https://hk.trip.com/moments/tag-270784-%E4%BB%BB%E9%A3%9F%E6%89%93%E9%82%8A%E7%88%90
荃灣大鴻輝18樓打邊爐店！
18樓雞煲火鍋專門店
早幾日中同突然打比我話想出去打邊爐，如果佢早少少打嚟就一定會留肚，中午先食完刀削麵，真係好鬼飽！
輪椅人士去呢度要注意，要搭貨，貨喺大鴻輝後面近休憩處，上到18樓穿過後巷就入到火鍋店，入面算闊落，方便大家約成班輪椅朋友上去打邊爐！
呢間18樓雞煲火鍋店應該大家都唔陌生，今次我哋揀咗套餐B，呢個套餐有扇貝、手打蝦滑、 雪花肥牛、特級肥牛、廣島蠔、美國安格斯牛頸脊同指定啤酒任飲，打邊爐就任食2小時。
呢間火鍋店都係用QR Code手機落單叫野食，有超過90款食物比人叫，首先就係先食雞煲，食完再打邊爐，呢間無湯底揀，枱上只有乳白色無咩味嘅湯就係比你加，加完無哂可以叫店員再比你！
飲品方面有2款係自家製，包括有冬瓜茶同桂花烏龍茶，仲有其他大路罐裝同支裝飲品，唔洗加錢任飲啤酒有嘉士伯、藍冰同獅威！
雪糕方面就有兩種味嘅雪糕比人任食任唧，有乳酪同抹茶味，仲可以加朱古力針同迷你棉花糖。
我今次必食推介有：美國安格斯牛頸脊、廣島蠔、牛柏葉、麻辣鴨血、響鈴、 黑椒牛丸、胡椒豬肚丸、包心芝士丸、牛筋丸、炸台灣一口腸、海蝦、芝士豆腐、山根、金菇、鯇魚片、炸魚皮、蟹爪肉棒、滋補花膠等等......
4人總共價錢$1179，有加一服務費！
個人口味總評分：8/10
@18fhotpot
地址：荃灣眾安街55號大鴻輝(荃灣)中心18樓
#18樓雞煲火鍋專門店 #任食打邊爐 #香港美食 #荃灣美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
佐敦性價比極高嘅火鍋店！
鍋霸吃到飽台式養生火鍋
今日初四同中同班聚，咁啱班主任回港過年就一齊去打邊爐，今次揀咗佐敦呢間鍋霸無限時打邊爐，超過10人仲可以book一間房，大大聲傾計又唔怕比人聽到，夠哂私隱度，仲可以中午12點打到晚上7點半，因為晚上7點半前埋單有八折優惠，今日火鍋店仲送咗兩碟鹹蛋黃魚皮（每碟價值$48），呢間真係性價比極高！
呢間火鍋店係用QR Code手機落單叫野食，有超過70款食物比人叫，我哋揀咗中價價錢，有Prime Grade安格斯牛頸脊、 西班牙伊比利亞黑毛豬、Prime Grade美國安格斯肥牛、西班牙無激素豬肉片，仲有其他大路野，有d仲係其他火鍋店好少見，大家要記低一定要叫，少見有：羽衣甘藍、鮮淮山、蜂巢豆腐、芫茜燒賣、 足八吋長蟹棒、芝士小籠包、爆漿濃芝牛丸、芋泥貢丸、手工丸、手工黑松露墨魚滑等等......
湯底都有16款湯底比人揀，我哋揀咗台灣藥膳養生雞煲涮涮鍋、藥膳椰子雞煲涮涮鍋同麻辣蕃茄牛肉涮涮鍋。
飲品方便有4款係自家製，包括有烏梅山楂茶、台灣黑糖冬瓜檸檬茶、四季春冷泡茶同桂花烏龍冷泡茶。
雪糕方便面有3個牌子揀，有haagenDazs、 Movenpick、Dreyer's同雀巢雪糕揀，一共有9款，每人只可揀一杯，唔係任食雪糕，雖然食得好飽，但記得要留肚用QR Code手機落單叫雪糕食！
我哋打邊爐打到4點幾先走啦，足足打咗3粒幾鐘飽到抱住個肚咁走，飽死咗了！😂😂😂
11人總共價錢$4139，有加一服務費，1930前離座有八折優惠！
個人口味總評分：8/10
@hotpotkinghk
地址：佐敦彌敦道219號莊士倫敦廣場6樓
#鍋霸吃到飽台式養生火鍋 #任食打邊爐 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong