https://hk.trip.com/moments/tag-298236-%E6%88%91%E7%9A%84%E7%BE%8E%E9%A3%9F%E6%97%A5%E5%B8%B8
精緻本地特色cake shop～
自從中環街市活化之後，多咗好多特色商店進駐，其中呢間Asoi蛋糕店好亮眼，充滿泰式風情嘅店面好易認，一個個造型蛋糕都好得意！我哋其實都想試多幾款口味，就要咗幾款小蛋糕😍
榴槤蛋糕
照足榴槤外觀整成，內裏充滿榴槤蓉餡料，口感濃郁而滑順，唔太甜，充滿榴槤香氣。
椰青蛋糕
整成一個椰青嘅外觀，好得意，個蓋仲可以打開，打開見到椰青凍整成嘅內餡，入口清新，淡淡椰青味，底下係蛋糕，有多重口感！
芒果糯米飯蛋糕
賣相獨特，表面係芒果汁整成嘅芒果，下層係cream打成嘅白色糯米飯蛋糕，口感豐富，入口綿密又稍微帶點似糯米飯嘅黏性
Asok Thai Cake (中環)
📍中環皇后大道中93號中環街市1樓121號舖
是次消費: $300
#foodie #yum #tasty
#中環 #香港美食 #foodie #中環美食 #甜品店 #happybirthday #香港探店 #like #foodiehk #我的美食日常
銅鑼灣人氣拉麵店又有新攪作～
兩個寶寶都好愛食湯底濃郁嘅日式拉麵，呢間餐廳係我哋經常會幫襯嘅，銅鑼灣分店店面唔算大，長期都要排隊，真係超高人氣！
味玉辣麻味噌拉麵🍜
玉米筍味噌拉麵🍜
～辣麻味噌嘅湯底係媽媽我嘅至愛，湯頭呈現濃郁嘅橙紅色，散發誘人辣香，熱騰騰。走辣原味就啱小朋友，豬骨湯頭超濃郁，好似飲豬骨湯咁。
粗嘅麵條彈牙有嚼勁，好上汁！配搭炒至微焦嘅粟米筍，口感脆嫩，越食越上勁。我哋後來仲再單點一份粟米筍🌽添！
最近嘅新攪作就係日式煎餃
外皮微脆，餡料份量唔算多，勝在食落口感柔軟有汁，同拉麵好夾。
鬼金棒 (銅鑼灣)
📍銅鑼灣謝斐道530號地舖
#香港美食 #foodie #銅鑼灣美食 #日式 #dinner #美食 #香港探店 #restaurant #like #foodiehk #我的美食日常
再次回訪🙌🏻今次增添越南風味菜式
傳統風味嘅茶餐廳都食到越南菜～
香茅豬扒撈檬
大大塊豬扒望落已經覺得好吸引，即叫即整，熱辣辣，厚厚嘅肉質彈牙又多汁，香茅撈上酸味濃郁嘅調味汁，賦予獨特風味！
嚟到茶餐廳，點可以唔食港式風味食品🫶🏻
仿鮑絲火腿通粉
鮑魚絲和火腿份量豐富，加上濃郁雞湯，好吸湯嘅通粉最能配搭。
西多士
外皮金黃酥脆，內餡花生醬，麵包質感鬆軟，口感結合了酥脆和鬆軟層次感。
咖哩牛筋腩飯
黃澄澄嘅外觀色澤誘人，炆煮後嘅牛筋腩，肉質軟嫩，搭配特製咖哩醬汁，口味甜甜地，味道濃郁，最宜佐飯！
紅島冰廳 (旺角)
📍旺角彌敦道594-596號地舖
人均消費: $150
#我的美食日常 #香港探店 #旺角美食 #港式茶餐廳
上環九如坊美食～
香港好少有主打食雞肉嘅串燒店，上環新店開咗冇幾耐，已經成日人頭湧湧，下次嚟之前都要book定位😁
串燒方面，款款即叫即燒，入口有微微焦香，好新鮮。
雞翼
炭燒至金黃色嘅外皮酥脆，帶有咸香，很有風味。
雞腿串
肉質鮮嫩有彈性，有黑胡椒和孜然味。
炭燒白鱔
肉質鮮嫩彈牙又多汁，高質！
味噌松板豬
肉質爽滑無筋，散發濃郁味噌香氣，甜甜地。
鹽燒黑毛和牛牛小排、黑毛和牛牛小排
前者牛味重，後者牛脂豐富，肉質鮮嫩多汁，燒得啱啱好。
主食
薯仔沙律
薯仔軟棉，同醬油蛋好夾，凍冰冰，入口好開胃。
濃香雞湯素面、親子丼
兩者都有配搭嘅雞湯係我最欣賞，湯頭甘甜，入口好似老火湯咁濃郁。
甜品: 焦糖蕃薯配雪糕
用上日本蕃薯🍠入口香甜，焦糖脆卜卜，一齊食，另有一番風味，個人覺得係必食🥰
炭火地雞 (中環)
📍中環九如坊6-10號林氏大廈地下C-D號舖
#上環美食 #BBQ #日式串燒 #香港探店 #香港美食 #我的美食日常
#報名郵輪試坐員
打風下的dinner time🩷🩷
預咗開學日會打風，夜晚就同friend兩個撐枱腳，去下街先😁
韓式烤牛肉
