#hkdessertshop

172貼文

追蹤

半自助餐嚟講性價比超過！
協奏坊西餐廳早幾日去咗銅鑼灣一間酒店食自助午餐，呢間酒店位於銅鑼灣中央圖書館附近，酒店名叫珀麗酒店，自助餐就喺2樓。呢度自助午餐由12點食到2點半，時間非常充足，唔洗食到趕頭趕命，餐廳地方十分寬敞，估計能夠容納100人或以上，平日一至五午餐時段，都只係$168一位，而且住客仲可以以七折價錢享用，非常抵！ $168嘅價錢有三款Main Course揀，而今次就揀咗哥頓布豬扒配意式茄蓉汁同香煎比目魚配露筍紅花汁。哥頓布豬扒配意式茄蓉汁：呢塊豬扒簡直係我全餐飯最愛嘅食物，豬扒有3層味道，頂層芝士，中間切開係火腿，下面就係厚厚嘅豬扒，足足有2CM咁厚，粉紅嫩肉嘅豬扒肉質有口感之餘亦都保持到軟滑嘅感覺，喺口入面散發著無比嘅豬肉香氣，就連肥肉部分散發出來陣陣油香，加埋頂層芝士一齊食感到非常邪惡！香煎比目魚配露筍紅花汁：比目魚塊上面鋪著幾條幼嘅露筍，下面仲有4塊爽脆嘅翠玉瓜，比目魚煎得香脆，同時亦保留到嫩滑嘅感覺，鮮味十足！外面嘅自助餐部分亦都唔錯沙律吧有幾款菜同埋粟米，再有兩款沙律醬以供選擇，蔬菜用料新鮮爽脆多汁，係沙律菜同羽衣甘藍，粟米都好甜！另外仲有三款新鮮水果，西瓜、蜜瓜、菠蘿，三款都好甜好新鮮！仲有1d小食供應，薯條同埋麥樂雞，雖然係比燈照住保暖，但依然都能夠保持到脆口，而且薯條係厚切，上面仲加咗調味粉，再配埋茄汁或泰式酸辣醬就正啦！再有兩款麵包，一款比較硬身似法包，另一款較軟身有一定咬口。中西式湯：西式嘅係意大利雜菜湯，入面都有好多種嘅蔬菜，西蘭花、蘿蔔同番茄，湯能夠完全帶出所有嘅蔬菜味道，亦都唔會有好重調味！中式嘅係涼茶，雖然無寫明係乜野涼茶，但係一飲就知道羅漢果煲出嚟嘅，真係好適合依家炎炎夏日嘅天氣，清涼解暑！六款熱食：金針雲耳蒸鰈魚柳、炒黃牙白、福建炒飯、翠玉瓜炒雞柳、鮮奶浸牛油粟米同豉油王炒麵！甜品種類唔算多，但係都有四五種花香味嘅摩絲，令人置身於花香之中！紅莓鮮奶布丁，鮮奶布丁好香滑，再加埋紅莓嘅清新，唔錯！朱古力蛋糕，朱古力香濃！七彩椰汁糕，椰香味濃，有齊泰國風味！仲點少得每個自助餐都會出現嘅朱古力噴泉，可以配以棉花糖或朱古力蛋糕！最後當然係小朋友最鍾意嘅雪糕，係維記雪糕任食，有四款口味：朱古力、芒果、雲呢拿同綠茶，旁邊仲有彩色糖碎、朱古力粒、杏仁碎比你加，小朋友見到一定非常好開心！半自助餐每位價錢$168，再加一服務費！個人口味總評分：8/10 地址：銅鑼灣信德街8號香港珀麗酒店2樓 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #協奏坊西餐廳 #銅鑼灣美食 #銅鑼灣好去處 #銅鑼你 #珀麗酒店 #香港探店 #香港美食 #相機食先 #hkfoodie #hkfoodblogger #hkfoodpic #hkfoods #852food #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
協奏坊西餐廳
銅鑼灣美食
輪住食·推介香港美食
深水埗西九龍中心6樓紅蔥頭性價比好高！
紅蔥頭早幾日出咗去深水埗買電話卡，買完去行下西九龍中心，行到6樓見到「紅蔥頭」餐廳門口比個下午茶個價錢吸引住，之後入咗去食個下午茶！呢間餐廳估唔到搭正2點都有咁多人食，深水埗出名多平價野食，就連喺商場入面都咁平，可能好多人係等到2點先入去食，每個下午茶餐都係大約$40左右，性價比好高！👍👍👍 1.板煎黑椒雞扒蛋飯$42 配熱咖啡（9/10）呢個板煎黑椒雞扒蛋飯入面個雞扒肉質好嫩滑，除咗肉質嫩滑之外，外皮煎到少少脆，煎蛋仲係流心，配埋少少蔬菜（翠玉瓜、粟米粒同紅蘿蔔）就好均衡，呢個餐仲有埋熱咖啡送，唔洗加錢！👍👍👍 2.漢堡炸雞包$50 配凍奶茶$3（8.5/10）呢個漢堡炸雞包個炸雞件好大舊，炸得好脆又保留到肉汁唔乾身，肉質好嫩滑，入面仲有蕃茄同生菜，加埋沙律醬一齊食好夾，凍奶茶只係加$3，唔錯！😋😋 3.咸酥流心芝士吐司$46 配熱咖啡（9/10）呢個芝士吐司好邪惡，吐司上面放咗好多芝士，咬落去好酥脆，芝士咸咸地仲拉到絲，呢個餐仲有埋熱咖啡送，唔洗加錢！👍👍👍 2人總共價錢$141 個人口味總評分：8.83/10 地址：深水埗欽州街37號西九龍中心6樓601C號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #紅蔥頭 #深水埗美食 #深水埗好去處 #深水埗 #西九龍中心 #香港探店 #香港美食 #相機食先 #hkfoodie #hkfoodblogger #hkfoodpic #hkfoods #852food #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
紅蔥頭
深水埗美食
輪住食·推介香港美食
必食香港製造辣椒味雪糕！
Choco Next 今早針灸前去咗屯門廣場一間香港製造嘅雪糕店食雪糕，一去到已經有十幾日排緊隊，是日係呢間雪糕店首50位顧客係免費，店員話今日係派辣椒味同櫻桃味，第一次食辣椒味雪糕，幾特別同過癮，每一啖又辣又凍，另一款櫻桃味有少少果肉，兩款都好正！😋😋😋 香港手工朱古力品牌Choco Next一連2個周末免費派雪糕，九龍及新界區有份。Choco Next的朱古力雪糕採用歐洲食材，日本牛乳，香港製造。有興趣試試的朋友就要睇睇免費雪糕領取方法喇！只要完成以下2步，即可免費獲得指定口味朱古力雪糕一杯。活動日期：5月26-28日及 6月3-4日活動地點：ChocoNext 門市（尖沙咀海港城，屯門市廣場）換領方法： 1) 即場免費登記成為新會員 2) 讚好Facebook專頁或追蹤 Instagram 帳號@ChocoNext_chocolate 地址：尖沙咀海港城港威商場3樓Kiosk15D 屯門市廣場1期UG樓層K13 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #ChocoNext #屯門美食 #屯門好去處 #屯門市廣場 #雪糕店 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
choconext
屯門美食
輪住食·推介香港美食
灣仔潮洲滷店傳到第三代因加租做到5月31號結業！
