoppingmall 聚餐血拼看電影,通通在這裡
#雨天好去處 梅雨季來臨,躲雨神,逛街去
#裝置藝術 9樓有熱氣球與貢拉多船,一秒出國去
#炎夏好去處 炎炎烈日,吹冷氣消消暑
#星級作家5月驚喜
中環街市 ~ 跨代藝術 ACE ART 2022
跨代藝術 ACE ART 2022 現正於中環街市2樓舉行, 以 「玩具的故事」為主題。 除了有可愛玩具造型的佈景板可以打卡外, 那兒還有很多小朋友的藝術畫作及懷舊玩具, 例如跳飛機丶 波子棋丶 飛行棋及鬥獸棋等, 喜歡ACE ART 的人仕不容錯過哦。
地址:中環皇后大道中93號
#消費券攻略 #2022展覽 #星級作家5月驚喜
age cuisine express
#消費券攻略 #cafe #pizza #工廈美食 #西餐 #太古城美食 #星級作家5月驚喜
發現隱世好好味嘅pizza,食完一定會再去幫襯嘅舖頭,雖然平時好少會去太古城嗰頭,但以後想食pizza一定會諗起佢😍
bbq pizza,$168
餐廳pizza好多選擇,但見佢有個👍🏻,係餐廳推介之一,所以諗都唔諗就點咗佢。pizza真係好有驚喜,首先佢層皮嘅厚度介乎係厚批同簿批之間,既香脆又有啲咬口,非常好👍🏻其次用料都十分足,有幾款肉,而且都好好味,bbq醬嘅份量都啱啱好,唔會過咸,成個pizza感覺啱啱好。
豚肉蕃茄菠菜扁意粉,$118
驚太飽,所以點咗個蕃茄味嘅闊粉,雖然冇pizza咁驚艷,不過都好好味,尤其係加咗啲辣椒粉,好惹味。
甜品
甜品都做得好出色,tiramisu 好濕潤,而且份量好足,2個人share食都好足夠。傳統意大利芝士蘋果撻都好好味,暖暖哋,外層係脆嘅酥皮,內層有啲似吉士醬,甜而不膩。
有驚喜嘅工廈西餐,希望可以係九龍都開一間啦。
星馬沙嗲嘅專門店,亨環天后Food Loft見
店鋪:Satay Pop (天后)
地址:天后電氣道54號亨環天后地下7號舖
天后呢個開咗一年有多嘅Food Loft「Park Aura 亨環‧天后」 @parkaurahk 總面積超過50,000平方呎,地面同一樓喺一個美食市集,主打各式外賣美食,亦可以好似一般food court咁搵位堂食;二樓就有賣食物同雜貨嘅百味市集;樓上就有十幾間雲集各國菜式嘅餐廳🍴,想搵嘢食嘅話呢度的確喺個唔錯嘅選擇
今次就試咗地下呢間主打星馬沙嗲嘅專門店——Satay Pop,原來老闆喺星加坡人,1960年代開始就專門做沙嗲,輾轉之下就開咗呢間外賣店。我去食嘅嗰日仲大排長龍,外賣訂單響個不停🥡,我諗正宗嘅星馬味道同抵食嘅價錢喺吸引到大量食客嘅主因😎
✝️沙嗲拼盤8支 $68
有沙嗲雞、牛、豬同羊串各2支,即叫即烤🔥、食落仲喺熱辣辣仲帶有輕輕嘅焦脆口感,面頭掃咗一層用薑黃同辛香料醃製而成嘅醬汁,蘸埋帶有濃郁花生香同粒粒花生碎嘅花生醬🥜,再搭配增加辛香同爽口感嘅洋蔥同青瓜🥒,帶嚟多重嘅滋味同享受😋
✝️斑蘭咖央多士 $18
可以喺排包、丹麥酥同脆豬包入面三揀一,我就揀咗脆豬包,一咬落口真喺超級脆🤤,面頭充滿椰絲、雞蛋等,睇落有啲似吉士醬質感,椰香突出,都幾甜溜☺️
✝️三色米糕 $28
有三款三種口味分別喺經典口味、薑黃味同班蘭味嘅米糕,每款有5粒,食落有大米嘅清香🍚,有啲似食緊壓成一舊嘅飯,軟糯得嚟有咬口,蘸埋花生醬會無咁dry,食完都幾飽肚
✝️自選套餐 $48
呢個套餐可以揀3樣嘢,我揀咗沙嗲雞扒、撈麵同椰子水🥥,雞扒都幾大塊,雞皮燒香亦都搽咗蜜糖同燒汁,食落惹味;撈麵有啲似某便利店嘅撈麵,份量好多,最重要喺辣得過癮,想再食濃味啲嘅可以加埋秘製沙嗲汁🍝