Outdark 新品，烤牛肉經過特殊醃製，濃郁嘅韓式醬汁入口甜甜地，肉質鮮嫩有汁，配搭燒過嘅年糕和金菇，烤得微焦，充滿香氣。
香蒜蜜糖炸雞
～食韓國菜點可以唔食炸雞，即叫即整，炸雞外皮金黃酥脆，肉質嫩滑有汁，蜜糖嘅香甜味，為炸雞增添了味道層次，配料嘅炸薯，有薯條、薯塊和薯格，三種不同口感，外脆內軟綿，好驚艷！
Outdark
📍尖沙咀厚福街8號H8 17樓
人均消費: $250
##我的美食日常 #foodiehk
米芝蓮fusion創意料理～
第一次食呢間位於IFC嘅4口，餐廳主打創意料理，時令食材，真係款款都好特別！
蒲燒鰻魚飯套餐
有多款小食和湯品可以選擇，我揀咗臘味雞卷和姫松茸竹笙排骨湯
主食賣相精緻，鰻魚厚身無骨，外皮焦香，肉質鮮嫩多汁，搭配蒲燒醬汁，甜蜜口感一流。特別一提湯品，湯頭清澈，散發出濃郁湯香，唔錯。
冰梅小蕃茄：
每一顆小蕃茄都爆汁，清涼口感和微妙嘅甜酸味道，清爽又開胃。
蒜蓉豆豉焗鰻魚：
而家嘅時令食材，蒜蓉豆豉好惹味，一口咬下去，都能品味到濃郁蒜香和鰻魚鮮美，好夾！
鮮果荔枝蝦球
賣相好像一粒粒荔枝，食落其實就係炸蝦球，蝦球以蝦膠打成，嫩滑彈牙，都幾飽肚😆
4口酸菜魚泗粉
魚肉超嫩多汁，泗粉帶有一定嚼勁，口感柔軟且富有彈性。好吸湯。整體味道酸辣，酸菜嘅酸味和魚肉鮮美完美結合，高質！
4口 (中環)
📍中環金融街8號國際金融中心商場2樓2012號舖
#香港美食 #foodie #中環美食 #中式#dinner #美食 #香港探店 #restaurant #like #foodiehk #我的美食日常
心超人氣cafe，嚟香港必玩
#報名酒店試睡員
🌿
表妹仔嚟香港玩，話聽講香港好多特色Cafe，好想去🥰姨媽我就帶佢哋呢間餐廳，食dinner之餘又開心！餐廳新店地方寬敞，樓底高，燈光光猛，環境好舒適🫶🏻
Dinner Set包咗（飲品、沙律、餐湯）各二
溫泉蛋煙肉野菌卡邦尼扁意粉
用上黃色嘅扁意粉，入口富蛋味，同柔軟嫩滑嘅溫泉蛋好夾，每條麵條都好掛汁，有濃郁嘅奶油味道。
西班牙燒烤醬黑毛豬肋骨
燒烤過嘅豬肋骨，表面微焦，散發出濃郁香氣，肉質鬆軟有汁，除咗BBQ汁味，帶有點焦糖香，甜甜地，口感豐富，好有風味！
🌻URBAN Cafe (兆萬中心) (旺角)
📍旺角西洋菜南街1號兆萬中心14樓
#尖沙咀美食 #特色cafe #貓貓 #dinner #香港美食 #美食 #香港探店 #restaurant #like #foodie #foodiehk #我的美食日常
親子餐廳～最近仲換咗夏日主題風☀️
#報名酒店試睡員
呢間餐廳係靚媽一家人成日都會去嘅🥰慶祝生日、帶朋友聚會都會嚟，鍾意食物質素，而且又係打卡餐廳🙌🏻每個角落都係打卡位！
放暑假lu🌞，經過門口都見到店內裝飾換咗夏日主題風！決定dinner就喺度啦，仲有為小朋友而設嘅Candy Bar，兩個寶寶見到超開心🥳
👧🏻👧🏻小朋友最愛兒童餐～肉醬意粉、炸魚薯條
兩款份量都唔少，肉醬醬汁濃郁，啲意粉好上汁。炸魚外皮金黃酥脆，中間魚肉口感柔軟，沾上他他醬，酸酸地，好開胃，小朋友愛吃！
三文魚凱薩沙律
我每次嚟到一定order沙律🥗呢度用上有機菜，入口爽脆好Fresh，同煙三文魚好夾🫶🏻
卡邦尼意粉
賣相精緻，奶味和忌廉味平衡得啱啱好，口感順滑，唔錯！
燒法國黃油全雞
鐵板上，微焦嘅烤雞上到枱依然熱辣辣，外皮金黃色，入口酥脆，內裡有汁，底下鋪咗長柄西蘭花🥦，略為覺得淋咗少少，好在都幾入味嘅。
西班牙豬鞍架
旁邊嘅醬汁類似蘋果蓉，甜酸口味好特別，幾清新！好有外國風味！
大人小朋友都咁開心👨👩👧👧
Chill and Grill (西環)
地址: 堅尼地城加多近街57號地鋪
#親子餐廳 #親子好去處 #打卡 #優惠活動 #香港美食 #foodie #西環美食 #Cafe #西式 #dinner #香港美食 #美食 #香港探店 #restaurant #like #foodiehk #我的美食日常
環境似八十年代茶樓，充滿香港情懷～
朋友聚會帶我嚟呢間私房菜，餐廳位於樓上舖，環境似八十年代茶樓，充滿香港情懷～
首先上桌嘅是一鍋熱氣騰騰嘅時令老火湯😍大大件粉葛和豬骨，湯汁濃郁而不膩，入口甘甜，連湯渣都令人驚艷，滿滿嘅豬什，又淰又入味，真心正！
另外我哋都order咗時令海鮮～豉油王大蝦
大蝦肉質爽彈，汁料完美地融合在蝦身，連蝦殼脆卜卜，好有鑊氣！
酥炸鯪魚球配蜆芥
份量豐富，每粒都炸到金黃酥脆，咬落去仲有啲咇汁添！蜆芥味道清爽，有酒香。
乾扁肉碎四季豆
爆炒過嘅四季豆好入味，質感鮮嫩，口味濃郁，整道菜式富層次感。
八珍豆腐鍋
豆腐為主料，湯汁濃稠，豆腐吸收了湯汁精華，口感鮮嫩細膩，十分入味，入口甜甜地，送飯一流！
特別一提，呢度服務真係好好，店員親切有禮貌，會主動換碟，會主動送上甜品，殷勤度滿分🫶🏻
輝哥私房菜 (佐敦)
佐敦長樂街18號18廣場2樓
#佐敦美食 #私房菜 #中式 #dinner #香港美食 #美食 #香港探店 #restaurant #like #foodie #foodiehk #我的美食日常
銅鑼灣區～特色地道新加坡菜
一段時間無嚟，發現又有新菜式～
參峇蟹肉 炸饅頭
蟹肉加上參峇醬，好特別！味道鮮美，同炸饅頭好夾，沾上醬汁，外酥內軟，有鹹香。
海南雞飯拼喇沙米線
兩者都係新加坡經典菜品，黃澄澄嘅雞肉都幾嫩滑，無雪味。有三款醬汁，甜豉油、辣醬、薑蓉都有。喇沙湯由椰漿、香料和辣椒製成，湯汁超濃郁，配上粗條米線，好惹味！呢份餐份量豐富，都夠兩個人食。
參峇醬燒豬頸肉
燒過嘅豬頸肉反而減少咗油膩，沾上辣辣地嘅參峇醬，入口爽滑，唔錯！
另外，我哋order咗甜品
恐龍蛋
兩球波波係奶茶雪糕和椰子雪糕，個人覺得椰子雪糕更加香濃，奶茶雪糕則偏甜奶味不多。
花漾 (銅鑼灣)
銅鑼灣勿地臣街1號時代廣場6樓625-626號舖
#我的美食日常 #foodiehk #夏日搵食推介 #香港美食 #香港探店
聽住悠揚嘅音樂，恍如置身日本居酒屋場景🥰
🌿
香草蒜蓉包
大大件蒜蓉包，外皮金黃酥脆，香草和蒜蓉份量足夠，一口下去，內裡口感柔軟綿密
孜然燒蒜蓉茄子
茄子口感柔軟，孜然和蒜蓉香氣和味道完美融合，而且唔會太油，如果想食辣嘅，可以order川味茄子🍆
牛油蒜蓉焗雜菇
牛油蒜蓉味道濃郁，菇類份量多，口感豐富。
鹽燒翠玉瓜
口感嫩滑，微鹹，很清新。
焦糖青蘋果鵝肝多士
份量好滿足，蘋果酸甜和鵝肝嘅濃郁味完美融合，焦糖甜味增加了層次感，必食！
燒手釣墨魚鬚
表面微焦，色澤金黃，墨魚鬚經過燒烤後，口感酥脆，內裡彈牙而帶鮮香味。
鹽燒和牛牛小排、鹽燒A4宫崎和牛
兩者雪花均勻、無筋，牛小排口感肉質爽滑，和牛則比較鮮嫩，入口即化，燒得恰到好處，夠哂油脂，好滿足。
食完串燒之後，我哋order嘅炒飯就嚟到
鰻魚炒飯
口感鬆軟，鰻魚肉份量都多，唔錯！
記得一定要order新鮮椰青
口感清爽，甜味適中，同串燒好夾，嚟食串燒，又唔飲酒嘅，就啱晒！
人均消費: $400
燒烤堂 (中環)
📍中環安慶臺1號安慶大廈地下A號舖
#中環美食 #串燒 #日式 #dinner #香港美食 #美食 #香港探店 #restaurant #like #foodie #foodiehk #我的美食日常
台式鴨血麻辣鍋 白玉酸菜鍋，一次過滿足兩個願望
以前去台灣必食嘅鼎王麻辣鍋空降香港，終於有時間去朝聖。打電話來預約book枱，餐廳俾卡位我哋，地方寬敞，好好坐，而且樓底夠高，唔會侷促和大味。近日天氣好熱，另一半覺得口淡淡，我又想食麻辣，所以我哋點咗鴛鴦鍋，呢度嘅鍋底係以位計算，我哋可以再Refill酸菜、鴨血、豆腐，真心正！
我哋點咗份滷牛筋，經過滷製，入口有著豐富膠原感，後，肉質軟綿，甜甜地，好有風味！
火鍋料都上得幾快，等候時間短，
手切牛頸脊
肉質富口感，雪花豐富，打邊爐都食到油脂香。
日本帝王蟹棒
賣相美觀，大大條蟹棒，都食到鮮味。
日本廣島蠔
一隻隻好肥美，肉質飽滿，口感豐富，有著淡淡海水味，值得海鮮愛好者品嚐。
鼎王麻辣鍋 (金巴利道) (尖沙咀)
📍尖沙咀金巴利道26號地下5號舖