潮洲滷早排睇到 @lemonmediahk 報導話「潮州滷」店舖即將做到5月31號就結業，睇完就馬上衝去買嚟試下，始終傳到第三代都唔易，一定好味到爆炸！我一路買，一路同佢哋吹水，原來第一間鋪係開喺葵芳智芳街依家賣緊生果附近，傳到第三代僅餘最後一間灣仔店就因為加租就捱唔住，老闆話會捲土重來，一有消息就會馬上公佈！臨走就買咗兩盒滷水拼盤拎走，一盒請朋友食，另一盒買比屋企人食，大家如果未食過就快d去買啦，最後8日時間啦！😭😭😭 1.滷水拼盤（滷水鴨4分1隻、豬耳同豆腐）$88（10/10）我買咗兩盒一樣，老闆每盒送滷水蛋比我，每盒分量都勁多，每盒入面有2隻蛋（切開一半）、豬耳大約有30條、滷水鴨大約有16件同滷水豆腐有6件。滷水汁好入味，唔會死咸，好香！ P.S：希望快d搵到新鋪，好野唔好失傳！總共價錢$176 個人口味總評分：10/10 地址：灣仔石水渠街1-13號其發大廈地下8號舗 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #潮洲滷 #灣仔美食 #灣仔好去處 #灣仔 #滷味 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
潮洲滷
灣仔美食
輪住食·推介香港美食
旺角性價比高嘅拉麵店！
麵屋神匠經開旺角突然想食拉麵，入咗一間拉麵店叫「麵屋神匠」，門口無一級，點知入到店內內有乾坤，入面有一級（見圖9），好彩我有帶斜板，即時解決到問題！👍👍👍 店內掛滿日式紙燈籠同好多充滿日本風情嘅旗海，至於入面其實唔算好大，店員安排我坐卡通壁畫隔離個位，我就面向街出面，因為係用落地大玻璃關係，會睇到街出面d人，唔知街出面嘅人睇唔睇到我食拉麵呢？！😂😂😂 1.辛辣蝦湯拉麵$88+配凍麥茶（免費）（10/10）呢碗辛辣蝦湯拉麵個湯底好濃郁，辣度好夠，蝦味又重，入面配料仲有荀、蔥、糖心蛋半隻、2大塊紫菜、2大塊火炙叉燒、櫻花蝦同芝麻。拉麵方面係用幼身麵，拉麵食落口彈牙有咬口，仲掛到濃濃蝦湯汁，好正！ 2.柚子鹽湯蜆肉拉麵$98+配凍麥茶（免費）（8.5/10）呢碗柚子鹽湯蜆肉拉麵個湯底雖然無咁濃郁，但有淡淡柚子味，入面配料仲有荀、蔥、糖心蛋半隻、2大塊紫菜、2大塊火炙叉燒同5隻蜆。拉麵方面係用幼身麵，拉麵食落口彈牙有咬口，不過湯底無咁濃郁，要加少少七味粉先好味，蜆肉如果飽滿少少就更好！ 3.炸日式餃子（4隻）$32（9/10）呢個炸日式餃子炸得好香脆，入面個餡係菜加豬肉，餡料算飽滿，唔錯！ 2人總共價錢$218 個人口味總評分：9.16/10 @menya_shinsho 地址：旺角彌敦道562號地下B號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #麵屋神匠 #旺角美食 #旺角好去處 #拉麵店 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
麵屋神匠
旺角美食
輪住食·推介香港美食
旺角樓上自燒吉列牛店！
吉列牛忌廉烏冬專門店經過行開旺角彌敦道726號上咗17樓食吉列牛，原來呢間餐廳係韓國弦大喺香港開嘅分店，餐廳有分卡位同普通座位，近窗邊嘅卡路里望到旺角街景，我哋早咗嚟食午安，未算多人，唔洗等位，餐廳好闊落，好適合一班輪椅人士嚟呢度食野！ 1.吉列牛定食+ 咖哩忌廉烏冬（小辣）+2汽水$256（9/10）個吉列牛定食個吉列牛有12件，每件吉列牛都幫我哋燒到2-3成熟，佢哋再比鐵板爐我哋自己再燒，我哋每邊再燒多6-8秒就啱啱好，肉質唔會韌，，每件牛都好新鮮，薄薄炸粉咬落去好脆又Juice，仲提供咗芥末醬同柚子醋比我哋點嚟食，個定食仲有好滑又落咗芝麻醬嘅豆腐、充滿芝麻香嘅白飯同麵豉湯！另外仲有一碗充滿忌廉，唔好以為係一碗蛋糕，其實搞下就會見到烏冬，配埋好多件好嫩滑嘅雞，好「傑」湯底係咖哩加埋超多嘅忌廉搞到好滯好飽！👍👍👍 2.牛油蜜糖單骨雞翼$68（10/10）呢碟蜜糖單骨雞翼份量算多，有10舊單骨雞翼，每1舊充滿蜜糖，蜜糖多到連碟底都有，蜜糖加埋牛油好香又甜甜地，雞翼係炸嘅，好脆口！👍👍😋 3.雞軟骨餃子$48（10/10）呢個餃子好特別，個餡係雞軟骨，好爽「卜卜聲」好有咬口，一共有4件餃子！😋😋😋 2人總共價錢$409，有加一服務費！個人口味總評分：9.66/10 地址：旺角彌敦道726號17樓 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #吉列牛忌廉烏冬專門店 #旺角美食 #旺角好去處 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
吉列牛忌廉烏冬專門店
旺角美食
輪住食·推介香港美食
Italian Tomato一直係高質蛋糕店！
Italian Tomato Hong Kong 祝各位媽咪，母親節快樂！🌹🌹🌹 今年我去咗 @italiantomatohongkong 買母親節蛋糕，買咗一個15CM栗子黑糖麻糬蛋糕！頂層鋪滿栗子粒、香滑栗子蓉、無花果、新鮮忌廉及朱古力忌廉。加上母親節花裝飾，儀式感十足！3層的海綿蛋糕配有溫暖優雅的栗子鮮忌廉及黑糖麻糬，口感一流！栗子黑糖麻糬蛋糕$328（用支付寶HK比錢即減$10）（8.5/10）地址：葵芳新都會廣場1樓178號鋪 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #ItalianTomato #蛋糕店 #母親節快樂 #母親節 #葵芳美食 #葵芳好去處 #新都會廣場 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
italiantomato
蛋糕店
輪住食·推介香港美食
魚事者榮登「香港澳門米芝蓮指南2023」必比登推介小店！
魚事者經過旺角有一間外賣店好唔起眼，被左邊間小食店嘅排隊人士包圍住，所以勁難搵到呢間「魚事者」。最近呢間外賣店榮登「香港澳門米芝蓮指南2023」必比登推介小店，我經開就決定幫襯試下佢哋先，未買小食之前已經見到勁多Anson Lo，估計老闆勁鍾意佢，哈哈！後巷仲有一張立食枱仔，老闆勁細心，善用所有空間，比人立食之餘又唔會阻到街，呢個設計好掂，而且後巷輪椅又入到，巷內輪椅立食都係第一次，讚！！ 1.綿綿芝士汁吉列豬扒魚麵撈$58（9/10）呢碗吉列豬扒魚麵撈個魚麵勁多芝士汁，但芝士唔係拉絲，唔會食到好漏好飽，吉列豬扒炸粉薄，炸到豬扒好有肉汁，唔會好硬好乾，豬扒都有6件切咗條，麵方面原來有50%係用魚肉製成，係佢哋自己整，超有魚味同彈牙，非常正！ 2.又香又臭蒜油雞翼魚麵撈$58（9/10）呢碗蒜油雞翼魚麵撈唔知點解叫又香又臭，其實鍾意蒜油味唔會覺得臭，只會覺得香，超香嘅雞翼有5件，雞翼份量係超出我預期，麵方面原來有50%係用魚肉製成，係佢哋自己整，超有魚味同彈牙，非常正！ 3.「我要哂」小食拼盤$40（9/10）呢個小食拼盤有2粒魚肉燒賣、2粒芫茜燒賣、1條魚狗腸同3舊魚兵團，全部都落咗佢哋自己整嘅手工魚辣醬，好特別嘅話辣醬，唔會好辣，但又有魚味！ 4.大碌的愛$35（9/10）大碌的愛真係好大碌，食完真係會愛上呢碌野，出面係薄薄麵包糠拎去炸，入面係一大碌魚膠，好重本，啖啖魚肉，配埋芥末醬簡直超級正！ 5.日式餃子2隻$10（8.5/10） 10蚊有2隻日式餃子，煎得好好，皮薄又有少少脆身，入面係豬肉加少少菜，有肉汁唔乾身，食得出係即叫即煎，好味！ 2人總共價錢$201 個人口味總評分：8.9/10 @fisholichk 地址：旺角登打士街55號鴻達樓地下6號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #魚事者 #旺角美食 #旺角好去處 #香港探店 #ansonlo #盧瀚霆 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
魚事者
旺角美食
輪住食·推介香港美食
青衣「而打淥」台式滷味店！
而打淥滷汁拌粉青衣城一期大家就行得多啦，好多連鎖餐廳喺一期，行到悶嘅我就去咗二期，見到有間叫「而打淥」主要賣台式滷味，個名幾搞笑就停低咗入去望下，見OpenRice d人話好正宗就決定坐低食！呢間主要做外賣，餐廳外形似台灣夜市嘅車仔檔，而入面枱得3張，我哋一坐已經佔咗2張枱，幾唔好意思，最多食快d走人！ 1.淺嚐三拼$46+蔥油滷汁拌麵$12（7.5/10）呢個三拼入面有醬香雞中翼2隻，滷蓮藕片4件，煙韌滷豆干8件。雞翼同豆干好入味，豆干好Q彈，反而蓮藕片咸咗少少，雖然咸咗少少，但每一舊都好大塊，店員話今批貨係大塊，所以先得4件，平時細件就有6件！拌麵就有掛到汁，12蚊嚟講真係超良心價，份量嚟講對其他大食男人嚟講一定唔夠，對我嚟講就啱啱好，夜晚唔想食咁飽，哈哈！ 2.脆香鹽酥雞$38（9/10）呢個鹽酥雞入面有12件雞塊，袋中已加入佢哋自家秘製調味粉，店員遞比你之前已經shake好哂，每一件雞塊已經滲入佢哋嘅調味粉，雞塊炸得香脆，有肉汁唔會乾，好好食！ 3.醬香雞胗片$16（9/10）雞胗有9件，每一件都超有口感，味道啱啱好唔咸，好食！ 4.台風飯$12（9/10）雖然係一碗白飯，但飯上面有白芝麻，令到飯有少少芝麻香，唔錯！ 2人總共價錢$124 個人口味總評分：8.625/10 @e_bittern 地址：青衣青敬路31-33號青衣城2期1樓181號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #而打淥滷汁拌粉 #青衣美食 #台式滷味 #青衣好去處 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
而打淥滷汁拌粉
青衣美食
輪住食·推介香港美食
觀塘性價比高嘅日式台灣菜！
一起食堂觀塘真係好多好西食，今次走去遠少少嘅威利廣場食「一起食堂」，雖然遠望無招牌，但見到人龍應該無去錯掛。餐廳門口都係有一級，又係到我塊板出場時候，唔算太高，門口窄得嚟輪椅算入到，入到餐廳入面算好大，日式木系裝修，坐得好舒服！食食下好奇問經理點解餐廳無招牌，佢話大廈唔比整，連foam board同poster勉強先可以痴，真係好陰公，只能靠口碑同熟客介紹先搵到嚟呢度食！ 1.黑糖豬軟骨飯$72（8/10）有幾塊好大塊無骨嘅豬軟骨，甜甜地超淋又大舊，再配埋溫泉蛋撈埋飯好正，飯應該係用日本米。小食有中華沙律、紫薯同抹茶糕 2.日式咖哩炸雞飯$72（9/10）呢碗日式咖哩炸雞飯個咖哩係甜甜地，炸雞有5舊，炸得唔乾身，雞肉好食，飯應該係用日本米。小食有中華沙律、紫薯同抹茶糕 3.滷牛展$39（8/10）呢碟滷牛展唔會咸，雖然得5舊，但每一舊都係厚切，又淋又入味！ 4.酥炸地瓜條$42（9/10）地瓜條炸得好脆，薄薄炸粉令每一啖食到地瓜味又香又甜，每一條都係粗長，超好食！ 5.仙草奶茶（冷）$25（9/10）奶同茶無互相搶，唔會好甜，奶茶好滑，仙草算多，唔錯！ 6.芋圓仙草凍$40（10/10）上次去中環分店食已經愛上呢碗芋圓仙草凍，嚟到觀塘分店一樣咁正咁大碗，有齊三色芋圓、仙草凍、紅豆同淡奶，無2人幫手食一定食唔哂！ 2人總共價錢$290 個人口味總評分：8.83/10 地址：觀塘開源道48號威利廣場地下G5號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #一起食堂 #觀塘美食 #觀塘好去處 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
一起食堂
觀塘美食
輪住食·推介香港美食
淘大商場SuperNormal本月做緊德國鹹豬手優惠！
SuperNormal 去到淘大商場有一間意大利餐廳叫「SuperNormal」近日嘅鹹豬手做緊特價，終於搵到一日入淘大試一試，餐廳門口又係有一級，又係要出動我塊斜板嘅時候。入到餐廳入面算幾大，近門口嘅高枱係最方便輪椅人士坐，但唯一唔好就係唔係部部輪椅有得升到輪椅，我部輪椅就有呢個升高功能，坐吧枱就唔洗驚啦！ 1.芝士咖哩豚肉焗飯+香橙煙鴨胸沙律+熱咖啡$68（9/10）呢個Lunch set好抵，有炸豚肉芝士咖哩焗飯，豚肉炸得好脆，又有香橙煙鴨胸沙律，香橙甜，鴨胸仲有3舊好軟淋，最後加埋香滑咖啡，正！ 2.柚子麥啤浸脆皮德國鹹豬手$148（8/10）呢個德國鹹豬手本來原價係$228，近排使緊優惠一隻$148，非常抵食！豬手好大隻，外皮好脆身，鹹豬手唔咸，肉質唔會好硬，有淡淡柚子同麥啤香，好好食！ 3.明太子原隻軟殼蟹漢堡$106（9/10）呢個漢堡入面軟殼蟹好大隻，真係原隻嚟嫁，仲有3隻蝦、兩片蕃茄同蟹子沙律等，口感非常豐富。旁邊仲有粗長薯條，好脆身，好好味！ 2人總共價錢$355，＄1外賣盒，有加一服務費！個人口味總評分：8.66/10 @supernormal_hk 地址：九龍灣牛頭角道77號淘大商場2期地下196-199號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #SuperNormal #牛頭角美食 #意大利菜 #淘大好去處 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
supernormal
牛頭角美食
輪住食·推介香港美食
葵涌廣場新開小店拉麵好好食！
宇治初時@自家創作料理呢間小店喺葵涌廣場近排新開，原來未開店之前佢哋係網上賣辣椒醬起家，呢間有好多款炒麵同小食，都有好多學生嚟買外賣拎走，我叫咗兩碗炒麵同一碗小食，食完又唔口渴，價錢又平，份量又多，好抵食！ 1.宇治拌麵（辣度：人類）$30（8/10）我揀咗拉麵，拉麵彈牙，入面有紫菜、粟米、菜脯同蔥，呢個辣度好夠辣，食得辣可以叫人類！ 2. 宇治但滿足炒拉麵（辣度：小天使）$50（9/10）我揀咗拉麵，拉麵彈牙，入面有香腸、紅腸、肥牛、蜆肉、紫菜、粟米、菜脯同蔥，呢個辣度係小辣，叫小天使！ 3.宇治香辣三寶（細）$25（8/10）入面有魷魚、牛柏葉同豬皮，再加入芝麻、菇同菜脯，如果辣多少少更惹味！ 2人總共價錢$105 個人口味總評分：8.33/10 @yu_firsttime 地址：葵芳葵富路7號葵涌廣場2樓2020號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #宇治初時 @自家創作料理 #葵芳美食 #葵芳好去處 #葵涌廣場 #葵芳小店 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
宇治初時
葵芳美食
輪住食·推介香港美食
灣仔高質burger店！
Two Ediots 如果大家經開灣仔謝斐道有一間burger店真係唔可以錯過，除咗高質burger之外，連坐位都好特別，有一個窗口位嘅座位，坐店內可以望街外，坐店外可以望到店內，加埋店內其他座位大約可以坐到30人左右。店內仲有兩幅打卡牆，兩幅壁畫好靚，門口雖然細同有一級，但我部輪椅都啱啱好入到，一路食仲有拳擊賽電視睇，非常唔錯！ 1.韓式泡菜漢堡$88+薯條$15+熱咖啡$3（9/10）韓式泡菜漢堡入面有太陽蛋，泡菜，炸甜薯天婦羅同美國牛肉漢堡，呢個組合好特別，甜甜酸酸又辣辣地再加埋牛肉同太陽蛋簡單唔識形容，好多味道喺口腔入邊，好鬼正呀！😋😋👍 薯條粗長，外脆內軟，影咗好耐相仲鬼死咁脆，唔似某連鎖店咁薯條似食膠條，配埋香滑咖啡，招！ 2.軟殼蟹牛肉漢堡$98+沙律$25+熱咖啡$3（9/10）呢個軟殼蟹勁大舊同勁脆，連埋牛肉一齊食口感勁好，幾鍾意呢間burger店個包，軟身得嚟有少少甜，連沙律菜都好唔同，有一粒粒咸芝士係入面，店員話呢個沙律叫希臘沙律，配埋香滑咖啡，超滿足！ 2人總共價錢$232 個人口味總評分：9/10 @twoediotshongkong 地址：灣仔謝斐道151-161號金聲大廈地下B號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #TwoEdiots #灣仔美食 #灣仔好去處 #burger店 #漢堡包店 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
twoediots
灣仔美食
輪住食·推介香港美食
全港首創桃膠鮮奶嘅茶飲店！
唇茶經開銅鑼灣又想飲下野，但又唔想飲珍珠奶茶嘅話，緊係就要飲好滋補養顏養身嘅「唇茶」啦！男仔除咗要好腰好腎，仲要識養顏，有顏值唔一定係女仔先要，男仔都需要顏值，而呢間茶飲店主打健康茶類飲品，佢哋最低卡只有60卡路里，仲有其他桃膠鮮奶滋補系列比人揀添！ 1.黑糖桃膠鮮奶（L）$36（9/10）呢杯桃膠鮮奶係全港首創，加入天然桃膠再加鮮奶，我揀咗少甜，鮮奶口感香滑，桃膠有咬口，食桃膠好過食珍珠，始終係天然野，非常唔錯！ 2.花開Fruit貴（L）$38（9/10）呢杯花開Fruit貴入面有菠蘿、桂花、蘋果乾同烏龍茶，飲落好清新，滿口水果味，養生之餘又天然，好好飲！ 2人總共價錢$74 個人口味總評分：8.5/10 @teaonlyhk 地址：銅鑼灣渣甸街30號地下B號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #唇茶 #銅鑼灣美食 #銅鑼灣好去處 #茶飲店 #ansonlo #盧瀚霆 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
唇茶
銅鑼灣美食
輪住食·推介香港美食
土瓜灣適合汕尾人食嘅車仔麵店！
一喜車仔麵土瓜灣有一間車仔麵店好出名就係潮汕手工丸，聽老闆娘同我講附近有好多潮汕人過嚟食，我算早入嚟食，一坐好就人潮就嚟，店員忙到死！呢間車仔麵店門口都係有一級，我又自備斜板入去食，店內唔算好細，大約坐到30人左右，老闆娘好細心同我介紹最出名嘅野食，佢越介紹，我就越叫越多野食，真係OMG！🤦‍♂️🤦‍♂️🤦‍♂️ 1.汕尾小米粿8粒（豬肉粉粿）$19+黃金雞湯$3（8/10）其實汕尾小米粿正宗食法係蒸，不能呢間店放落埋黃金湯煮就有唔同口感，QQ彈彈似魚皮餃，不過如果層皮薄多少少就更好！ 2.有魷魚的魷魚丸$11（9/10）墨魚丸就成日食，有魷魚嘅魷魚丸就第一次食，口感無墨魚丸咁硬實，入面真係有一條條魷魚喺入面，好好味！😋😋😋 3.特級瀨尿牛筋丸$11（9/10）呢個特級瀨尿牛筋丸牛味相當濃，粒粒爽口彈牙，食到牛筋丸嘅味道，而且無出面牛筋丸咁痴牙，食還食大家要小心湯汁燙口！👍👍👍 4.汕尾馬鮫豬肉丸（2粒）$10（9/10）呢個馬鮫豬肉丸有少少似酥炸鯪魚球，但係彈牙過出面嘅酥炸鯪魚球，最後叫咗4粒，太好味啦！ 5.酸齋$9（9/10）呢碟酸齋係薄薄地，無出面嘅酸齋咁大舊同無咁酸咁甜，少少酸酸甜甜好開胃，而且份量夠多，抵食超正！😋😋😋 6.牛腩、咖哩魷魚、炸蝦條、蘿蔔河粉$46（麻辣汁+$2）+凍檸茶$10（9/10）牛腩夠淋入味，咖喱魷魚夠爽口彈牙，蝦條炸到金黃色，蘿蔔又清甜無渣！ 7.豬皮、牛腩、紅腸，瑞士汁雞中翼、蘿蔔粗麵（沙爹汁）$52+凍鴛鴦$8（8/10）豬皮索哂沙嗲汁，牛腩夠淋入味，紅腸好似煎過，個邊好脆，瑞士汁雞中翼夠入味，蘿蔔又清甜無渣！ 8.香辣單骨雞中翼$26（9/10）香辣單骨雞翼以滷水醃製過就拎去炸，表面炸完似有搽蜜糖，但原來無蜜糖，好清甜又有肉汁，而且夠脆，唔會好辣夠哂惹味，單骨咁整食得好方便，正！ 2人總共價錢$217 個人口味總評分：8.625/10 @heyman_noodles 地址：土瓜灣北帝街31號地下 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #一喜車仔麵 #土瓜灣美食 #車仔麵 #土瓜灣好去處 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
一喜車仔麵
土瓜灣美食
輪住食·推介香港美食
吹住海風好Chill又睇埋狗狗嘅台灣菜餐廳！