✝️烏達香葉卷(6件) $48
烏達主要喺以攪碎嘅魚肉加入各種香料例如辣椒、香茅、蔥蒜、椰漿等組合而成,一塊烏達唔大,用兩層香葉包住烤香,香氣十足,有陣陣魚肉同咸辣香🐟,都喺第一次食,幾特別👍
#foodie #星級作家5月驚喜 #性價比酒店 #主題公園指南 #香港camping #本地遊 #境外遊
超大圓形浴缸 @港島海逸君綽酒店
位於炮台山站附近既港島海逸君綽酒店,交通非常方便,附近亦有唔少食肆,就算book淨房都不愁無野食。
復活節假期最後一日入住,4點左右先到達酒店,等候check in人數已剩幾個,但我預訂既尊貴海景房暫時仍未有,要等多一陣。
今次入住位於38樓既尊貴海景房,部分海景稍稍被酒店另一座遮擋了少少,但仍算開揚。房間有3百幾尺,有明確劃分梳化及書枱、睡眠既位置,中間仲可以拉埋布簾分隔,呢個設計幾好呀!
而呢間房最大既賣點係超大圓形浴缸,出水快,水亦夠熱,但坐低只係浸到腰,如果深少少就正喇!
房間整體都ok,床亦夠大夠闊,不過房間都真係有啲歷史,牆角牆紙都已發黃、蹺起,地氈上亦有污跡。
#消費券攻略 #性價比酒店 #星級作家5月驚喜
唯美鬧市中的法國菜
🌸太子法國菜🌸Le Reveur At Flower Market💐
為了送別即將移民的好朋友,今天特意相約好友到了位於太子近花墟鬧市的一間精美法國餐廳-「Le Reveur At Flower Market」享用是日晚餐,為好送餞行❗
餐廳鋪面寬敞,裝修非常精緻,以座位寬敞舒適,以花卉為主題,有超精美的花卉彩繪以配合花墟的主題,還有精美的色彩繽紛復古喇叭型吊燈,餐廳佈置非常浪漫有情調❗而店員殷勤有禮,會細心替客人介紹餐點及下單。
我們一行2人點了2人餐及甜品:
1️⃣🌟蛋黃醬蟹肉、青瓜
這是款炸得黃金香酥的蛋黃醬蟹肉球,蟹肉球外皮香酥脆口,蟹肉鮮甜滋味,蛋黃醬香濃,還有清新爽口青瓜絲,十分滋味❗️
2️⃣🌟水耕沙律菜
沙律菜份量十足,以嚴選水耕沙律菜製成,沙律菜新鮮爽脆,配搭開胃自家調製的沙律醋,健康清怡,十分開胃❗️
3️⃣🌟劍魚腩 Tataki
此款劍魚腩賣相精美,配合熟成香滑牛油果蓉、解膩鹽漬清新西瓜及粒粒健康葵花子,魚腩肉質香嫩幼滑,配合恰到好處的熟成度,充滿滋味魚香汁,配搭豐盛,十分美味❗️
4️⃣🌟炸生蠔
炸生蠔炸得黃金香脆,生蠔鮮香肥美,外層香酥脆口,內裏肉質香嫩幼滑,配有清新解膩香脆青瓜片及自家製香濃泡菜蛋黃醬,十分惹味。
5️⃣🌟阿根廷草飼牛西冷
這是一款採用來自阿根廷的嚴選草飼牛的西冷牛扒,西冷經預先被切成小塊,西冷肉質鮮嫩多汁,口感完全不會韌,配合香脆薯絲餅及秘製香濃綠胡椒奶油汁,配搭相黨豐盛滋味❗️
6️⃣野生北極紅點鮭魚柳
這是一款採用嚴選上盛野生北極紅點鮭魚柳,魚柳味道相當新鮮,魚肉香滑鮮嫩,配搭清新椰菜、小扁豆及香濃烤紅椒堅果醬,配搭豐盛,十分惹味。
7️⃣紅棗桂花雪梨拿破崙 $68
拿破崙蛋糕賣相非常精緻,拿破崙有三層充滿著牛油香氣的超新鮮法式鬆脆酥皮,而每一層中間也夾著清新鮮甜的秘製紅棗桂花雪梨果肉忌廉,口感豐盛有層次,非常香脆新鮮滋味,絕對是一個集色、香、味於一身的拿破崙蛋糕❗
8️⃣雪糕抹茶 $65
雪糕抺茶為雲呢拿雪糕配茶道級抹茶,由客人自行把甘香茶道級抹茶倒在雲呢拿雪糕上,甘香的抺茶搭配著香甜的冰凍香滑雲呢拿雪糕,味道甜中帶香醇,十分豐盛滋味。
9️⃣Garden Chill $98