#尖沙咀美食 #火鍋 #hotpot #dinner #香港美食 #美食 #香港探店 #restaurant #like #foodie #foodiehk #我的美食日常
Holiday mood～
接寶寶放學，去學校附近嘅特色cafe 食lunch，餐廳裝潢採用簡約風格，周圍佈置好多綠色植物，環境舒適。
芝士肉醬意粉
意粉麵條煮得剛剛好，口感QQ，肉醬和芝士比例，溶化嘅芝士份量超多，啖啖都拉絲，充滿香氣，小朋友勁愛！
All Day Breakfast
材料有烤腸、炒菇、黑松露炒蛋、烤蕃茄、沙律菜和牛角包，款款豐富新鮮，尤其烤蕃茄令人驚艷，店家加咗少少糖去烤，平衡咗蕃茄本身嘅酸味，入口甘甜又juicy！
甜點:棉花糖牛角包窩夫配雪糕
小朋友見到已經心花怒放，牛角包窩夫做得鬆軟香脆，配搭融融地嘅雪糕，更是絕配。
Paintable Cafe (上環)
📍上環差館上街16號地舖
#上環美食 #cafe #輕食 #lunch #香港美食 #美食 #香港探店 #restaurant #like #foodie #foodiehk #我的美食日常
2小時大滿足🤩
#報名酒店試睡員
一般打邊爐，其實得幾款湯底可以選擇，呢度做火鍋放題，依然着重湯底，今次我就選擇咗季節限定～冬瓜養生雞鍋，湯底勁足料，湯頭甘甜清潤，好適合近期嘅天氣！
我哋選擇咗中間價位嘅set，已經可以食到美國極黑和牛、安格斯牛板腱、西班牙豬五花、象拔蚌片，兩款牛各有千秋，安格斯牛板腱比較厚身，口感豐富，有肉汁。美國極黑和牛就比較薄身，肉質嫩滑，油花豐富，肉質極佳，咀嚼起來柔軟。
自助區擺放整齊，沙律和日式冷盤都有十幾款，寶寶特別喜愛甜甜地嘅芝麻八爪魚，入口依然凍冰冰，refill咗好多轉。仲有好多特色丸子添！
牛站（駅）麻辣火鍋放題 (尖沙咀)
📍尖沙咀加連威老道2-6號愛賓商業大廈1樓102號舖
#尖沙咀美食 #放題 #台式火鍋 #香港美食 #美食 #香港探店 #restaurant #like #foodie #foodiehk #我的美食日常
蟶子皇、龍𧄌、海蝦、蟹、蠔、白鱔任點任食
我講緊嘅係呢間人氣店阿爺八鮮鍋，表姐嚟香港出trip ，好耐冇見喇😍三個女仔聚會，食好野！
先上一煲雞煲，我哋揀咗麻辣，雞肉質韌而不柴，湯汁濃郁，口感豐富，少辣少麻口味，好惹味！食完雞煲，才上火鍋，所以我哋都忍唔住夾多幾件先😄
另外每位都會送上龍蝦拼盤，龍蝦都好多件，肉質紮實，好鮮甜。
任食火鍋料，每次可以order八款，我哋每款都係order半份，時間可以任食兩個半鐘，夠晒充裕，慢慢傾偈慢慢嘆🫶🏻
我哋都order咗好多輪😁蟶子皇、龍𧄌頭腩、海蟹、海蝦、象拔蚌片、大蜆、白鱔、大魚頭、魚鰾、手切安格斯牛、山根、紫菜響鈴…等等，多到數唔晒。
款款都勁新鮮，特別一提幾款，蟶子皇口感鮮美，味道香甜，有口感。龍𧄌頭腩平時買都幾貴㗎，肉質爽彈，味道鮮美，有著淡淡甜味。海蟹肉質豐滿，有蟹膏，帶有淡淡海水味。海蝦好大隻，目測每隻都有超過10 cm，肉質爽口，入口鮮甜，好值得不斷encore🙌🏻
食到尾聲，我哋order咗紫菜響鈴，滾幾秒就食得，好吸湯！
阿爺八鮮鍋 (旺角)
📍旺角登打士街43H號登打士廣場3樓
#旺角美食 #港式 #火鍋 #hotpot #海鮮 #香港美食 #美食 #香港探店 #restaurant #like #foodie #foodiehk #我的美食日常 #阿爺八鮮鍋
#報名酒店試睡員
旺角新店地方好寬敞呀～
而家就嚟放暑假了，每天充斥着放假嘅心情！
兩姊妹好鍾意溫柔嘅貓貓，帶佢哋嚟好出名嘅Urban cafe，食個dinner，睇住猫猫行嚟行去，又可以隨意摸佢哋，真係好療癒🥰
三重芝士肉醬闊條麵
麵食賣相精美，扁身嘅闊條麵好上汁，搭配上豐富肉醬和三色芝士，啖啖都拉絲，芝士濃郁味道令人愛不釋手。
菲力牛柳配黑松露燒汁
牛柳外層烤得略帶焦點，肉質細嫩多汁，黑松露燒汁嘅菇味不算強烈，勝在都幾滑溜，每一口能感受牛味和燒汁濃郁味道，唔錯！
