https://hk.trip.com/moments/tag-72766-hkfoods
台灣人氣WA！COOKIES登陸香港！
輪住食推介台灣人氣曲奇WA！COOKIES
呢個人氣曲奇係台灣創辦人兼知名美食Youtuber古娃娃創立，無論曲奇定古娃娃喺台灣相當紅，他們相信美味可以創造更多可能，為打造全港最酥鬆曲奇，他們經歷近一年香港工廠研發、調整、配送測試，希望將最酥鬆入口即化的口感讓香港的朋友都能收到和台灣一樣的風味、且完整的商品。
WA！COOKIES HK暫時有五款口味，包括有：小山園重綠茶、香濃朱古力、深焙咖啡、 原味_焦糖牛油同伯爵茶拿鐵，共五款口味！❤❤❤
今日我喺旺角朗豪坊POP UP STORE試咗兩種口味，分別係NO.1嘅香濃朱古力同深焙咖啡，香濃朱古力唔會好苦甘又能帶香濃朱古力味道，不過試埋深培咖啡味就覺得咖啡味非常香濃，未放入口內就已經聞到陣陣香濃咖啡香，最後就買咗一盒深焙咖啡味同屋企人分享，仲有11日就到中秋節，未諗到買咩野送比親朋戚友，不妨送呢個WA！COOKIES比佢哋啦，一盒大約有30塊曲奇，呢個中秋送比佢一定酥化到入心！👍👍👍
POP UP STORE會提供口味試食，試啱口味先再買就最好啦，某種口味有時仲會做即日限時優惠添，仲有仲有兩款網上未有得訂購嘅CROWNIE古朗尼揀添，經開嘅朋友真係唔好錯過啦！😍😍😍
1.深焙咖啡曲奇（原價$225）限時優惠85折，拆後價$191.25（10/10）
呢個深焙咖啡味真係香到不得了，未放落口已經聞到好香濃嘅咖啡味，而且每一塊都好酥鬆，真係入口即化，同台灣口味一模一樣，會食到停唔到口，食完一塊又一塊，好快就會食哂，哈哈哈哈哈！😋😋😋😅
個人口味總評分：10/10
@wacookieshkofficial @wacookiesofficial
POP UP STORE地址：
旺角朗豪坊4樓
屯門市廣場UG層
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#wacookieshk #wacookies #旺角好去處 #朗豪坊 #wa曲奇 #古娃娃 #中秋送禮 #曲奇餅 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名郵輪試坐員 #報名酒店試睡員
九展開騷前醫肚之選！
新潮樓
相信大家去九展大多數都係睇演唱會多，而九展入面嘅餐廳選擇其實唔多，開騷前除咗同紙板偶像合照之外，醫定肚一定係指定動作，因為睇演唱會除咗用眼睇仲要用口尖叫，全身旭動，舉下燈牌或揮動螢光棒，體力透支一定勁多，所以開騷前約埋一班歌迷一齊食野就最啱啦！
今日我介紹呢間「新潮樓」喺九展3樓，係一間有質素嘅潮州酒家，入面好大好寬落，輪椅人士入去食都無問題，枱與枱之間唔擠迫，點心又好味，值得推介比大家！
1.午市二人套餐D $158（9/10）
呢個套餐入面有點心拼盤、魚香茄子煲同星洲炒米，點心拼盤有2舊蟹籽燒賣、2舊魚翅餃同2舊雜菌上素餃。
魚香茄子煲好香，茄子份量多，加咗肉碎同少少辣椒，食落去係微辣。
星洲炒米份量都好多， 入面有芽菜、洋蔥，蔥、紅椒、青椒、蝦仁同叉燒， 叉燒唔韌，蝦仁好爽口， 叉燒同蝦仁份量算多，叉燒仲係切幼條狀，呢碟星洲炒米無出面咁油，好好味，勁抵食！
2.水晶蝦餃皇$48（10/10）
呢籠蝦餃有4舊蝦餃，蝦餃皮薄蝦爽口，入面d蝦係超級多，一咬入面d爽口蝦係滿瀉，勁正好味！
3.蒜香蝦春卷$38（10/10）
呢個春卷入面除咗充滿蒜香味，仲有入面d係切碎咗嘅蝦，唔係切到變蝦膠，係有咬口嘅蝦粒，一樣好爽口，其他酒樓嘅春卷餡大多數一半係空心，呢度就放滿哂切碎咗嘅蝦粒，好香好脆好好味！
4.豉汁蒸鳳爪$38（8/10）
味道同其他酒樓差唔多，但份量算多，大約6-8舊鳳爪！
5.山竹牛肉球$38（10/10）
呢個山竹牛肉球同其他酒樓好唔同，其他酒樓個牛肉球好膠，而呢度牛肉球食得出佔牛肉比例相對多，牛肉球彈牙，入面仲有馬蹄、蔥同芫茜，出面酒樓相對好少加入馬蹄，加咗馬蹄令到牛肉球有咬口，「索索聲」好似返到去以前嘅酒樓咁，充滿以前酒樓嘅回憶！
6.帶子腸粉$58（10/10）
呢個帶子腸粉好少有，一碟有3條腸粉，每條腸粉大約有1.5粒帶子，帶子份量相當多，腸粉皮又薄身，好好味！
7.金沙炸魚皮$68（9/10）
呢碟炸魚皮充滿咸蛋香，好脆好香口，每舊魚皮又大舊，勁好味！
8.紫米露$免費（9/10）
最後送兩碗紫米露糖水比我哋飲，好飲唔甜！
2人總共價錢$510，茶位$24，有加一服務費！
個人口味總評分：9.375/10
@crown_sky_hk
地址：九龍灣展貿徑1號國際展覽中心3樓319-329號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#新潮樓 #九龍灣美食 #九龍灣好去處 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #濟州熱門景點
葵芳邨新開有12種口味嘅串燒店！
12燒
身為葵芳人，葵芳有新店開當然要試下啦，呢間係開喺葵芳邨入面，大家可能最熟就係葵涌廣場，不過佢哋唔係開喺葵涌廣場，而係葵芳廣場，兩個場係唔同，葵芳廣場喺葵芳邨入面，葵涌廣場就喺葵芳地鐵站對面。
講返呢間串燒店先，一去到已經比12種口味吸引住，呢排食串燒店都食得多，但第一次見到串燒都可以揀12種口味，佢哋有椒鹽、孜然、蜜糖、沙茶、黑椒、沙嗲、蒜蓉、咸蛋王、酸辣、麻辣、避風塘同燒汁比人揀，一串一個口味，非常創新！夠特別！
1.燒鰻魚飯$68（9/10）
呢個燒鰻魚飯好平，呢個價錢鰻魚算大啦，鰻魚燒到出面有少少脆，仲有豆角同蛋絲！
2.牛舌（1串）$18（10/10）
我買咗2串牛舌，1串揀咗黑椒，另1串揀咸蛋王，每串都有3舊牛舌，每舊都係薄切牛舌，軟淋唔韌，燒得啱啱好，我比較鍾意咸蛋王味嘅牛舌，咸蛋味香滲入牛舌入面，好創新又特別，好正！
3.肥牛金菇卷（1串）$20（8/10）
我買咗2串肥牛金菇卷，1串揀咗黑椒，另1串揀沙嗲，每串都有3舊肥牛金菇卷，雖然肥牛比較細塊，但呢個價錢絕對超抵，金菇燒得唔乾，仲保留好多汁，今次兩個味都好好味，大家都係有少少辣，唔錯！
2人總共價錢$144
個人口味總評分：9/10
@twelvesiu
地址：葵芳興芳路177號葵芳廣場地下14號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#12燒 #葵芳美食 #葵芳好去處 #葵芳廣場 #串燒店 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
旺角性價比極高串燒店！
粗店燒烤
早幾日經開旺角XX Arcade果邊，見到有一間串燒店叫「粗店燒烤」，門口貼哂價錢，比烤生蠔個價錢$38兩隻吸引住，入咗去食！
呢間串燒店門口都係一樣有一級，又係出動我塊斜板嘅時候，我一坐低無幾耐就陸續好多人入嚟食，好快就坐滿8成位，相當受歡迎！👍👍👍
1.雞骨腸（1條）$16（8.5/10）
我叫咗2條雞骨腸，唔似普通香腸，入面有好似雞軟骨嘅餡，但比軟骨淋身，好有咬口，咬碎香腸期間有聲，幾好味！👍
2.雞皮（2串）$22（9/10）
呢個價錢好貼地，2串雞皮都係$22，唔肥膩，好脆口！👍👍
3.牛肉串（2串）$36（9/10）
呢串牛肉串好有肉汁同牛味，肉質唔韌唔鞋唔乾，1串有5舊牛肉，好抵食！😋😋
4.烤原隻魷魚（1串）$34（10/10）
呢串烤原隻魷魚好大隻，同我塊面一樣咁大，魷魚軟淋彈牙，又有肉汁，唔會燒到似橡筋，超好味！😋😋😋
5.秋刀魚（1條）$38（8.5/10）
呢條秋刀魚好新鮮，魚肉唔梅，但算多骨，好彩我係噒骨高手，如果有餐廳搞噒骨比賽不妨搵我，哈哈！🤣🤣🤣
6.多春魚（2條）$20（7.5/10）
我叫咗4條多春魚，店員話今次呢批貨多春魚無春，有少少失望，不過燒得夠香，下次如果食到有春就更好！👍
7.海中蝦（2串）$36（9/10）
我叫咗4串，每隻蝦都非常新鮮，蝦肉質好爽口彈牙，又鮮甜，唔錯！😋😋
8.烤生蠔（2隻）$38（10/10）
生蠔一直係我最愛，而呢間串燒店最近烤生蠔做緊特價，只需$19就食到1隻，而呢2隻都相當大隻飽滿，每隻都好鮮甜，唯獨生蠔黑色部份可能燒得耐咗少少，有少少韌，整體好滿意！👍👍👍
9.烤大扇貝（1隻）$32（10/10）
我叫咗2隻大扇貝，扇貝都算大隻，每隻都好清甜，仲有粉絲做底，好好味！😋😋😋
10.虎皮尖椒（1串）$16（8/10）
我叫咗4串虎皮青椒，暫時係我成世人食虎皮青椒最辣嘅一次，真係原條燒，無拎走少少辣椒籽，簡直辣到飛起，鍾意食辣嘅朋友可以挑戰一下！👍
11.粟米（1串）$18（9/10）
1串兩舊切開嘅粟米，好甜唔乾水！😋😋
12.烤菠蘿（1串）$18（9/10）
呢串烤菠蘿甜得嚟又多汁，1串有3舊菠蘿！👍👍
13.錫紙金菇$34（10/10）
我叫咗兩兜錫紙金菇，呢兜錫紙金菇無加任何七味粉同孜然粉，食得夠哂健康，好原汁原味，金菇又多汁，非常正！😋😋😋
14.錫紙卜卜蜆$56（8/10）
呢兜卜卜蜆大約有15隻蜆，蜆肉無沙，肉身又大又細，都算唔錯！👍
15.錫紙娃娃菜$34（9/10）
呢兜娃娃菜大約有8片菜，娃娃菜入面加咗蔥，菜本身又多汁又鮮甜！
16.可樂$15（9/10）
我叫咗兩罐汽水飲，雖然貴咗少少，但都要比人賺同解一解渴先得！
2人總共價錢$730，有加一服務費！
個人口味總評分：9.03/10
@hk_cu_restaurant
地址：旺角豉油街60-104號XX Arcade地下AB號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#粗店燒烤 #旺角美食 #旺角好去處 #旺角 #串燒店 #香港探店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
美孚Street Bomber巴斯克蛋糕店性價比好高！
Street Bomber
細佬回港慶生，身為輪住食嘅我當然要買返一個好味嘅蛋糕賀下細佬啦，記得之前bookmark咗好耐喺美孚一間小店，入面嘅蛋糕比人讚到可能係全港最抵食嘅巴斯克蛋糕，話好好味，性價比好高，經開美孚嘅我一於買嚟試下先！
OPENRICE話佢哋開12點，我12點半去到仲未開門，打比佢哋先知原來佢哋係開1點，之後仲提早開門招呼我，真係好好人呀～
1.開心果巴斯克軟心芝士蛋糕（7吋）$315（9.5/10）
呢個7吋巴斯克蛋糕真係好抵食，又唔甜，真係無講錯可能係全港最抵食嘅巴斯克蛋糕。我仲加咗$10加開心果碎，再加$5買生日牌，有埋led燈條比我哋拎嚟圍住蛋糕，著住燈影相好靚，我估led燈條係蛋糕店老闆送比我，多謝哂！👍🙏🙇♂️
個人口味總評分：9.5/10
@eat.nonsense @eat.streetbomber
地址：美孚百老匯街69-119號美孚新邨四期3號地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#StreetBomber #美孚美食 #美孚好去處 #美孚 #巴斯克蛋糕 #香港探店 #香港美食 #相機食先 #hkfoodie #hkfoodblogger #hkfoodpic #hkfoods #852food #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Pacific Coffee希臘式乳酪好好味！
太平洋咖啡
早前參與咗U Lifestyle App舉辦嘅【社群送禮】活動，最近信箱就收到一張Pacific Coffee現金券25元，依家做緊病人最啱就係買返一杯乳酪增強腸道蠕動！
1.脆脆曲奇朱古力希臘式乳酪$39（10/10）
呢個希臘式乳酪都幾大杯，不過稍為有少少甜，入面有朱古力曲奇，仲有勁多一粒粒朱古力脆脆咬下，如果唔計甜度嘅話真係好好味，用咗現金券只係補返14蚊真係好鬼抵呀！😋😋😋
1人總共價錢$39
個人口味總評分：10/10
@ulifestyleapp @ulifestylehk @pacificcoffee
地址：薄扶林薄扶林道102號瑪麗醫院正座地下
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#太平洋咖啡 #pacificcoffee #瑪麗醫院 #瑪麗醫院好去處 #乳酪 #ulifestyle #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名郵輪試坐員 #報名酒店試睡員
⛩寧静和風·細品寫意日料🥘
天后日式居酒屋，遠離銅鑼灣的喧囂，🍵營造出京都木屋町般安靜小巷的氛圍。更提供提供各種傳統居酒屋菜餚🥢壽司、燒物、和食等，配上精選的🍶日本清酒，和風設計休閒寫意。
🍣半熟赤鯥配海膽魚眼晶體醬汁壽司 $98/件
餐廳特色菜式之一，🐟魚肉先用昆布醃製，然後低溫慢到半生熟，最後加入海膽同魚眼汁液製作嘅醬汁，🔥用櫻花木烤製表面。鮮甜海膽配上濃郁魚眼，骨膠原up之餘，味道鮮美。
🍘馬糞海膽蝦片 $280/2片
high class香脆佐酒小食😉即炸蝦片够脆身，配上香甜海膽超滿足。
🦀香箱蟹兩食
即場拆肉，可以食到成隻蟹又唔洗自己拆，一定最幸福🥰原肉同軍艦奉上，雙重滋味~
🥘味噌博多牛腸鍋 $168
鍋中除咗有淋甜豆腐、韭菜同高麗菜，🐮更有主角牛內臟和牛小腸，牛腸食落肥美而且口感嫩滑。味噌湯底，令整體更加入味。
🍤紫蘇雞皮蝦 $68/串) ，
燒到勁香！新鮮三黃雞皮🐤旋轉包裹原條海蝦，好中意油脂香同紫蘇香。
🍢肝入魂拼盤 $188/5串
拼盤共有五款，甘香日本和牛肥膏，濃郁本地雞肝，人氣法國鵝肝、牛肝等，🔥串燒選擇比其他店更豐富！
@ippaiki
📍天后
.
-
#nataliefooddrestaurant
#ippaiki #hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger #hkfoodies #hongkong #hongkongfood #hkgiveaway #foodieshk #giveawayhk #foodie #抽獎 #香港 #紀念日 #點贊 #互贊 #福利 #日式 #港島美食 #吃貨 #銅鑼灣美食 #天后美食 #週末好去處 #香港美食
nataliefooddrestaurant
ippaiki
一次過滿足你三個願望—校長燒肉
#報名酒店試睡員
有時燒肉、放題、邊爐都想食，三簡一又好難簡，校長燒肉就幫到你，仲價錢好實惠🙌🏻
好耐以前，讀中學嘅時候冇咩錢就會黎呢到食，依家佢地搬左鋪位，環境再大啲，一入門口就見到超大嘅Ironman同有攀石場，男仔同小朋友都會好開心。
大部分店員係學生，都好有禮貌。一入枱就會講食幾耐，然後就可以任簡野食😻
野食選擇覺得都算多，所以就講下每個section有咩好食😋
🌸魚生🌸
魚生有多達10款嘅選擇，自己好鐘意食馬刀甲，佢竟然有就梗係試下😻😻馬刀甲意外地好爽口又彈牙，十分唔錯。三文魚厚但唔算肥美。而八爪魚就不過不失。男朋友試左帶子，自己唔太鐘意食，但呢間算甜。另外魚生區仲可以每人每次拎一隻赤蝦，赤蝦全部都好新鮮，頭唔蝦，食落好有咬口又唔霉。同男朋友都加左4次❤️最尾個轉個店員仲加左勁多馬刀甲，好開心😍😍最抵食係魚生。壽司因為就咁長擺係到，同男朋友就冇試到啦。
🌸火鍋🌸
火鍋嘅料冇咩特別🙈🙈不過有韓國拉麵提供而且足足有3款湯底簡，都算唔錯
🌸燒肉🌸
燒肉嘅話欣賞有日本蕃薯仔燒，好甜😸另外牛肉都好嫩，最好食係呢個。雞肉都有驚喜，自己燒肉同打邊爐係唔食雞，但佢啲雞又幾嫩下😂😂牛仔骨都唔錯👍🏻
🌸冷盤🌸
冷盤足足有兩大區，個人認為冷蝦一定要食，冇限量而且係隻隻都咁甜！其他就正正常常。
🌸熱食🌸
大部分都係正常，勝在多野簡，本身有供應蒜蓉炒蝦同蜆加青口，但冇緣食到😢😢另外欣賞佢地有三款湯供應，其中仲有人參雞湯，最底真係有人參嫁😻😻食咁多熱氣野，飲返碗湯即刻覺好似健康啲🙈🙈
🌸甜品🌸
除左奶凍其他都伏伏聲😂雪糕可以試鹽味雪糕🍦鹽味唔係到到有，但呢到有好驚喜啊😛男朋友第一次食鹽味雪糕覺好好味，自己食開另一個牌子就覺呢個還好，但都唔差。
🌸飲品🌸
飲品有少有嘅利賓納仲有啤酒供應，岩曬大人😋另外都有清酒同梅酒過下癮。
有小朋友嘅話仲可以抽獎拎禮品。另外加多一百蚊，海鮮仲會有貴妃蚌、鮑魚同蠔食。
好多人話校長唔好食，但係咁嘅價錢食到咁多野而且好多野都新鮮，同男朋友一致認為好過好多自助餐。而呢日係星期日黎，我地9點入席食到11點多啲，都只係180左右，平日同一時間都係170左右，又多分店，岩曬大家，抵到爛啊👍🏻👍🏻👍🏻
地址－校長燒肉日韓料理 (西裕街) (元朗)
元朗西裕街達輝徑1號足彬大廈1樓3B號舖
環境／設施－中日
特色－燒肉，火鍋，放題
人均價格－hkd 180
評分－7.6/10
#元朗美食推介 #元朗好去處 #週末遊 #foodphotography #美食指南 #hkfoodie #hkfoodblogger #hkfoods #放題 #火鍋放題 #火鍋吃到飽 #魚生 #燒肉 #燒肉放題 #抵食推介 #平價之選 #平價美食
黃埔大大份酸菜魚[十三少]
突然之間好想食辣嘢，但又唔想食啲咁刺激嘅嘢，呢個時候食溫和得嚟兼具酸辣感嘅酸菜魚就最啱喇😚
今次去咗十三少試吓佢哋啲酸菜魚，一嚟個碟超巨型，但佢唔係淨係得個碟大，而係連酸菜魚嘅份量都好多🙈 店員建議食魚之前先飲湯，個湯雖然望落好似好多辣椒，但其實冇咩辣味㗎😯 味道係酸酸地好開胃，飲落喉嚨好舒服🤭好味到我哋每人都各自飲咗一碗湯先開始食魚～其實酸菜魚嘅靈魂在於湯底，個湯底鮮味真係加好多分，而且個湯加咗好多芝麻同炸蒜，撈飯食一流👍
酸菜魚除左有酸菜同魚之外，仲有萵筍同菇片，吸曬魚湯嘅精華。魚肉方面十三少特別選用嫩滑又少骨嘅鱸魚，魚肉大大塊肉厚又滑溜，食到咁上下飲啖湯又開胃返🙈 所以我咁愛酸菜魚嘅原因係因為有三重享受，分別係食魚，飲湯同湯撈飯，三者係咁loop都係一種小確幸嚟㗎😆
由於我哋嗌嘅係二人套餐，所以同場仲有涼拌土豆絲同麻婆豆腐，涼拌土豆絲集香辣同蒜香在一身，土豆絲切得比較厚身，所以好有口感， 而且好脆身食到索索聲，我好鍾意‼️而麻婆豆腐都幾辣下，豆腐嫩滑但係夾起都唔容易散開，個醬汁好濃稠，愛重口味人士必叫～
🥢十三少
@master13_hk
#十三少 #酸菜魚 #麻辣 #川菜 #食辣 #麻辣 #麻婆豆腐 #黃埔 #hkfoodlover #hkfoodie #hkfood #hkfoodlover #hkfoodblogger #hkfoodblog #hkfoodstagram #hkfoodpic #hkfoods #hkfoodporn #hkfoodieblogger #hkfoodies #hkfoodshare #hkfoodig #hkfoodielife #hkfoodblogger #hkfoodgram
驚喜鐵板三文治專門店HAND3AG
以前覺得三文治係For充飢嘅食物，但近年越來越多精緻三文治嘅出現，扭轉咗我對三文治嘅舊有觀念🙆就好似呢間鐵板三文治專門店HAND3AG，創出一系列令人驚喜嘅鐵板三文治，將平平無奇嘅三文治昇華去既有外表又有內涵嘅Level✔
咕嚕咕嚕脆雞鐵板三文治
眼見佢哋有好幾款鐵板三文治選擇，款款顏值滿分，令人食慾大增💕搞到我都唔知叫邊款好，每款都想食 (😂暴露為食本性...)
最後我喺咁多個佳麗中揀咗呢款咕嚕咕嚕脆雞鐵板三文治，其實一拎出嚟都有少少嚇親🙈各種餡料堆疊都幾多料下，真係一手都拎唔住😮因為係外賣返屋食嘅關係，初初都會好驚錯過最佳賞味時間👀點知又唔會喎，因為呢個鐵板三文治每一個組合嘅部份都好好食😝麵包出面有少少脆，入面又好鬆軟，咕嚕Buttermilk脆雞酸酸甜甜咁幾開胃，加埋濃郁嘅熔岩芝士，清新嘅脆生菜、烤番茄及燒菠蘿，仲有他他醬同特製奇妙醬嘅加持，一啖咬落去啲料多到爆出嚟，絕對稱得上係一個大滿貫嘅組合🙌
慢燒雞蘋果沙律
一直都以為沙律係好悶，其實只要通過唔同嘅烹飪方式，都可以令不同食材展現全面嘅營養價值，更令沙律更具特色💁就好似係呢款慢燒雞蘋果沙律，慢燒雞配合沙律醬同食一啲都唔乾👆除咗慢燒雞，沙律更伴有合桃、蘋果、提子及青瓜粒，幾者天然嘅甜味配合埋一齊，又Fresh又有飽腹感👍
芝士龍蝦汁通心粉
金黃焦香嘅外表竟然喺加入龍蝦汁製成嘅通粉😉面頭灑上香草，而通粉係有少少坑紋嗰一款，所以好易掛到龍蝦汁，溶化後嘅芝士將沾滿龍蝦汁嘅通心粉裹得緊緊實實💥處處散發著金黃色嘅誘人光澤，嗰浸奶香味遮都遮唔住😗通粉間更夾雜不少彈牙爽口蝦肉，同龍蝦汁嘅鮮味互相暉影～如果大家鍾意食芝士同通粉嘅，一定要試下呢一款黃金組合✨
蜂蜜檸檬特飲
飲落好舒服，調味剛剛好，唔會太甜但又唔會酸到叫媽媽🤣係清爽解渴好選擇！一啖三文治一啖冰凍嘅蜂蜜檸檬特飲係正嘅！
🥢HAND3AG
#HAND3AG #吐司 #三文治 #鐵板三文治 #中環 #hkfoodporn #hongkong #hkig #hkfood #foodhk #hkfoodie #foodiehk #好食 #ighk #ufoodphoto #相機食先 #hkfoodblogger # #中環街市 #hkdessert #desserthk #好食 #hkfoods #甜品 #hkfoodig #打卡 #hkgirl #沙律 #hkbread #breadhk
☀️夏日新品·小清新番茄壽喜燒🍅
趁著夏天，但馬屋推出一款夏日美食——🥘蕃茄壽喜燒！這款傳統的壽喜燒中可以品嚐到蕃茄嘅天然酸味，🥩配上肉類，食落味道會更加balance。
鐵鍋中抹上橄欖油，🥬鋪上野菜。野菜釋出水並冒出蒸汽時加入肉，🔥倒入特製壽喜燒醬汁。
配菜特別提供當造野菜，口感更加清爽，🥢同時可以中和甜甜哋嘅壽喜燒，甜而不膩！
夏祭限定，食完仲可以join特別活動。「千本引」拉繩小遊戲：🤓用你的眼力同實力，豐富禮品夏日祭典玩具、零食或餐飲優惠券（價值$29）等緊你！😙
熱辣辣嘅夏天，一齊試下與眾不同的夏季壽喜燒吧！
📍葵芳
@但馬屋
.
-
#nataliefooddrestaurant
#giveaway #hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger #hkfoodies #hongkong #hongkongfood #hkgiveaway #2020giveaway #foodieshk #giveawayhk #foodie #抽獎 #香港 #紀念日 #點贊 #互贊 #福利 #葵芳美食 #九龍美食 #夏日限定 #蕃茄壽喜燒 #火鍋放題 #Häagen-Dazs雪糕任食
nataliefooddrestaurant
giveaway
長沙灣MasterTea酒飲店好平好飲！
MasterTea
茶飲店大家就飲得多，Cocktail酒飲店飲過未呢？依家去飲酒唔一定要去酒吧飲，細細間鋪估唔到d酒咁平咁抵飲，好多都係佢哋自己釀製，有d就係香港本地手工啤酒，仲有d果茶、冬瓜茶、奶茶同1d小食，簡直係非一般酒飲店，記得夠秤先好去啦！
1.台灣菠蘿酒（12.8%）330ml $108（10/10）
呢個台灣菠蘿酒入面勁多菠蘿果肉，菠蘿味重，完全唔覺得飲緊酒，好似飲緊菠蘿汁咁，略甜咗少少！
2.香港早晨手工啤（7.3%）330ml $50（9/10）
呢個香港手工啤（吹啤啤-早晨）應該大家唔陌生，呢款早晨味道有d似1664啤酒，但比1664澀咗少少，溝埋菠蘿酒一齊飲有另一番味道！
3.長島冰茶（13.1%）330ml $108（10/10）
呢個長島冰茶勁好飲，好啱少飲酒嘅女士們飲，淡淡茶味甜甜地又涼涼地，唔覺唔覺會越飲越多，實在好易入口！
2人總共價錢$266
個人口味總評分：9.66/10
@mastercocktail
地址：深水埗長沙灣道21-25號長豐商業大廈地下B1號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#MasterTea #長島冰茶 #手工啤 #吹啤啤 #早晨 #菠蘿酒 #cocktail #長沙灣酒飲店 #長沙灣 #長沙灣好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名酒店試睡員
老字號荳品店
人和荳品廠係開業多年的老字號，分別係旺角同銅鑼灣都有分店💫
豆腐花款式好多，最特別既係有朱古力豆腐花，好新潮💫
最平$15起就食得到，例如：
⭕️杏仁豆腐花
⭕️芝麻糊豆腐花
⭕️紅豆沙豆腐花
仲有新鮮既杯杯豆漿，另有多款香口小食例如：
⭕️魚肉煎豆腐
⭕️鹵水豆卜
⭕️炒麵
我地今次試咗：
📍原味豆腐花
好香好滑，豆味香甜，唔洗點加糖水都好好食
📍豆漿
好清香，味道新鮮又夠濃，因為太好飲所以叫多一杯飲
📍炒麵
麵條彈牙，唔會太咸，加豆瓣醬食一流
📍煎豆腐魚肉
豆腐煎得金香，夠實淨，唔會一夾就散
地址：銅鑼灣渣甸街49號地舖
#食好西 #香港食咩好 #香港美食 #美食 #打卡美食 #美食日記 #美食指南 #食評 #foodiehk #hkfoodblogger #foodielife #chinesefoods #eat #豆腐花 #豆漿 #懷舊 #懷舊香港 #foodphotography #foodpics #hkfoods #likesforlike #飲食日誌
元朗燒賣皇后記得要落辣椒油！
元朗燒賣皇后妙舒
早前喺元朗肚餓又唔知食咩好，見到燒賣皇后就一於試下，聽佢個名就聽得多，食就未食過，不過食完唔會有下次，除非掛住佢辣椒油啦！🤣🤣🤣🙈
1.香菇豬肉燒賣（5粒）$15（6/10）
呢個燒賣蒸過龍，應該少人買，豬肉好少，全粒最實淨係香菇，其他淋到爆，最好味係辣椒油，夠辣夠香，如果唔落辣椒油我會比2分香菇！👉👈
2.瑞士雞翼撈麵$28（7/10）
呢個瑞士雞翼撈麵正常水準，雞翼有4隻， 瑞士汁唔算好入味，得雞翼皮有味，撈麵係印尼撈麵，份量應該有一包，算ok！🙈🙈
2人總共價錢$43
個人口味總評分：6.5/10
地址：元朗阜財街14號宏豐大廈地下11B及11C號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#元朗燒賣皇后妙舒 #燒賣皇后 #元朗 #元朗美食 #元朗 #元朗好去處 #燒賣 #撈麵 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名酒店試睡員
長沙灣好味餃子店！
好味餃子店
經開長沙灣未食lunch嘅我搵下有咩野食，搵到一間之前bookmark咗好耐嘅餃子店，一於入去食先！
呢間餃子店門口又係有一級，又係出動我塊斜板嘅時候，店內其實唔算大，得7張枱大約坐到28人左右，但都歡迎我入去食野！
1.雙拼湯餃子（雲耳椰菜+芫茜）$49+樽裝豆漿$15（10/10）
呢個雙拼湯餃子揀咗雲耳椰菜同芫茜，餃子皮又薄又滑，滑到似牛奶咁滑，每舊餃子勁大粒飽滿，餡料勁多，雲耳椰菜勁爽口，口感唔錯，芫茜都勁多，芫茜控要試下啦，食之前記得加辣椒醬，呢個辣椒醬算中辣，入面加咗菜脯，勁有咬口！
豆漿略甜，有豆味！
2.牛丸麵$30+ZERO可樂$8（9/10）
呢個牛丸麵入面牛丸有4粒，牛丸牛味重，仲有生菜，麵揀咗米線，米線正常唔硬，30蚊嚟講算好抵食！
2人總共價錢$102
個人口味總評分：9.5/10
地址：長沙灣元州街497號地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#好味餃子店 #餃子 #芫茜控 #長沙灣美食 #長沙灣 #長沙灣好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名酒店試睡員
✨驚喜印度風情·特色自助餐🍽
經過大館好去處！lunch semi buffet好正🤤入座會先上一道正宗嘅印度前菜，😙它是現場即刻製作的，我都係第一次食。入邊有酸甜的yogurt，🌿清新薄荷醬，香甜馬鈴薯，🥔口感軟綿。印度醬料特色香氣，食落特別開胃。
好中意薄煎餅，🫓佢用米漿以及豆蓉去製成，而且中間更會填入了咖哩香濃的薯仔等餡料。薄脆口感，搭配有真椰蓉嘅🥥椰蓉醬和酸甜蕃茄醬，進一步突出層次。
印度脆米球🥠是一種薄脆的球狀小食，外層酥脆，內部則填滿了香濃的咖哩薯蓉。當你將旁邊一杯清涼的薄荷醬汁倒入脆米球中🥰涼浸浸嘅口感，清新開胃。
@Jashan Celebrating Indian Cuisine
📍中環
-
#nataliefooddrestaurant
#giveaway #hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger #hkfoodies #hongkong #hongkongfood #hkgiveaway #foodieshk #giveawayhk #foodie #抽獎 #香港 #自助餐 #點贊 #互贊 #福利 #中環美食 #港島美食 #吃貨 #香港美食 #印度菜 #週末好去處
nataliefooddrestaurant
giveaway
油麻地悅麵性價比高！
悅麵
經開油麻地見到一間外表平平無奇，入到去見到掛滿貓貓漫畫，老闆係愛貓之人，同老闆傾開原來佢啱啱喺英國回來，佢非常鍾意煮野食，之前仲喺英國開過餐廳，因為1d原因急住賣盤要回港，老闆煮嘅野食絕對拍得住高級餐廳，非常好味！
悅麵出面有一級，我都係要用自己嘅斜板入餐廳，餐廳唔算好大，大約只有24個位，店員非常熱情招呼我，唔會因為店舖細而唔歡迎輪椅人士，反而幫我搵一個位置方便我坐，抵讚！👏👏👏
1.葡萄牙辣汁燒雞配薯菜（半隻）配餐湯+熱咖啡$138（10/10）
呢個葡萄牙辣汁燒雞配薯菜簡直拍得住高級餐廳，隻燒雞肉質嫩滑，好有肉汁，出面個葡萄牙辣汁唔會好辣，好惹味！👍👍👍
薯角有13舊，連皮炸，好香！
仲有3舊翠玉瓜再三色豆！
餐湯係周打海鮮湯，菜底好香，仲有2隻蝦仁！
熱咖啡好飲好滑！
2.忌廉芫荽醬豬扒扁意粉 配餐湯$98+$3凍奶茶（10/10）
呢個扁意粉好滿勁多芫荽打碎咗嘅醬撈喺意粉上面，芫荽控一定要嚟試下，勁好味！❤❤❤
豬扒夠薄，煎得好香！
餐湯係周打海鮮湯，菜底好香，仲有2隻蝦仁！
凍奶茶好飲好滑，只係略甜咗少少！
3.蝦多士（4件）$35（10/10）
呢個蝦多士勁香，入面蝦膠算多，出面鋪滿芝麻粒拎嚟炸，炸得好脆好香，點埋泰式辣醬一齊食就掂哂，食到會上癮！😋😋😋
2人總共價錢$274
個人口味總評分：10/10
@joysdining
地址：油麻地吳松街47號地下
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#悅麵 #拉麵 #油麻地 #油麻地美食 #油麻地 #油麻地好去處 #芫荽控 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名酒店試睡員
大圍高質燒味茶餐廳！
王牌·圍一叉燒
今日去咗行大圍-圍方，行完經開港鐵附近見到有一間燒味茶餐廳大排長龍，我一見長龍就最鍾意「鼠」入去望下，見到下午茶勁抵食，未食lunch嘅我就唔洗諗去拎位入去食，排得隊應該好好食，仲要$29起就有一個下午茶餐，好鬼平！
呢間茶餐廳門外係有斜路，好方便輪椅人士入去食野，門口雖然多人排隊，但大部分都係等拎外賣，我都係等咗大約5分鐘就入得，輪椅入到茶餐廳入面只能坐近門口位，入面唔算好大，店員都招呼得好好，茶餐廳上面仲有一層，不過就要行樓梯，短短食咗半粒鐘，睇到間餐廳好似喺戰場咁，流轉得好快，電話不停響，收銀機不停有拉出拉入聲，證明真係好多幫襯，真係好王牌！🤘🤘🤘😂
1.迷你油雞飯 配熱檸檬茶$39（9.5/10）
呢個迷你油雞飯絕對唔迷你，飯量都多，油雞都有成5舊，雞肉嫩滑，唔會鹹，點埋薑蓉味道就啱啱好！👍👍👍
熱檸檬茶正常水準，有3片檸檬！
2.輕量燒腩仔飯 配熱檸檬茶$40（9.5/10）
呢個燒腩仔飯絕對唔係輕量，飯量都多，燒腩仔都有成6舊，每舊個皮都燒得好脆，脂肪同肉比例啱啱好，又唔會鹹，其他地方食嘅燒腩仔多數又乾又硬又鹹，個皮多數似橡皮糖，呢間王牌真係無改錯名，真係王牌唯一，下次要試埋佢哋叉燒同例湯先，聽講例湯好足料！😋😋😋
熱檸檬茶正常水準，有3片檸檬！
2人總共價錢$79
個人口味總評分：9.5/10
地址：大圍大圍道100號天寶樓地下8號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#王牌圍一叉燒 #港式燒味 #大圍 #大圍美食 #大圍好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名酒店試睡員