戀上台式料理將軍澳唐俊街翩匯坊果邊近海旁有間台灣菜餐廳未到7點開始多人，好彩我都提早搵到位坐，越夜越多狗狗陪住主人喺呢間餐廳度享受晚餐，天氣唔熱，一唔食一路吹住海風，又有好多狗睇，真係環境好唔錯！ 1.鹽燒美國特板牛小排$98（8/10）呢個美國特板牛小排大約有6-8件，每件油花夠靚又好均勻，燒上嚟好易燒，搞到有幾件燶咗少少，硬咗少少，之後燒無咁耐就好好食，牛味重，唔錯！😋😋😋 2.厚切牛舌配蔥蒜醬$88（5件）（9/10）呢個厚切牛舌有5舊，每舊都好厚，自己燒都燒到入口爽口，好有牛味，好正！😋😋😋 3.戀上蚵仔魯肉飯-附送前菜（7/10）呢碟蚵仔魯肉飯入面每粒蚵仔都漲卜卜，好飽滿，魯肉就偏硬少少，飯量太多，食唔哂，下次要減飯先得，未見有附送前菜！ 4.薄荷窩夫配草莓三重奏$68（9/10）店員真係唔夠，呢個薄荷窩夫配草莓三重奏好似提咗三次，雖然餐牌上已經寫咗需時20分鐘，足足等咗超過半個鐘。上枱後立即食，總共有3舊窩夫、忌廉上有1粒士多啤梨同一球士多啤梨雪糕。每一舊窩夫都熱辣辣又好脆，仲配上1粒藍莓，旁邊又有士多啤梨醬可以點嚟食，等耐咗都值得，因為實在太好味啦！😋😋😊 5.椰奶仙草芋圓$38（0/10）成晚爆滿，好多人，返到屋企先睇到漏單，我又掛住睇狗仔，我都有責任提返！ 6.黑糖珍珠奶茶（少冰塊，轉鮮奶茶+$5，仙草）$43（7/10）呢杯黑糖珍珠奶茶唔夠甜，唔知係咪以為我揀咗少甜，珍珠夠煙韌，唔會硬心，仙草正常 7.雪崩珍珠朱古力（少冰塊，少甜，加珍珠$5）$50（9/10）呢杯雪崩珍珠朱古力真係打卡able嘅飲品，奶蓋多到滿瀉，外形真係似雪崩一樣，上面仲有朱古力碎，奶油味又香又滑，朱古力甜道啱啱好，珍珠夠煙韌，唔會硬心，好鬼正！ 2人總共價錢$520，有加一服務費！個人口味總評分：7/10 @taiwanfirstlove 地址：將軍澳唐俊街21號翩匯坊地下G26號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #戀上台式料理 #將軍澳美食 #台灣菜 #珍珠奶茶 #燒肉店 #將軍澳好去處 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
戀上台式料理
將軍澳美食
輪住食·推介香港美食
科學園高質意大利菜餐廳！
Meraviglia Bar e Ristorante 今日入咗去科學園探朋友，個朋友喺科學園返工，佢就話呢間意大利餐廳好好食，於是就入咗去食。科學園係我第一次入去，話遠唔遠，話近唔近，係等巴士會耐少少，不過入到去餐廳真係環境好優美，餐廳又大，好啱吹水，又有地方比小朋友放電，適合一家大細嚟，仲歡迎帶寵物入去，真係好唔錯嫁！ 1.炸本地走地雞籃配熱咖啡$208（8/10）呢碟炸雞有4件，應該有4分1隻雞，係本地走地雞，雞質嫩滑，仲有1件雞柳，雞柳少油唔鞋，旁邊仲有有機沙律菜，沙律菜鮮甜多汁！💦💦💦 咖啡香滑好飲！👍👍👍 2.自家製蕃茄醬，水牛芝士及羅勒薄餅配熱咖啡$228（9/10）呢個薄餅有十吋大，用想自家製蕃茄醬，加埋水牛芝士及羅勒令到薄餅好香，水牛芝士又唔漏，又拉到絲，好好食！😋😋😋 咖啡香滑好飲！👍👍👍 2人總共價錢$479.6，有加一服務費！個人口味總評分：8.5/10 地址：沙田白石角香港科學園第二期科技大道西10號浚湖樓地下S040號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #MeravigliaBareRistorante #科學園美食 #薄餅 #炸雞 #意大利菜 #科學園好去處 #寵物友善 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
meravigliabareristorante
科學園美食
輪住食·推介香港美食
荃灣隱世性價比好高家庭式Feel嘅西餐廳！
The 5B Private Corner 琴晚朋友帶我去工廈食野，呢間餐廳都幾隱世，喺柴灣角街，唔係柴灣，原來荃灣有條街叫柴灣角街，無人帶路真係會蕩失路！入到餐廳入面比我感覺好家庭式Feel，餐廳算大，坐得好舒服，正中間仲有一部大電視，最衰無申請酒牌，如果唔係包場睇波好唔錯，不過佢哋都接受包場搞活動、聚會、派對等！我哋叫咗兩個Dinner Set，性價比極高，百幾蚊包哂主菜、餐湯、蒜蓉包、飲品同甜品！ 1.慢煮西班牙黑毛豬配自家製蘋果醬跟意粉＋餐湯＋蒜蓉包＋即磨咖啡＋特濃朱古力芝士蛋糕$178（9/10）呢個Dinner Set價錢相當抵，西班牙黑毛豬好大塊，肉質粉嫩，唔會韌，好好味！至於意粉我覺得唔夠味，撈咗佢哋嘅自家製蘋果醬即時令意粉清新咗，加埋有蘋果果肉令意粉好味咗好多，食完先知原來蘋果醬係要同黑毛豬一齊食，減低肥膩感！🤣🤣🤣 餐湯係南瓜湯，湯算「傑」，有南瓜肉，再配埋好脆口嘅蒜蓉包，好正！👍👍👍 即磨咖啡係用拼豆（用雲南、巴西同印尼嘅咖啡豆），老闆係同香港公司買咖啡豆，佢哋幫手炒豆，話支持返香港人！👍👍👍 特濃朱古力芝士蛋糕甜咗少少，有好多特濃朱古力醬，芝士唔漏，整體呢個蛋糕好好食！😋😋😋 2.香草烤雞配自家製蘋果醬（半隻）跟意粉＋餐湯＋蒜蓉包＋即磨咖啡＋原味芝士蛋糕$178（8/10）呢個Dinner Set價錢相當抵，香草烤雞雖然半隻，但都相當大隻，肉質嫩滑，唔會鞋，雞皮烤得好脆身，好好味！至於意粉我覺得唔夠味，撈咗佢哋嘅自家製蘋果醬即時令意粉清新咗，加埋有蘋果果肉令意粉好味咗好多，食完先知原來蘋果醬係要同黑毛豬一齊食，減低肥膩感！🤣🤣🤣 餐湯係南瓜湯，湯算「傑」，有南瓜肉，再配埋好脆口嘅蒜蓉包，好正！👍👍👍 即磨咖啡係用拼豆（用雲南、巴西同印尼嘅咖啡豆），老闆係同香港公司買咖啡豆，佢哋幫手炒豆，話支持返香港人！👍👍👍 原味芝士蛋糕唔會好漏，呢個淡淡芝士味嘅蛋糕好好食！😋😋😋 2人總共價錢$392，有加一服務費！個人口味總評分：8.5/10 @the5bprivatecorner 地址：荃灣柴灣角街38-40號銓通工業大廈5樓B室 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #cafe #荃灣美食 #咖啡店 #隱世餐廳 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
cafe
荃灣美食
輪住食·推介香港美食
葵興新開cafe|必飲紫薯Latte
Libra by Little Prince 身為葵芳人，葵興開咗一間新Cafe當然要去試下啦，呢間Cafe喺KC100附近，門口用上藍綠色，Cafe入面算寬闊，足夠輪椅轉彎，有梳化同普通櫈坐，大約可以坐50人！ 1.帆立貝海膽忌廉汁意大利粉$82+Coffe Latte鮮奶咖啡$20（跟餐半價）（8/10）呢個意粉入面有兩大舊帆立貝，帆立貝煮得啱啱好，唔會太乾身，仲紅椒粒、黃椒粒同磨菇，加埋海膽忌廉汁，食起上嚟有淡淡海膽鮮甜味，意粉彈牙唔會煮得太淋，再跟埋鮮奶咖啡就掂哂，咖啡好滑，唔錯！ 2.煙肉芝士牛肉漢堡伴薯條$88+Purple Potato Latte紫薯拿鐵$21（跟餐半價）（8/10）呢個煙肉芝士牛肉漢堡配料好多，除咗有煙肉芝士牛肉之外，仲有生菜蕃茄青瓜等配料，加埋好脆身嘅薯條，飽哂！再跟埋紫薯Latte就掂哂，咖啡香滑加埋有淡淡紫薯味，好好飲！ 2人總共價錢$211 個人口味總評分：8/10 @libracafe1229 地址：葵涌葵昌路100號KC100地下1號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #cafe #葵興美食 #咖啡店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