URBAN Cafe (兆萬中心) (旺角)
旺角西洋菜南街1號兆萬中心14樓
#旺角美食 #西式 #親子餐廳 #香港美食 #美食 #香港探店 #cafe #like #foodie #foodiehk #我的美食日常
來自日本的味道～
住呢頭附近真係好幸福，食店非常多，讀書咁辛苦，梗係要慰勞下佢哋🙌🏻餐廳採日式懷舊風裝修，好iGable！
✨薯仔沙律
上面有一隻溏心蛋，拮落去，蛋漿爆流出來，見到都覺得非常療癒🥰混合底下嘅蟹子一齊食，入口凍冰冰，充滿綿滑口感，個人係必食嘅🫶🏻
✨海老卷
外皮包住嘅豚肉金黃酥脆，裡面海老彈牙，很鮮美可口。
✨雞翅串
很受小朋友歡迎，外皮色澤焦黃，入口鬆脆嫩滑，有鹹香。
✨燒白鱔
同平時嘅鰻魚有啲唔同，吃起來非常爽口，肉質鮮嫩多汁，搭配上清新青檸汁，味道更加清新可口。
✨親子丼
食晒串燒，我們就來一客丼飯。上面鋪滿雞肉和滑蛋，雞肉質鮮嫩多汁，和飯粒完美融合，口感非常豐富，日式醬油風味，甜甜地，好啱食👍🏻
以✨燒甘薯配雪糕做甜點
～即叫即燒，等咗大約15分鐘就有得食，大大條日本番薯非常特別，甘薯表面一層焦糖燒得香脆，中間軟糯，搭配上雪糕，一冷一熱，甜度適中，讓人回味無窮。
炭火地雞 (中環)
📍中環九如坊6-10號林氏大廈地下C-D號舖
#中環美食 #日式 #串燒 #香港美食 #美食 #香港探店 #聚會 #like #foodie #foodiehk #我的美食日常
被譽為香港最多嘢食嘅放題~
呢間殿，係我食咗大喜屋系列最多嘢食嘅。尖沙咀店寬敞，樓底好高，環境都幾好！
自助區種類都幾多，小朋友最鍾意嘅雪糕機夾餅，大人食嘅雪場蟹卷、海膽手卷，熟食區都有十幾款食物，沙律吧、甜品吧、大大個飲品櫃和雪糕櫃，多到睇唔晒！
其他食物掃QRcode下單
刺身:
最鍾意大吞拿魚腩和帶子刺身和三文魚，呢幾款切得厚身，入口肥嫩，encore咗好多次😄而且食物上得夠快，幾乎無等候時間！
熱食方面，我哋鍾情串燒，今個月Menu新增咗鹽燒大頭蝦，即叫即燒，夠哂熱辣辣，微焦嘅蝦殼燒到香噴噴，入口鹹鹹地，肉質爽彈，回本之作😄
另外放題都有燒乳鴿，呢一點好欣賞，入口皮脆肉嫩，好入味，唔使額外再加調味。
🏠殿 大喜屋 (尖沙咀)
📍尖沙咀金巴利道26號1樓
#尖沙咀美食 #日式 #放題 #香港美食 #美食 #香港探店 #buffet #like #foodie #foodiehk #我的美食日常
烤魚、火鍋、串燒 滿足晒全部願望
上星期Happy Weekend ，兩小有活動，靚媽同另一半難得悠閑，出嚟撐下枱腳。
✨蒜香金湯烤魚
呢度嘅烤魚有辣有唔辣，今日我哋食唔辣嘅蒜香，金湯有啲似上湯嘅味道，金黃色嘅湯底入口濃郁回甘，散發出淡淡蒜香味，燒過嘅魚肉特別鮮嫩，放呢個湯底已經好夠味，不需要過多調味。
配料方面，我哋另外order萵筍、鴨血、和牛三角腩、炸午餐肉
特別一提和牛三角腩，入口口感非常鮮嫩，油脂豐富多汁，香氣四溢。
仲有吸湯神器響鈴都係必食！
串燒類:
鹽燒厚切牛舌、汁燒美國牛肉串、香燒豬頸肉、麻辣豬大腸、蜜糖燒菠蘿、燒原條茄子 、鹽燒白鱔
款款即叫即燒，好新鮮，另一半零舍愛好麻辣豬大腸，川菜風味，肉質鮮嫩，口感豐富，配上特製麻辣醬汁，味道醇厚辣味十足！鹽燒白鱔都好正，肉質彈牙，表皮酥脆，有濃郁鹹香味，口感鮮美。
如果鍾意食蒜蓉嘅，一定唔可以放過蒜蓉燒原條茄子，唔會太油，而且燒得夠，口感綿密，附上大量蒜蓉，夠晒惹味。
我要烤魚 (銅鑼灣)
📍銅鑼灣耀華街3號百樂中心8樓
#銅鑼灣美食 #火鍋 #烤魚 #香港美食 #美食 #香港探店 #中式 #like #foodie #foodiehk #我的美食日常
融合酒吧和古代風餐廳～
生活繁忙嘅節奏持續一段時間了，終於有得嘆下😄呢間融合酒吧和古代風嘅時候餐廳，環境獨具特色，門口紅噹噹好易認，內裏燈光柔和，充滿著神秘感和古典氛圍！
推薦餐廳嘅皇牌花膠雞鍋，黃澄澄嘅湯底，入口非常濃郁甘甜，半熟雞肉滾2,3分鐘就食得，花膠juicy充滿膠原，忍唔住飲多兩碗，先開始打邊爐😊