好似置身喺台東嘅小店！
鐵花村
啱啱台灣返嚟無幾耐又去搵台灣野食，今次去咗北角一間主打台東主題嘅小店，呢間小店門口有斜路，唔需要用斜板可以直接入店，好啱輪椅人士入去食野！
小店雖然唔大，但裝修好有台灣風味，近門口天花掛滿熱氣球，店員話熱氣球喺台灣空運到香港，再由香港d小朋友畫花紋上去，感覺好似置身喺熱氣球嘉年華現場，再品嚐埋台灣美食簡直完全唔覺得自己喺香港咁，老闆係台東人，從小店佈置到野食都見到好有心思，讚！👍👍👍
1.鹽酥雞便當 配芒果烏龍$68（9/10）
呢個鹽酥雞便當個炸雞炸好酥脆，雞肉唔乾，都有成5舊炸雞，入面仲有台灣腸1舊、魯肉、半隻滷蛋、1舊炸魚蛋，西蘭花同黃瓜！👍👍
芒果烏龍係用新鮮芒果榨汁而成，飲落淡淡芒果味再溝烏龍茶，茶味同芒果味唔會互相搶，調得啱啱好，好好飲！😋😋
2.擔仔麵$49（8/10）
擔仔麵個麵係用上油麵，入面仲有半隻滷蛋、4舊蘿蔔、1隻蝦仁、台灣貢丸同魯肉，油麵份量算多，蘿蔔無根好甜！👍
3.肉鬆起司蛋餅$36（8/10）
呢個肉鬆蛋餅要盡快襯熱食，熱食好煙韌，肉鬆好多好香，蛋餅上面已經加咗甜醬，碟旁邊亦放咗辣醬，自己比較鍾意辣醬，會好味好多！😋😋
4.台式奶茶芋圓（冷）$45（9/10）
叫呢碗奶茶芋圓簡直可以講一次過滿足哂2個願望，凍奶茶同芋圓糖水二合一。奶茶唔會好甜，三色芋圓好Q彈，珍珠都好Q彈，仲有仙草、紅豆同蝶豆花，份量好多，足夠兩個人食！
5.招牌珍珠奶茶$28（9/10）
叫得招牌珍珠奶茶當然要叫嚟飲下，茶同奶比例啱啱好，珍珠好Q彈煙韌，唔會硬心，成杯奶茶好滑又唔會好甜，非常好飲！
2人總共價錢$226
個人口味總評分：8.6/10
@tiehuacun
地址：北角丹拿道18號愛群商業中心地下6號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#鐵花村 #台灣菜 #台東 #熱氣球嘉年華 #北角 #北角美食 #北角好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
九龍城小曼谷海鮮燒烤屋下午茶勁抵食！
小曼谷海鮮燒烤屋
琴日食唔到「聯發」去咗轉個彎食「小曼谷」，九龍城出名勁多泰國菜食，唔一定要食拒絕輪椅人士入去嘅「聯發」！
呢間「小曼谷」門口都係有一級，又係出動我塊斜板嘅時候，入到去老闆娘熱情招呼我，呢度下午茶都只係$49，加小食都係$29，我哋就叫咗2個下午茶食！
1.冬陰牛腩湯河粉 配泰式冰奶茶$49（9.5/10）
呢碗湯河係用咗冬陰功做湯底，牛腩都有7舊，每舊都好淋身，入面仲有生菜同秀珍菇，再配埋泰式奶茶就掂哂，其他泰國菜餐廳大多數泰式奶茶要加錢，呢間唔洗加，仲唔會好甜，正！😋😋😋
2.泰式豬頸肉炒飯 配泰式龍眼冰$49（9/10）
呢碟炒飯炒得好香，炒到d飯粒粒分明，將雞同蔥一齊炒，仲有成10舊豬頸肉添，再配埋泰式龍眼冰掂哂，其他泰國菜餐廳大多數龍眼冰要加錢，呢間唔洗加，仲唔會好甜，入面仲有成約10粒龍眼肉，正！👍👍👍
P.S：臨走老闆娘影咗我塊斜板相，佢話佢要幫餐廳買返一塊比其他輪椅食客方便入嚟食野，呢個行動值得讚，塊板其實唔係好貴，你哋少少改變令其他人方便d，咁先係配得起「無障礙環境」呢5個字，「無障礙」唔係口號，要大家一齊努力！
2人總共價錢$98
個人口味總評分：9.25/10
@minibangkok
地址：九龍城太子道西398號御太子地下1-3號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#小曼谷海鮮燒烤屋 #泰國菜 #九龍城 #九龍城美食 #九龍城好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
荃灣高質素食自助餐
寶蓮素食
呢一個月食咗好多好西，食到肚腩都大咗好多，於是早幾日帶咗屋企人去食素，呢間素食店喺荃灣，門口雖然有一級，輪椅人士要自備斜板入去，但入面都算大，裝修簡單得嚟燈光好光猛，素食款式算多，有熱炒、炸物，蔬菜同甜品等，refill野食好快，食物味道少甜少油，真素食味道！👍👍👍😋😋😋
星期六夜晚食都係每人$138再加一，平日下午茶每人都係$70加一，性價比好高，雖然素食自助餐嚟講算高質，但都要溫馨提示一下，右邊門口嘅斜路唔應該放雜物，應該要開放比輪椅人士使用，希望下次再去時唔洗我自己再拎斜板去食！
必食推介：
茄子（少少辣）、沙律菜、菜心仔、粟米粥（好綿）、木耳（少少辣）、凍豆腐（好滑）、炸芋頭魚、酸齋、炒椰菜、炒西蘭花、炒飯、炒麵等......
飲品：夏枯草、菊花陳皮普洱茶、熱水
甜品：綠豆沙、芝麻糕、奶黃糕、紅豆糕、砵仔糕等......
5人總共價錢$759，有加一服務費！
個人口味總評分：8/10
地址：荃灣沙咀道328號寶石大廈地下G17-G18號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#寶蓮素食 #素食自助餐 #素食 #荃灣美食 #荃灣好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
荃灣新開餐廳-掌門雞
掌門雞
一知道如心廣場2期開咗間新餐廳，特登約埋朋友一齊嚟食新嘢。呢個商場人流唔算多，再加上呢間新餐廳喺二樓，要行到去商場最入嘅位置，一點半嚟到已經無咩人，間餐廳好大，裝修又好靚，同朋友喺度傾計食野真係一流！
1.雞髀扒三文治 配脆薯條+凍焦糖咖啡$108+日式雞皮餃子$48（9/10）
首先揀咗一份午餐雞髀扒三文治配薯條再跟凍焦色糖咖啡$108，再追加日式雞皮餃子$48，幾個朋友一齊分當作餐前小食。喺手機點餐嘅時候就發現原來三文治可以選唔同嘅麵包以及雞扒醬料，我哋就揀咗香草包配燒烤汁，香草包一咬香口清新，燒烤汁配上雞脾扒非常入味，配上香草包一齊食嘅時候，令人有一種自身田園嘅感覺。焦糖咖啡雖然已經叫咗少甜，但係份焦糖味都好重，令到整杯咖啡都好濃郁。
2.泰式雞煲$278+火鍋配料$198（9/10）
餐廳叫得掌門雞，當然係以雞做賣點，餐牌上雖然有唔同種類食物，但嚟得呢度點都要點下雞嚟食，我哋就揀咗一個小辣嘅泰式雞煲，隨後再點火鍋配料。雞煲上枱嘅時候已經係熱辣辣，店員好細心咁提醒再煲多一陣收少少水就可以食，同時亦都幫我哋將雞煲攪勻，服務態度超好。雞煲一上檯開蓋就聞到好香，泰式香料嘅味道充斥住我哋嘅味蕾，雞肉好滑，而且雞味濃郁，食落先至發現除左泰式香葉之外，原來煲底仲有好多冬菇、金菇等等，吸曬煲入面精華味道，配菜唔會成為閒角。