cafe
葵興美食
輪住食·推介香港美食
太安樓章魚燒！
真‧章魚無雙上次食完台灣菜太急住離開太安樓，未有時間留喺太安樓掃街，今次就唔同啦，可以慢慢食，慢慢睇，慢慢掃街，睇住太安樓出入口好多一條條柱真係令我好燥底，我會遲d一次過幫大家，拆除所有障礙物，方便輪椅/bb車/手推車進入太安樓，大家記得等我啦！ 1.蜜糖芥末章魚燒（6粒）$34（8/10）呢間分店無葵廣咁多人排隊，而且每粒章魚燒入面都有2粒章魚，章魚粒粒粒新鮮爽口彈牙，出面外皮好脆，面頭好多沙律醬，仲有勁多木魚絲，反而覺得好食過葵廣，睇返記錄好似葵廣食完唔記得咗寫食評，哈哈！🤣🤣😅 2人總共價錢$34 個人口味總評分：8/10 @top1_takoyaki_taion 地址：西灣河筲箕灣道57-87號太安樓第一街A25A號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #top1_takoyaki_taion #真章魚無雙 #太安樓美食 #章魚燒 #西灣河美食 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
top1_takoyaki_taion
真章魚無雙
輪住食·推介香港美食
唔洗企街唔洗食杯麵幸好有雙餸飯！
廣潤美食琴日行程緊密，又要去醫院覆診，又要去針灸，又要趕住4點到大角咀打波，根本無時間搵地方食lunch，好彩見到雙餸飯，又好好彩唔洗食杯麵，又唔洗預約，又唔洗罰企喺街食，我就買完拎走去附近公園慢慢食！ 1.粟米斑塊+咕嚕肉（雙餸飯）$28（8/10）呢間雙餸飯入面粟米斑塊有大約4大塊炸魚塊，粟米羹另外淋上魚塊上面，略淡少少，炸魚塊淋咗，份量算多！咕嚕肉正常味道，有約10舊炸排骨，只見有一小舊青椒，細到似指甲咁幼細，仲要不見菠蘿，可能3點正正係餸底時間關係，又未到再煮嘅時間，所以無菠蘿！🤣🤣😅 2.白菜炒雞肉+炸豆腐（雙餸飯）$28（7/10）白菜份量ok，有味唔咸，雞肉比較少，大約得2-3舊細雞肉，偏瘦唔肥！炸豆腐大約有6舊，面上疑似係加咗七味粉，但都仲係無味，唔知點解？！👉👈 2人總共價錢$56 個人口味總評分：7.5/10 地址：大角咀大角咀道97-105號大同新邨大方樓地下 #廣潤美食 #兩餸飯 #大角咀美食 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
廣潤美食
兩餸飯
輪住食·推介香港美食
中環街市翻新後好多野食！
順。越南牛肉粉+Pulau 今日見有時間去咗中環街市搵晚餐食，開咗有一段時間都未得閒嚟，翻新過後好方便輪椅人士行，地下果層好多野食，好似美食廣場咁，款式又多，睇到花多眼亂，真係好難揀呀！最後揀咗兩間餐廳，一間叫「順。越南牛肉粉」，另一間姊妹店叫「Pulau」！ 1.蕃茄蟹膏蟹肉蝦丸扎肉湯檬$72（8/10）呢蕃茄蟹膏蟹肉蝦丸扎肉湯檬個湯底有淡淡鮮蕃茄味，再加埋蟹嘅鮮甜味，入面有約4舊薄切鮮蕃茄，2粒蝦丸同2片扎肉，仲有少少蟹膏蟹肉喺面頭，食食下化開哂，溶化喺湯入面，早知道先食蟹膏蟹肉啦，後悔咗！👉👈 2.順.生牛肉牛肉丸湯河$62（9/10）呢碗生牛肉牛肉丸湯河入面有大約4片生牛肉片，塊塊生牛肉都粉嫩色，唔會過韌。牛肉丸有3粒，粒粒都結實彈牙，好重牛味。湯河就唔係出面果d會吸水搞到一舊舊，呢度湯河係一條條，每一湯河都好滑，入面仲有少少芽菜，再加埋店員比埋青檸滴落湯入面，搞到成碗湯河好fresh，更加好食！😊😊😊 3.自家手工牛肉丸湯$56（9/10）呢碗牛丸湯入面有10粒細牛丸，每一粒都好結實同彈牙，好重牛味！👍👍👍 4.新加坡鹹蛋黃魚皮$56（7/10）呢個鹹蛋黃魚皮喺姊妹店「Pulau」買，每一塊都超重鹹蛋味，唔知係咪影相太耐嘅關係，比冷氣吹到淋哂，有幾塊唔夠脆，不過整體都好好味，好驚第二日爆好多暗瘡添！🤣🤣🤣 2人總共價錢$264 個人口味總評分：8.25/10 地址：順。越南牛肉粉：中環皇后大道中93號中環街市地下G16號舖 Pulau：中環皇后大道中93號中環街市地下G19號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #越南牛肉粉 #牛肉丸 #鹹蛋黃魚皮 #新加坡菜 #越南菜 #中環美食 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
越南牛肉粉
牛肉丸
輪住食·推介香港美食
灣仔潮牛腩最正係牛骨湯底！
潮牛腩今日中午嚟到灣仔食一間叫「潮牛腩」，雖然門口有一級，但唔洗等位可以即放斜板即入去，店員幫安排我坐單丁望牆位。餐廳入面算寬，有足夠空間比輪椅人士喺入面轉彎，冷氣同光線好充足，好彩早入座，早點野食，一點完門口就開始打仗，多人排隊拎外賣同等位，呢間最出名係湯底，每日係用幾十斤牛骨熬製18小時，湯底完全無加味精，咁出名當然要試下啦！ 1.咖哩爽腩飯$110+夏枯草500ml $10（跟餐優惠）（8/10）呢個咖哩爽腩飯入面有6舊爽腩，不過大多數係牛筋，有2-3舊係半筋半腩，牛筋好軟淋，勁大舊勁彈，好多骨膠原，咖哩算小辣，撈埋飯食一流！飲品就揀咗枝裝夏枯草，跟餐只係加$10，算平！ 2.清湯牛坑腩飯$108+凍檸茶$8（跟餐優惠）（9/10）呢個清湯牛坑腩飯入面有6舊牛坑腩，揀清湯反而食到牛味好濃，牛坑腩好淋，仲有3大舊白蘿蔔，3舊都好鬼甜又無渣，牛骨湯底好清甜，好好飲！飲品就揀咗凍檸茶，跟餐只係加$8，算平！ 3.炸魚皮+牛骨湯$28（9/10）呢碗炸魚皮份量超多，大約有15舊，有幾舊大到有成人手掌咁大，魚皮炸得好薄脆，仲附送一碗牛骨湯比食客點嚟食，呢碗湯原來清湯牛坑腩飯個湯係一樣，只不過係加蔥同白蘿蔔，所以就以為唔一樣，反而我鍾意飲無蔥無白蘿蔔嘅牛骨湯，我覺得原汁原味先最好飲！ 2人總共價錢$264 個人口味總評分：8.66/10 地址：灣仔謝斐道307-311號快添大廈地下2號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #潮牛腩 #灣仔美食 #牛腩 #牛坑腩 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