火鍋料方面，我哋order咗
唔少得嘅牛肉～手切本地牛頸脊、自家製韭菜餃、黑松露蟹肉餃、皇帝菜、薯粉、鱔片、自家製雲吞
特別一題手切牛頸脊，一片片有點厚度，質地爽口而不韌，有牛味，口感極佳😍
丸餃類方面，十分推薦韭菜餃，韮菜沒青草味，皮薄餡多，仲好吸湯。
小食嘅椒鹽魷魚鬚即叫即整，口感酥脆，上到枱仲夠哂熱👍🏻
怡紅院火鍋料理 (中環)
📍中環雲咸街43-55號余悅禮大廈地下B-C號舖及1樓102-4號舖
#中環美食 #火鍋 #香港美食 #美食 #香港探店 #中式 #酒吧 #like #foodie #foodiehk #我的美食日常
一年一度嘅端午節嚟到喇🌿
上個星期同Toby姐姐，去咗中環福和雍嘆tea，見到佢哋都出咗，今年新整嘅端午糭，100% 香港自家製造，就外賣兩款同屋企人分享！
又係食糭嘅時候😍
陳皮豆沙紅豆糉 $138
～聽到陳皮紅豆沙，就好有食緊甜品嘅感覺，鬆軟嘅紅豆沙餡，同陳皮好夾，整體入口甘香軟糯，帶清甜 。
瑤柱裹蒸糭 $288
～超有份量嘅裹蒸糭，見到個size已經霸氣十足，內餡有日本原粒一品瑤柱、頂級厚肉花菇、燒鴨肉、蓮子、栗子，再以肥瘦適中的腩肉及鹹蛋黃，材料上乘，夠哂豐盛 ，入口惹味！
放冰格攞出嚟，翻熱約25 分鐘就食得，同屋企人分享，更添心意🙌🏻
優惠情報
🙌🏻即日起到店內選購端午禮品套装＄388（附送精品美保溫袋乙個，陳皮豆沙紅豆糉及瑤柱衷蒸糭各一），可享有早鳥優
惠•購買任何同款5件以上可享88 折同款 10件可享 85折！
現已上線，堂食及外帶均有售。另有糉券可於端午節前換領 ，送禮白用皆可！
福和雍 (中環)
📍中環皇后大道中30號娛樂行2樓C及D號舖
#中環美食 #lunch #中環 #teatime #香港美食 #美食 #香港探店 #飲茶 #港式 #like #foodie #foodiehk #我的美食日常
高貴優雅地嘆茶～
今個星期日，帶Toby姐姐去中環聖保羅堂唱詩歌，Tea time嚟到娛樂行呢邊，搵到出名嘆茶嘅～福和雍。餐廳燈光光猛，樓底高，雲石枱、木椅嘅配搭，非常優雅，好有文化氣息！
我哋揀咗set menu 中嘅SET A
供應時間喺每日下午三時至六時。當中會包一壺茶，店員好細心過嚟同我哋介紹，推薦三花茶，無咖啡因，好啱小朋友飲。我就揀咗白亳銀針。兩款茶色都十分清澈，花茶好香，合適嘅水溫沖茶，飲落零舍甘甜🫶🏻
食物包括有:
是日主廚精選，今日係蝦多士
蒸點:北菇燒賣、蝦餃、潮州粉菓
炸物:韮菜炸蟹盒、蘿蔔絲酥餅
、焗芝士蟹肉批
包點:雞包仔/雜菌蘑菇包
甜點：薩琪瑪、鳳凰單欉桂花糕、芝麻糕
呢啲都係傳統嘅粵式點心，款款都好夠熱，即叫即整🫶🏻
特別一提蝦餃，外皮勁薄而有彈性，內餡鮮美爽滑，高質！
好少見中式餐館有得食韭菜盒子，外皮酥脆，內餡中加入了韮菜，香氣和口感集於一身。
至於令我最驚喜就係蘿蔔絲酥餅，真係不得了，必食😍上到枱仲出晒煙，外皮酥脆蓬鬆，內裏蘿蔔絲非常Juicy！
🌿就嚟端午節了，臨走order埋兩款糭帶返屋企，下次再同大家分享🫶🏻
福和雍 (中環)
📍中環皇后大道中30號娛樂行2樓C及D號舖
#中環美食 #lunch #中環 #teatime #香港美食 #美食 #香港探店 #飲茶 #港式 #like #foodie #foodiehk #我的美食日常
中環台灣菜～價格貼地
🌿
呢間台式餐廳食物水準都幾好，成為咗我哋近期嘅飯堂，主食、甜品、小食類都有，近近地，放學去食下野都唔錯！
魯肉飯、滷水雞翼
兩款嘅滷水汁有啲相似，入口甘甜。魯肉飯賣相簡單卻十分誘人，米飯上鋪滿了滷肉，肉質柔軟多汁，散發出濃郁肉香，鹹甜適中。滷水雞翼相對冇咁濃味，比較鮮嫩。
鹽酥雞
外皮金黃，略略覺得皮有啲厚，勝在都keep到酥脆。
台式香腸
台灣嘅傳統小吃，質地細嫩多汁，好有肉香，口味甜蜜蜜。
芋圓仙草凍
仙草清新，不得一讚，店家真心大方，超多芋圓，而且入口Q彈有嚼勁，夏天來一碗，十分舒爽！
人均消費: $150
一起食堂 (域多利皇后街) (中環)