火鍋配料亦好充足，上面係肥牛，第2層就有五款肉丸，分別是白魚蛋、魚片頭、龍蝦丸、墨魚丸，以及包心芝士丸，喺肉丸下面就係粉絲，同埋三款唔同嘅菜，黃牙白、生菜和唐蒿。肥牛顏色雖然唔係鮮紅，但牛味好重，而且非常嫩滑，至於五種肉丸都好新鮮，唔會有雪藏味，尤其讚賞佢哋嘅白魚蛋，魚味濃郁鮮甜，而且好鬼彈牙。粉絲就吸收哂湯底精華嘅食材，唔會太淋仲保持到爽口嘅口感，最後係三款菜都好新鮮。
3.掌門雞蛋糕配雪糕$58（9.5/10）
呢度嘅自家雞蛋糕係即叫即整，上枱時已經熱辣辣，加埋雪糕有冰火交融嘅感覺，再加上雞蛋糕嘅造型好可愛，望住佢哋都真係唔捨得食；兩碌雞蛋糕外形睇得之外，內函都十足，入面鬆軟蛋糕，蛋味好濃郁。
4.意大利芝士蛋糕$68（9/10）
Tiramisu上面嘅脆脆有質感，下層芝士味濃，配以酒香泗溢，將甜品美味昇華。
5.菠蘿汁$38（8/10）
酸酸甜甜好啱打完邊爐飲！
3人總共價錢$876，有加一服務費！
個人口味總評分：8.9/10
@thebirdieking.hk
地址：荃灣大河道98號如心廣場二期2樓211號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#掌門雞 #荃灣美食 #荃灣好去處 #荃灣 #香港探店 #香港美食 #相機食先 #hkfoodie #hkfoodblogger #hkfoodpic #hkfoods #852food #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
深水埗老香港情懷寵物友善餐廳
地址－ 深水埗巴域街70號石硤尾邨41座美荷樓地舖
環境／設施－ 寵物友善餐廳，位於青年旅舍內
特色－ 主打西餐，咖啡，西式甜品
人均價格－ $100 （午餐）
評分－ 5分 （滿分為5分）
對上一次來美荷樓，已經係疫情之前。當時仲係叫做「呼吸餐廳」，現在已易手 「Garden at Mei Ho Cafe」，店內餐廳採用老香港風格，充滿香港情懷。而且仲係竉物友善餐廳，岩晒毛孩朋友出沒。
#香辣忌廉汁大蝦意粉 $98
香煎大蝦，蝦肉爽口彈牙；意粉軟硬度適中，亦非常掛汁，每條意粉都比忌廉汁包住；忌廉汁少許辛辣，很惹味。
#翻兜指數 5分 （滿分為5分）
餐廳位於青年旅舍內，環境，裝修，服務都唔錯。點餐和送餐都是採用自助模式。
Garden at Mei Ho Cafe
地址: 深水埗巴域街70號石硤尾邨41座美荷樓地舖
電話: 37283450
@garden.at.meiho @kiw.force
#西式 #深水埗 #美食 #hkig #hkfood #尖沙咀美食 #竉物友善餐廳 #打工仔保險軍團 #打工仔搵食軍團 #寵物保險 #相機食先 #hkfoodie #hkfoodblogger #hkfoodpic #hkfoods #hkfoodshare #food #hkfoodstagram #hkigfood #foodiehk #yummy #foodie #hkfoodieblogger #hkfoodies
Cupping Room Coffee Roasters (海港城)
每次來海港城經過呢間咖啡店，門口都是人山人海在等位，今日做一陣遊客等位，大約20分鐘就有位。
#basqueburntcheesecake $56
芝士蛋糕半熟狀態，口感有些像日底流質芝士蛋糕般，表層燒到少許燶燶地，令芝士味更香濃。
#grapedanish $38
丹麥酥酥皮香脆，中間有一層奶油漿住青提子。
#cappucino regular size $42
#icedmatchalatte $55
Cupping Room Coffee Roasters (海港城)
地址: 尖沙咀廣東道3-27號海港城海洋中心3樓309號舖
電話: 94468699
Cupping Room
#翻兜指數 4分 （滿分為5分）
咖啡和甜品質素應該沒有挑剔地方。長期需要等位和不停有遊客在打卡位影相就比較騷擾。
#cafe #尖沙咀 #海港城 #香港咖啡店 #打工仔保險軍團 #打工仔搵食軍團 #健康飲食 #美食 #hkfoodie #hkfoodblogger #hkfoodpic #hkfoods #hkfoodshare #food #hkfoodstagram #hkigfood #foodiehk #yummy #foodie #hkfoodieblogger #hkfoodies #health #healthyfood #healthylifestyle #kkfoodieforce
basqueburntcheesecake
grapedanish
舊區低調蒸氣海鮮火鍋店
舊區低調蒸氣海鮮火鍋店，屹立太子和深水埗交界，對上一次食已經係疫情前，現在再食，水準依然。
今次點左貴價餐 #parco發板餐 $398 + 10%
套餐包括：
#象拔蚌刺身拼盤
有三文魚腩、油甘魚腩、希靈魚、北寄貝、帆立貝 當然仲有主角 象拔蚌。很新鮮鮮甜。
#龍蝦 龍蝦肉很彈牙，配上蒜蓉很惹味，龍蝦鉗啖啖肉很鮮甜。
#肉蟹 新鮮肉蟹，爆羔，實質新甜蟹肉。
#蟲草花蒸雞烏冬底 烏冬吸收晒蒸雞、蟲草花 和 荷葉既味道。仲有南爪、玉米、絲瓜、日本番薯、芋頭等粗糧。
套餐仲有：貝殼三寶、元貝、鮑魚、海蝦 和 海魚
#翻兜指數 4分 （滿分為5分）
座位闊落和衛生，食材新鮮，價錢合理，唯位置比較交通不便。
小漁港海鮮舫 鮮蒸‧鮮味火鍋
地址: 太子荔枝角道127-133號地下
電話: 28689863
小漁港海鮮舫
#蒸氣火鍋 #太子 #美食 #hkig #hkfood #太子美食 #海鮮 #打工仔保險軍團 #打工仔搵食軍團 #相機食先 #hkfoodie #hkfoodblogger #hkfoodpic #hkfoods #hkfoodshare #food #hkfoodstagram #hkigfood #foodiehk #yummy #foodie #hkfoodieblogger #hkfoodies #kkfoodieforce
觀塘人氣台灣美食🔆必試芋泥肉松蛋餅💓
相隔一段時間，又嚟到壹.01 ，見到佢哋出咗唔少新品，鍾意嚐鮮嘅我緊係要試吓啦💞
蜜汁紫菜酥炸排骨飯