潮牛腩
灣仔美食
輪住食·推介香港美食
灣仔健康的味道！
華香雞琴日下就經開灣仔，見到一間餐廳叫「華香雞」，個招牌寫住「懷舊的味道健康的國度始創於一九八八年」好吸引，再加埋好多人叫外賣，應該幾好食，於是就諗住入去食！雖然門口都係有一級，但今次個門口係比較窄，連我部輪椅都入唔到，最後決定轉外賣打包拎走食，走去附近公園食！ 1.華香雞拼茶香雞飯$60＋$3轉黃薑飯配老火湯（7/10）呢個雙拼雞飯係招牌華香雞加烏龍茶香雞，兩款雞嘅肉質都比較硬咗少少，每款雞都有4舊，加＄3可以轉黃薑飯，黃薑飯有淡淡黃薑味，飯粒係幼長形，入面仲比咗薑蓉，薑蓉係乾身唔油幾好，仲有幾條白菜仔，呢盒飯真係好健康！至於老火湯呢，去到公園坐低先發覺比漏咗，店員太忙太多外賣，我體諒，最多下次飲返！ 2.川味辣香雞飯$57＋$3轉黃薑飯配熱咖啡（8/10）呢個川味辣香雞飯有少少辣，唔會好辣，又唔係麻辣，適合食到少少辣嘅人食，雞肉肉質都比較硬咗少少，入面嘅雞有8舊，加＄3可以轉黃薑飯，黃薑飯有淡淡黃薑味，飯粒係幼長形，入面仲比咗薑蓉，薑蓉係乾身唔油幾好，仲有幾條白菜仔，呢盒飯真係好健康！咖啡香滑帶少少酸，幾好飲！ 3.新鮮手拍青瓜（配：蒜蓉黑醋汁）$35（9/10）呢個青瓜好爽脆，食到有少少黑醋味，不過食到底有少少咸，呢碗手拍青瓜大約有15舊，每舊都大大舊，份量算多！ 4.紹興醉雞腎$28（10/10）呢個雞腎勁重紹興酒味，每舊都好入味，而且好爽有咬口，份量又多，大約有30舊，好好味！ 2人總共價錢$186 個人口味總評分：8.5/10 @wahheungchicken 地址：灣仔駱克道368-374號百齡大廈地下G2號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #華香雞 #灣仔美食 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
華香雞
灣仔美食
輪住食·推介香港美食
元朗洪水橋米線店性價比高！
雲川百味琴日去咗元朗針灸，針完之後搭咗幾個站輕鐵去洪水橋搵野食，喺輕鐵站行一陣就見到米線鋪叫「雲川百味」，之前ig見人食完都話超抵食，所以我見入開元朗就試下啦！呢間米線餐廳門口又係有一級，又要出動我塊斜板嘅時候，入到去餐廳算幾大，大約可以坐60位食客，枱與枱之間夠一部輪椅通過，店內有普通枱同梳化背嘅可活動式椅子或卡位梳化坐比你揀，我就一定坐唔到卡位啦，普通位輪椅人士要睇住「菠蘿蓋」，如果無睇住會痛死，輪椅人士要留意！ 1.酸辣湯米線（小辣）配香茅豬扒、豬頸肉同蒜香雞扒$64＋凍咸檸七$6（跟餐配有優惠，單叫原價$17）（10/10）呢度酸辣湯底唔會好酸，小辣唔會太辣，單餸就$44，如果要加餸就要加$10一個餸。我就揀咗香茅豬扒、豬頸肉同蒜香雞扒。你自問係食肉獸就有福啦，呢度唔會得兩三舊肉咁少，香茅豬扒係一大塊，只係幫你切咗條，雞扒都係一大塊，雞扒肉質嫩滑，有蒜香味，豬頸肉大約5條，所有配料份量係勁多，再飲埋杯凍咸檸七就大滿足啦！ 2.酸辣湯台灣扁身麵（中辣）配蒜香雞扒、花枝丸同肥牛$64＋凍檸檬茶$3（跟餐配有優惠，單叫原價$16）（10/10）呢度酸辣湯底唔會好酸，中辣唔會辣過出面，單餸就$44，如果要加餸就要加$10一個餸。我朋友就揀咗蒜香雞扒、花枝丸同肥牛，麵就揀台灣扁身麵，麵有少少似河粉質地，但彈牙過河粉，幾好味！蒜香雞扒係一大塊，雞扒肉質嫩滑，有蒜香味，花枝丸就有3粒，每粒都好彈牙，肥牛唔韌，大約有4塊肥牛，再飲杯凍檸檬茶就大滿足啦！ 3.麻辣青瓜$25（9/10）呢個麻辣青瓜好爽脆，麻辣味好足夠，唔錯！ 2人總共價錢$158，減咗$4係下午茶優惠，星期一至五下午2時至5時半有下午茶優惠個人口味總評分：9.66/10 @manzhang554 地址：元朗洪水橋洪堤路8號雅珊園地下10號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #雲川百味 #元朗美食 #洪水橋 #米線關注組 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
雲川百味
元朗美食
輪住食·推介香港美食
尖沙咀串燒店必食錫紙麻辣花甲粉！
川味王琴晚去咗尖沙咀柯士甸路搵野食，見到一間串燒店門外掛滿好有日本feel嘅燈籠相當吸睛，吸到我入去幫襯！呢間串燒店門口又係有一級，又要出動我塊斜板嘅時候，入到去雖然店內唔算大，大約只能坐20位食客，但店員好努力幫我搵一個合適我坐嘅位置，仲搬開一張枱比我坐近門口位置！ 1.錫紙花甲粉（麻辣）$58（10/10）呢碗花甲粉好大碗，粉絲份量超多，絕對夠2人食。花甲就好細，蜆肉無沙鮮甜，大約有20隻花甲。最初第一啖食粉絲以為得少少麻辣，點知吞完粉絲先有後勁，麻辣味越來越出，仲要越來越辣，辣得好過隱👍👍👍 2.汁燒原條鮮魷魚$40（8/10）呢個汁燒原條魷魚真係好舊，除咗用汁燒，仲灑上孜然同辣椒粉，魷魚好鮮彈牙，唔會燒得過老而好硬，燒得啱啱好！ 3.燒頂級厚切牛舌心$38（10/10）本來諗住叫薄切牛舌，店員話啱啱賣哂，之後改呢個頂級厚切牛舌心，牛舌心燒得非常軟淋，一串有3大舊厚切牛舌心，每舊牛舌心灑上孜然同辣椒粉，真係好惹味！😋😋😋 4.燒雞軟骨$28/2串（8/10）我最鍾意食有骨嘅野，尤其雞軟骨，咬爛軟骨嘅聲好療癒，如果加多少少孜然同辣椒粉就更好！😋 5.惹味芝士燒原條茄子$48（8/10）呢個芝士燒茄子好邪惡，芝士超多「傑撻撻」，成舊芝士一齊拉絲，芝士有少少咸，但芝士同茄肉係分離咗，如果芝士用火槍燒多一陣就更好！😋 6.罐裝汽水：忌廉同芬達每罐$12（9/10）貴咗少少，有得解渴就唔理啦！ 2人總共價錢$236 個人口味總評分：8.83/10 地址：尖沙咀柯士甸路17號豐樂大廈地下2號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #川味王 #尖沙咀美食 #香港串燒 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
川味王
尖沙咀美食
輪住食·推介香港美食
尖沙咀隱世高質樓上酒吧！