📍中環域多利皇后街2號地舖
#中環美食 #香港美食 #美食 #香港探店 #台式 #like #foodie #foodiehk #我的美食日常
香港特色～懷舊大排檔風格
今時今日嘅大排檔，已經唔係以前喺街邊😂，同事帶我嚟呢間樓上大排檔，可以食到香港特色菜式，而且衛生環境仲做得好好👍🏻乾淨企理！裝修富有懷舊大排檔風格，呢度嘅菜品都好香港特色，由喜記炒蟹前總廚主理，
✨金沙脆魚皮✨金沙涼瓜條
兩者色澤金黃，外表酥脆。
魚皮嚼勁十足，苦瓜條清爽，冇咩苦味，好特別！
✨招牌脆皮乳鴿
乳鴿即叫即炸，外皮酥脆，皮薄肉嫩，好入味，食落鹹鹹地，有少少美極嘅味道！
✨樓上小炒皇
小炒皇最緊要有鑊氣，呢度做得好好，整道菜唔會有多餘嘅水份，材料有韭菜、魷魚、蝦乾、腰果等，賣相色彩繽紛，鹹香十足，香氣四溢，味道豐富多樣，佐酒一流。
✨黑蒜蝦仁炒飯
炒飯炒得十分鬆散，米飯粒粒分明，夠乾身，黑蒜蝦仁香氣和味道完美地融合在一起，黑蒜帶有微微醋酸味，蝦仁爽口，富口感！
樓上大排檔 (灣仔)
📍灣仔杜老誌道6號群策大廈7樓
#灣仔美食 #dinner #香港美食 #美食 #香港探店 #like #foodie #我的美食日常 #hkfoodie #港式
地道中式酒樓～
呢間酒樓一到晚飯時間就人山人海，七點半後真係長期等位。今次我哋六點鐘就到達，終於唔洗等，正🫶🏻
嚟呢度梗係一定要食招牌菜✨糯米炒膏蟹😁
用煲上，大大隻膏蟹好新鮮，蟹膏份量非常多，每啖糯米飯都食到，口感軟糯，有飯焦，帶有料酒香，表面灑點蔥花，更添口感！
蜜汁脆燒鱔
整道菜色澤十分漂亮，金黃色嘅鱔肉外皮口感酥脆，表面好似裹著一層脆脆糖衣咁，鱔肉爽滑，整體入口香甜。
黑松露玻璃燒鵝
好新穎嘅菜式，估唔到黑松露同燒鵝可以咁夾！黑色嘅燒鵝皮酥脆，充滿黑松露香氣，肉質鮮嫩，非常美味，令人驚艷。
另一半好鍾意食香口野，見到Menu上✨炸墨魚裙邊，覺得好特別，就order嚟試下，鍾意口感嘅人士一定喜歡，金黃色表面，裹著一層細膩嘅麵粉，吃起來脆卜卜，內部保持著墨魚嘅嚼勁和鮮美，好特別！
神燈海鮮酒家 (佐敦)
📍佐敦長樂街14-20號18廣場地下及1樓
#我的美食日常 #foodiehk #本地遊 #香港美食 #香港探店
高質火鍋 必食時令食材～
近期天氣似暖還寒，另一半嘅公司附近開咗呢間火鍋店，趁小朋友返晒學，兩口子撐下枱腳。
原本想試下九宮格火鍋，另一個半覺得lunch食，太刺激😄就選擇咗鴛鴦鍋，淸潤嘅皮蛋芫荽湯底加上麻辣湯底，滿足晒我哋兩個嘅要求🙌🏻
好欣賞店家將每份食材都有指示煮食時間，有埋計時器，咁就唔使驚煮得太耐或者唔熟！
而家時令鮮春筍做緊promotion，$48就有一份，外面唔係咁多地方食到，插住一支支，賣相吸引，滾3分鐘就食得，口感清脆爽口，質地好嫩，口道很清甜。
我哋仲order咗桂花蚌、鮮魚鰾、串鮮蝦、手打四寶丸、美國桶蠔、萵筍條、韭菜豬肉水餃、嫩牛肉、長城小白豬午餐肉、鮮鵝腸。
嫩牛肉同麻辣湯底非常夾，入口，入口Juicy滑嫩，帶香濃花椒味，愛辣人士必食！
呢間新店新開張，裝修新淨，樓底夠高，lunch hour 仲免湯底費添，座位之間夠晒闊落，撐枱腳傾偈一流🫶🏻
方叔叔重慶老火鍋 (The L. Place) (中環)
📍中環皇后大道中139號The L. Place 14樓
#中環美食 #lunch #香港美食 #美食 #香港探店 #like #foodie #foodiehk #我的美食日常
香港地少見~墨西哥菜餐廳
朋友帶路，嚟到呢間Mobin，內裏裝修風格色彩鮮艷，好多打卡位，充滿地道風情✨好適合鍾意影相嘅朋友🙌🏻
小食: 牛油果醬煙鮭魚他他配脆餅杯
～青BB嘅牛油果醬口感細膩，煙薰鮭魚肉質鮮嫩，兩者配合，味道濃郁。脆餅杯本身無咩味道，做得非常酥脆，非常適合搭配呢個醬，完美平衡整道菜👍🏻
芝士牛肉漢堡
～外層麵包外脆內軟，芝士和半熟蛋融化在漢堡嘅肉汁中，味道非常濃郁，口感嫩滑，而且大大件，感覺非常滿足，一點也不平凡！
紐約芝士蛋糕
～蛋糕口感細腻，配上自家製龍舌蘭焦糖醬，口味更加濃郁，更添層次感，唔錯！
Mobin (旺角)
旺角洗衣街37號1樓
#旺角美食 #lunch #香港美食 #美食 #香港探店 #like #foodie #foodiehk #我的美食日常 #hkfoodie
享受豐盛嘅用餐 同時 感受浪漫嘅氛圍🌹
上個月係我哋相識19週年紀念🥰想享受豐盛嘅用餐同時感受浪漫嘅氛圍🌹呢間Mr.steak Buffet 就係我哋嘅好去處！
呢間銅鑼灣分店又大又靚，一段時間冇嚟，好似格局都有啲唔同咗，見到款式又有少許更改，海鮮區嘅開邊凍龍蝦，入口爽彈，冇雪味。仲有去哂殼嘅龍蝦鉗，啖啖肉，好快就俾人攞晒，好彩都keep住refill🙌🏻
除咗主打生蠔、日本和牛、長腳蟹、龍蝦、麵包蟹，刺身方面，北海道帶子、三文魚、希靈魚、八爪魚、吞拿魚，仲有驚喜，見到紅蝦刺身，雖然每次排隊只可以攞一隻，Size 夠哂大大隻，入口Juicy，口感鮮美，食一隻都好滿足！
講番主打嘅生蠔，有兩個師傅一齊開，每人每次可以攞四隻，等候時間唔會太長，今晚係法國生蠔，另一半大讚質量高，隻隻飽滿，入口好creamy，我哋攞咗好多轉🥰
之前三月Special，晚市7:30pm時段有飛騨和牛鐵板燒同飛驒和牛火灸壽司，加上壽喜燒、豉汁蒸鱔、避風塘炒蟹，完全係回本之作😄😁
永遠都冇失望嘅心機之作，廚師會將大家嘅message用果醬寫喺碟上，傳遞愛意、慶祝生日、週年紀念🥰放埋即整朱古力心太軟，甜甜蜜蜜，更添心意！生日嘅，做緊四人同行，壽星者免費，性價比極高！🌹
Mr. Steak Buffet à la minute (銅鑼灣)
銅鑼灣告士打道280號世貿中心6樓
#銅鑼灣美食 #dinner #香港美食 #美食 #香港探店 #like #foodie #foodiehk #我的美食日常 #hk
特色玩味餐廳❤️❤️
餐廳裝修特別，周圍都掛滿壁畫，打開Menu，連食物嘅名稱都充滿玩味💐
✨普通到冇得再普通嘅炸魷魚圈
魷魚圈彈牙，炸得酥脆，非常適合作為開胃小食，配上芥末醬，味道鮮美。
✨古法烤黑毛豬
有沙律菜、冷烏冬的配搭，很解膩。剛上枱嘅時候，以為黑毛豬扒旁邊係燶咗😂，原來係醬汁，食起嚟一啲燶味都冇，豬肉肉質非常柔嫩，有汁，口感豐富，味道甜甜地，推介👍🏻
✨唔好抱咁大期望蒲燒鰻魚蛋包飯
鰻魚唔算大條，勝在烤得唔錯，外皮有點脆脆地，灑上大量柴魚碎，配上厚厚嘅滑蛋，味道濃郁🙌🏻
✨燒雞翼 我鍾意食雞翼
我選了蜜糖芥末口味，外皮炸得金黃酥脆，咬下去皮脆肉嫩，肉質鮮嫩多汁，配上蜜糖芥末醬，口感更加豐富，酸甜味道搭配得恰到好處，讓人食指大動。
總括食物份量都比較多，CP值高🙌🏻🙌🏻
GoodDay BadDay MamaDay (尖沙咀)
📍尖沙咀加連威老道27-27A號嘉榮大廈地下及1樓
#尖沙咀美食 #dinner #香港美食 #美食 #香港探店 #foodie #foodiehk #我的美食日常
心之食堂～
次次上完興趣班都超肚餓，乜真係咁用神咩😂今次嚟到銅鑼灣心之食堂。
日本餐廳最啱佢哋口味，沙律、丼飯、日式料理都有。
✨原條鰻魚石鍋飯
大大條鰻魚好吸睛😍，石鍋超級熱，上枱仲出晒煙，鍾意食飯焦嘅，建議擺多2分鐘，真係多材料少飯，鰻魚厚肉，入口甜甜地，用料上乘，值得一讚👍🏻
✨心之魚生飯
將三文魚、吞拿魚、青瓜等材料，堆砌成心形，好有心思，飯旁邊有岩鹽，沾少少，同魚生一齊食已經好夠味，整體口感豐富。
✨日式蟹籽沙律
即叫即整，店家超大方🙌🏻蟹子份量極多，沙律菜新鮮，每一啖都能沾上蟹子，口感滿分！
✨蒜片炒牛柳粒
牛肉滑溜無咩筋，妹妹都食到，估唔到蒜片都毫不遜色，蒜片炸得香口，吸收晒肉汁嘅味道，味道香濃🙌🏻
今餐我哋order咗✨燒菠蘿🍍當甜點😄，切開已經見好多汁，咬落香甜👍🏻兩位小主好滿意！
心之食堂 (銅鑼灣)
📍銅鑼灣耀華街3號百樂中心12樓1203室
#銅鑼灣美食 #dinner #香港美食 #美食 #日本菜 #香港探店 #like #foodie #foodiehk #我的美食日常