這是一款以抹茶、牛奶及玉冰燒調製而成的雞尾酒,味道甘香帶甘醇抺茶香,還有香滑的牛奶味,入口容易,帶點回甘,味道清新怡人。
🌟為是次餐廳用膳的推薦菜色❗
🧾總體評分
美味指數:⭕⭕⭕⭕️⭕️
賣相指數:⭕⭕⭕⭕️⭕️
抵食指數:⭕⭕⭕⭕
5⭕️為滿分
總括而言,此法國餐廳的食物美味高質,有多款不同種類的食物,裝修非常精美有情調,是罕有以花卉為主題的精緻餐廳❗️餐廳鄰近太子站,交通方便,絕對是太子一帶必食人氣法國菜之選❗
📍Le Reveur At Flower Market (太子):太子花園街244-246號惠寧閣地下B號舖
#下午茶推介 #foodie #法國菜 #星級作家5月驚喜
#消費券攻略
孫中山紀念館
孫中山紀念館位於香港中環半山, 樓高四層的紀念館設有兩個常展廳, 詳細記述了孫中山的生平丶 歷史及革命等事蹟,也展出多件珍貴的歷史文物, 如果想對孫先生生平及革命事蹟作全面認識的人士不容錯過。
地址:香港中環半山衞城道7號
#消費券攻略 #2022展覽 #星級作家5月驚喜
Wood Morning Paris 展覽(香港站)
今日街旺角😍經過呢個展幾得意💓!來自法國🇫🇷的二次創作藝術家JUCE GACE👨🏻🎨,今次作同玩具🧸店KKPLUS合作,佢既作品好正!有得鐘意既木偶仔🪵係到,為我地兒時回憶💖🥰加添一份法式幽默和搞怪玩味。成個展覽真係好鬼趣致啊!我都忍唔住😺👄尖叫左下😱!
其中係今次🖼️🎭展覽仲出左好多款周邊產品,好似地毯、啤牌♟️、玻璃杯🤲🏻🍶、仲第一次推出埋LED NEON LIGHT🔦燈牌和霓虹燈💡🔆千層鏡⋯⋯ ,以及與本地品牌GROCERY共同合作推出的限量版T-SHIRT🥼,相當多元化🫰🏻❤️。而今次呢個展出左好多首次推出既週邊產品😻💓🥰,仲有很多我地 90後期待已久既玩具🪀🪀作品,萬勿錯過啦🥳😆!
展覽詳情:
Wood Morning Paris | Juce Gace個人展覽香港站
日期:2022年4月28日 ‑ 5月22日
時間:12:00-21:00
地點:kkplus Pop-up Store
地址:旺角亞皆老街號朗豪坊12樓02-11號舖
#消費券攻略#2022展覽 #星級作家5月驚喜
羅馬宮廷式的泳池 ~ 香港半島酒店
香港半島酒店游泳池位於酒店8樓, 恆溫泳池設於室內, 羅馬式的宮廷設計, 極盡奢華的感覺。 泳池採用落地玻璃, 游客可以一邊暢泳, 一邊欣賞維多利亞的迷人海景及於晚上欣賞激光匯演, 真是身心舒暢。
地址: 尖沙咀梳士巴利道22號香港半島酒店8樓
#消費券攻略 #性價比酒店 #星級作家5月驚喜
半島酒店早餐 ~ 露台餐廳
露台餐廳位於半島酒店一樓, 景觀十分開揚, 太空館及尖沙嘴週邊的景色一覽無遺。 今次品嚐的早餐是Staycation package包埋嘅 , 早餐可選擇中式或西式。
今次選擇了西式早餐, 賣相十分精緻, 牛角包和蘋果丹麥包熱辣辣, 酥皮脆, 非常鬆軟。 其他的食物例如煎蛋丶香腸及法式多士也是十分新鮮味美, 是一次休閒的用餐體驗。
地址: 尖沙咀梳士巴利道22號香港半島酒店1樓
#消費券攻略 #性價比酒店 #星級作家5月驚喜
香港鐵路博物館
香港鐵路博物館位於大埔墟市中心, 進入博物館, 便可以看到舊大埔墟火車站大樓, 它於1984年已被列為法定古蹟, 除了售票處丶 候車室及月台, 那兒還有一個小型展覽廳, 展示着火車歷史與變遷的資料和模型。
另外展館亦設有一列歷史火車, 好讓遊客慢慢欣賞昔日的蒸氣火車頭丶 1974年的普通等車廂和1964年的頭等車廂等, 鐵路迷真的不容錯過呀!
地點: 香港大埔墟崇德街13號
#消費券攻略 #2022展覽 #星級作家5月驚喜
[新北]新莊美食-日日芋圓
身為芋圓控當然要嚐嚐看,加上今天高溫快30度,來吃一碗布丁芋圓冰還不錯吃,芋圓很Q但香氣不足,但拍照起來好看。
📍日日芋圓
地址:新北市新莊區四維路171巷5號
#下午茶推介 #foodie #星級作家5月驚喜
飽肚之選❕烤雞PIZZA二人餐❕
係將軍澳Donki個條街有好多野食,OMG Chicken食過記得係抵食夾大件,今次再嚟食佢嘅二人餐!
🔸2人餐 🔸
餐湯 蘑菇忌廉湯
雖然個湯唔算杰身,但菇味好濃幾香
▪️沙律🥗
份量都幾大,足夠二人食!有粟米、車厘茄、青瓜同沙律菜,輕輕沙律醬調味已經好清新
▪️薯條🍟
厚切薯條加上新鮮炸起,份外好食
▪️墨西哥香辣汁烤雞🍗
烤雞共有4件,兩件脾兩件全翼!烤到外皮金黃色,咬落脆卜卜!雞脾好厚肉,又夠juicy,啖啖肉食好正,加上點埋醬汁,辣辣地咁更加惹味
▪️黑松露雜菌薄餅 🍕
上枱已經聞到好香啦,黑松露醬絕無手軟,鋪到成個pizza都係,每片薄餅都有!菇同芝士份量都多,做到拉絲效果啊,好邪惡!
🍴OMG Chicken
📍將軍澳澳南海岸唐俊街23號MONTEREY Place 地下G23A號舖
#星級作家5月驚喜 #foodie
上海婆婆
#消費券攻略 #星級作家5月驚喜 #上海菜 #尖沙咀美食
好耐冇食上海菜,勁想食生煎包同小籠包,見isquare呢間上海婆婆環境好舒服,工業風裝修風格的上海菜餐廳,就同阿妹去食。
佢嘅食物種類好多,唔單止上海嘢,仲有好多辣嘅菜,適合鍾意食中餐嘅朋友。
小籠包,$38
第一時間食小籠包,佢嘅小籠包好多湯汁,係傳統上海小籠包,皮好薄,好好味,要趁熱食但係又要小心入面啲湯太熱,好矛盾呀🤣
生煎包,$38
生煎包反而冇小籠包咁出色,皮有啲硬,不過煎完都好香,一口氣食咗兩隻。
四小拼,$108
呢個係上海出名嘅冷盤,四樣嘢最好味係烤麩,最入味,小竹筍脆脆地都好味😋
蔥爆牛肉,$88
牛肉份量好足,食極都好似仲有,牛肉夠嫩,易入口,仲加入大量洋蔥,夠香夠入味。
蜜汁火方,$112
火腿原本係好咸嘅嘢,但呢個菜因為加咗蜂蜜,所以甜甜哋好好味,食起身都完全唔油膩,用餅夾住食,好味。
紅豆窩餅,$52
最鍾意食嘅上海菜之一,因為佢又甜又香口,外層脆卜卜,入面有甜甜嘅紅豆,正。
另外,餐廳職員話酸菜魚係鮮魚湯製作,拉麵係手拉麵,不過我哋食唔落冇點,上海菜嚟講,呢間算好抵食,而且選擇多,唔錯。