La BASE HK 琴晚去咗尖沙咀一間樓上酒吧，呢間酒吧近地鐵站，喺余仁生中心3樓。入到呢間酒吧感覺好舒服，入面空間好大，有室內同室外比你揀，輪椅人士就唔適合坐喺室外，因為有梯級連我塊板都解決唔到，不過室內相當寬落，可以坐到大約50個人，而室外可以坐到大約30人，除此之外，老闆娘歡迎大家帶寵物嚟，一齊喺呢個咁寧靜嘅地方吹吹水，飲返杯chill返一下，仲接受包場添！ 1.白酒煮大蜆配蒜蓉包$288（9/10）呢度白酒煮大蜆簡直正到不得了，每一粒蜆肉都脹卜卜好飽滿，又無沙，再點下白酒汁一齊食鮮味更突出！😋😋😋 蒜蓉包好脆，蒜蓉味好出！👍 2.意式烤本地農場走地雞配有機蔬菜$308（9/10）呢度d雞係用本地農場無激素走地雞，雖然隻雞係半隻，但都好大隻，而且雞肉肉質嫩滑，外皮烤得好脆，再配埋有機茄子、翠玉瓜、紅椒、黃椒、西蘭花同蕃茄仔，好好味！👍😋😋 3.Pizza Margarita$288（8/10）呢個Pizza係素Pizza，加埋三重芝士完全唔覺得好「漏」，Pizza上面仲放滿咗好清新嘅羅勒葉，Pizza係薄批嚟，應該係8吋，個底好脆，素批嚟講好唔錯！👍👍👍 4.Cocktail Mimosa$98（9/10）呢杯Cocktail係橙加香檳，幾好飲！ 5.Virgin Mojito$78（9/10）呢杯Virgin Mojito係加咗檸檬同梳打，飲落甜甜地原來仲加咗自家製有機蔗糖，上面個紫色bear入面係蝶豆花！ 2人總共價錢$1166，有加一服務費！個人口味總評分：8.8/10 地址：尖沙咀漆咸道南11-15號余仁生中心3樓 #labasehk #樓上酒吧 #酒吧 #寵物友善 #尖沙咀美食 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
labasehk
樓上酒吧
輪住食·推介香港美食
旺角泰抵食！
泰屋今晚去咗旺角食泰國菜，去咗726棟樓嘅2樓食，呢間泰國餐廳都算大，不過上到2樓個升降機大堂比較窄，輪椅轉彎入餐廳要小心，驚撞到門口兩個人仔，一入到餐廳店員就安排我坐近門口嘅位，一睇餐牌價錢都幾公道，喺旺角嘅泰國菜嚟講算性價比好高，好彩早食，臨走見餐廳8成滿，地下升降機大堂大排長龍等入！ 1.泰式沙嗲串燒（半打）$88（8/10）呢度泰式沙嗲串燒我揀咗牛同雞，每樣3串共6串，牛肉串唔韌，雞肉嫩滑，燒得啱啱好，而且沙嗲醬唔辣，但食到有粒粒花生，係花生醬味呀！正呀！👍👍😋 2.冬蔭公鮮蝦湯（細）$88（8/10）呢度冬陰公鮮蝦湯雖然揀咗係細碗，但都算多，分到6個碗仔，酸酸辣辣好好飲，不過我覺得酸多咗少少，辣就少咗少少，入面有好多菇菌、蕃茄同一隻大蝦，大蝦已經幫食客開咗邊，方便食客去食，諗得幾貼心！👍👍👍 3.泰式珍寶拼盤$148（7/10）呢個泰式珍寶拼盤入面有蝦餅，魚餅，素春卷同雞中翼，每樣有4舊，份量好多！蝦餅入面嘅蝦膠比較實咗少少，蝦膠估計打得唔夠耐。魚餅好好食，好似係鯪魚肉加豆角粒。素春卷入面有薯仔蓉、雲耳絲、紅蘿蔔絲同粉絲，幾脆口，口感豐富。雞中翼係炸嘅，表面搽咗蜜糖，甜甜地炸得好脆口！😋😋😋 4.青咖喱鮮蝦炒飯$88（9/10）呢個青咖喱鮮蝦炒飯炒到d飯粒粒分明，面上有3舊大蝦仁，大蝦仁好爽口，全晚最辣係呢個炒飯，但都係少少辣，我覺得唔夠辣，不過炒飯份量算多，起碼可以4人食，我哋食極都仲有，飽到捧住個肚走！🤣🤣🤣 2人總共價錢$454，有加一服務費！個人口味總評分：8/10 地址：旺角彌敦道726號2樓 #泰屋 #泰國菜 #旺角美食 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
泰屋
泰國菜
輪住食·推介香港美食
紅磡一間無味精又煙韌又滑嘅刀削麵店！
刕舙馫麵館今日去咗紅磡食刀削麵，呢間刀削麵店個名都幾難讀，要網上查先知點讀，叫「黎話興」麵館，門口易拉架仲寫住無味精，一於入去食先。一入到店內見到唔算細，輪椅入到去都夠位轉彎，門口都係有一級，我就繼續用我塊斜板入去食野，店員安排我坐喺近壁畫位置坐，畫中好有「中國特色」，畫中大概見到好多間屋，屋附近有間「刀削麵店」，好多人幫襯緊，畫得好靚呀！店入面有8張枱，大約坐到約30位食客，每張枱都有三款調味醬比你加，有老陳醋、特辣醬同麻辣醬。間麵店係用QR code落單或傳統望餐牌叫野食，大約等5分鐘就煮好拎上枱，小食又平，幾抵食！ 1.麻辣牛筋腩刀削麵$58＋鵝腎$9＋熱奶茶＄6（8/10）呢個牛筋腩刀削麵最初我係想叫牛筋刀削麵，點知我自己睇漏字，原來有牛筋又有牛腩，6舊牛腩3舊牛筋，每舊都係一小舊，一口一舊易入口，每一舊都好淋，刀削麵就好煙煙韌韌，煙韌得嚟又好滑，好難夾起似河粉咁滑，麻辣醬就自己加，呢個下午茶加$9有9塊鵝腎，鵝腎好爽口，鹵水夠入味，再加$6又有杯熱奶茶，奶茶夠滑，個人唔鍾意茶味太出，整體都ok！👍👍 2.麻辣肥牛刀削麵$57＋牛展$9＋熱咖啡＄6（7/10）呢個麻辣肥牛刀削麵個肥牛可能因為影相太耐，搞到肥牛好硬，估計因為喺熱湯入面自己係咁滾，下次都係唔好影咁耐相先！🤣🤣🤣 呢碗刀削麵叫咗少麵，而個麵一樣好煙煙韌韌，煙韌得嚟又好滑，好難夾起似河粉咁滑，麻辣醬就自己加，呢個下午茶加$9有5片牛展，牛展係薄切，鹵水夠入味，再加$6又有杯熱咖啡，咖啡夠滑夠香濃，好唔錯！👍 3.香脆素春卷（5條）$15（9/10）呢碟春卷有5條，入面無豬肉，係全素，有紅蘿蔔絲等蔬菜，炸得非常脆！ 2人總共價錢$160 個人口味總評分：8/10 地址：紅磡民裕街9-31號隆基大廈地下3號舖 #刕舙馫麵館 #牛筋 #牛腩 #刀削麵 #紅磡美食 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
刕舙馫麵館
牛筋
輪住食·推介香港美食
油麻地牛腩粉麵店性價比高！
田記魚蛋牛腩專門店 (碧街) 今日去咗油麻地食牛腩麵，呢間嘅牛坑腩都好出名，所以經開就入去食！呢間牛腩店門口都係有一級，我未入去食之前已經見到有位伯伯慢慢行出嚟，原來放喺門口嘅手推輪椅係佢，如果我早少少到就一定借塊斜板比佢入去食，始終連埋輪椅坐喺度食先好味！牛腩店入面有8張枱，大約坐到約30位食客，雖然算細鋪，但店員幫我安排坐店內唯一一張大枱，服務好好！ 1.崩沙牛腩粗麵$55＋凍咖啡＄8（9/10）呢個崩沙腩好淋，入面都有7舊崩沙腩，份量算多，而且粗麵好彈牙，再加埋杯凍啡，掂哂！😋😋😋 2.金牌牛腩飯配紫菜湯$53＋凍檸茶＄8（9/10）呢個金牌牛腩飯叫咗肥腩，肥腩有8舊，舊舊夠肥夠淋，仲配埋紫菜湯添，店員話只要叫飯就會配埋紫菜湯，紫菜湯個紫菜無沙，又無落味精，唔錯！👍👍👍 凍檸茶就正正常常，茶同檸檬唔會互相搶，唔係好甜！ 3.炸魚皮$25（9/10）呢個炸魚皮有4大塊，每一塊有成人手掌咁大塊，放落口非常脆，塊塊都食到新鮮炸起嘅味道，唔會咸，無特別加任何味道，係原味嘅炸魚皮！ 2人總共價錢$149 個人口味總評分：9/10 地址：油麻地碧街45號地下C1號舖 #田記魚蛋牛腩專門店 #牛坑腩 #牛腩 #油麻地美食 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
田記魚蛋牛腩專門店
牛坑腩
輪住食·推介香港美食