有時突然想食一碗好豐富嘅大碗飯，尤其係翻完整日工精力耗盡嘅時候，而壹.01 嘅台式大碗飯簡直係我嘅comfort food😆今次叫咗蜜汁紫菜酥炸排骨飯，排骨酥脆嘅外衣，彷彿聽到咬落去時"卡滋卡滋"嘅聲音，一咬果然做到外脆內嫩嘅效果！排骨炸得好通透 (證明火喉控制得好好) 配合秘製蜜汁及紫菜調味，然後面頭撒上蔥花，各種獨特又融合嘅味道交匯埋一齊，完美復刻咗台灣常見嘅炸排骨飯～
芋泥肉鬆蛋餅
我鍾意佢哋蛋餅嘅質感，係微微脆帶點厚實嗰一種煙韌，上次叫咗佢哋嘅芝士火腿蛋餅，今次試吓再芋泥肉鬆蛋餅，蛋餅塞滿口感綿密嘅芋泥餡。一層一層咁口感在太正了，夾埋肉鬆無半點違和感，呢個經典組合真係完美不過！
脆炸鮮奶卷‧古早芋泥二文治
炸鮮奶一向都係我好鍾意食嘅嘢嚟，見到呢度有得食，好驚喜呢🤟內餡奶香濃郁，滑滑嫩嫩有啲似溶咗布甸咁嘅質感，而外皮金黃酥脆，結合埋一齊口感相當豐富，又唔會太甜～
古早芋泥二文治係一款將兩塊餅乾夾住芋泥嘅小食🙈其實芋泥呢種餡料好容易會有一種廉價嘅香味，但係呢一款完全唔會，係紮紮實實屬於芋泥天然嘅味道，中間嘅芋頭餡軟軟綿綿，未至於全部壓成蓉，中間會食到小小芋頭顆粒嘅粉粉沙沙咁，而外面嘅餅乾香香脆脆，甜度比較自然，好突顯到芋頭嘅清香，而且店家將古早芋泥二文治 切開四小件方便食用，好貼心呢😆
鹽酥雞球
咁大份都比我一口氣食晒，比起一般鹽酥雞細粒，細粒嘅好處就係雞肉比較入味，食落又冇咁乾～直接嘅調味粉香氣+酥脆無骨嘅癒悅，呢種小確幸，你懂的🥴
蘇子手撕雞
身為鍾意食肉唔鍾意啃骨嘅人，好鍾意佢哋嘅手撕雞🤭首先雞肉唔會撕得太碎，保留翻啖啖肉口感，另外雞肉軟硬度中等，雞皮好Q彈，油脂豐富得嚟唔乾，感覺係雞肉質感上落咗唔少功夫。味道方面清新開胃，青瓜份量都好足夠，食多啲都無罪惡感～
特製牛肉
牛肉軟嫩回甜，細膩嘅肉質+微甜嘅肉汁，送飯一流呢✨
古早紅茶
又平又大杯，茶味濃郁帶少少甜，冰冰涼涼清爽可口，配炸物一流💡
芝士奶蓋芋泥鮮奶
用一個方形嘅樽裝住，眼見有半杯份量都係芋泥。呈現出嚟係好靚嘅漸層紫色，溫柔嘅紫色同淡淡嘅奶香，每啖都好似台灣人嘅人情味咁warm❤️奶香濃郁嘅芝士奶蓋稠厚可口，配合香甜嘅芋泥同幼滑嘅鮮奶，係多重滿足！
最後，『壹.01』 比我嘅感覺就係量大實惠，出餐速度快、店內裝修光明舒適、整體用餐環境好舒服、有種家庭用餐嘅隨意感...『壹.01』 由幾個二十幾歲後生仔經營，主打台式料理嘅餐廳，一班小伙子默默努力為夢想打拼，淨係呢一點，已經值得支持～有時我哋食餐飯除咗單純為咗食物本身，有時仲為咗一種情境、一種感覺、一種氣氛，『壹.01』 食物本身嘅質素，加上員工友善嘅態度，以及整體嘅氣氛我都好滿意，令我同身邊朋友都由過路客變成回頭客。
🥢壹.01
#壹01 #台式料理 #台灣菜 #夜市 #hkblog #蛋餅 #台式菜 #觀塘 #觀塘美食 #hkfoodlover #hkfoodie #hkfood #hkfoodlover #hkfoodblogger #hkfoodblog #hkfoodstagram #hkfoodpic #hkfoods #hkfoodporn #hkfoodieblogger #hkfoodies #hkfoodshare #hkfoodig #hkfoodielife #hkfoodblogger #hkfoodgram #中海日升中心 #kwuntong
#foodie#hkfoodie#hkfood#美食
日式洋風輕食料理🍱簡約健康湯品🤲
一向都知湯水對都市人好重要，而我就特別鍾意香濃嘅西式濃湯，因為質地比較濃稠，可以解決飢餓感，而且飲落濃湯綿啲又滑啲，又更易保留食材營養🤲『ICHIJUISSAI 一汁一菜』就係一間提供多款濃湯以及源自日本概念嘅品牌～店鋪以經典日式料理配搭→一碗湯一個主食嘅飲食哲學提供輕便簡約嘅日式洋風輕食。呢排天氣濕濕熱熱咁，唔係好想食嘢不如就飲啲湯啦🙆我就揀咗幾款佢哋嘅濃湯外賣返屋企！『ICHIJUISSAI 一汁一菜』位於創紀之城五期(apm) 眼見佢哋嘅濃湯杯杯都好滿 (紙杯都好深下) 感覺好大份，難怪見到唔少OL買嚟當正餐👀
濃香牛肉野菌咖喱
相比於一般咖喱，呢款咖喱質地比較輕薄，但味道濃郁嘅程度一啲都唔輸蝕～入面有好多頗大件嘅牛肉，牛肉質感軟腍入味，啖啖肉咁好正💯加上咖喱帶有蔬菜嘅天然清甜味，整體好有日式風味🙌
法式龍蝦濃湯
橙橙紅紅嘅龍蝦湯質感相當濃稠！湯中有爽彈鮮香嘅龍蝦肉，仿佛將海中嘅鮮味化作碗中嘅綿滑，湯面淋上忌廉令呢啖湯更加creamy，細膩嘅口感中帶住淡淡嘅奶香✔
花菜巴馬火腿濃湯
係個人覺得好特別嘅一款濃湯！初初望落見到一大片翠綠色都會諗會唔會好大陣草青味呢？但其實一啲都唔會👏因為濃湯用上西蘭花、薯仔同洋蔥為主要食材，蔬菜經過熬煮後被打成蓉，口感既香滑又綿密，層次好豐富～加上個湯面鋪咗幾片巴馬火腿乾，鹹鹹香香咁好開胃❣
石窯麵包
我鍾意將麵包撕成一小塊一小塊再沾上湯汁送入口中🤭麵包吸汁力強，能最大限度地吸收湯汁，進而將食材嘅味道同口感充分體現出嚟☺
野菜沙律杯
透明杯中可見蔬菜排列得整整齊齊唔會亂龍，一層一層七彩繽紛又真係幾靚🙈沙律淋上酸酸甜甜嘅柚子油醋汁好開胃，杯底更有一片片奇異果，感覺輕盈清新🥝
🥢ICHIJUISSAI 一汁一菜
#一汁一菜 #APM #飲湯 #觀塘 #kwuntong #hkfoodporn #hongkong #hkig #hkfood #foodhk #hkfoodie #foodiehk #好食 #ighk #ufoodphoto #相機食先 #hkfoodblogger #咖喱 #hkdessert #desserthk #hkblogger #hkfoods #沙律 #hkfoodig #打卡 #hkgirl #健康 #hkbread #breadhk 龍蝦湯 #ICHIJUISSAI
#foodie#cafe#hkfoodie#香港美食#hkfood#美食
放lunch必去／牛頭角台式餐廳／好吃也好看／take a break！
放lunch必去／牛頭角台式餐廳／好吃也好看／take a break！
【這個tag可以找到我們美食分享 ▸ #twogether_foodie】
-
最近上班經過偉業街，看到一間新開的台式餐廳，裝潢小清新風格，還有最愛的露天坐位，便決定叫收工去一試！
-
■ 夜市小食拼盤（２人份）
九宮格小食真的太豐富了吧～都是夜市中的最愛，有鹹酥雞也有麻糬，每款一口剛剛好！
■ 滋補桃膠鮮奶
女生們必飲！上班附近也沒有很多養生飲品，有時候太累也想健康一下吧～桃膠鮮奶有滿滿的膠原蛋白，口痕又想養顏的女士們一定要試！
■ 玫瑰泡泡浴
這個很浴缸可愛！是芝士奶蓋玫瑰花奶茶，超香濃奶蓋，配上玫瑰花茶，必點！
■ 紅燒腱心牛肉刀削麵（純牛骨湯！）
牛骨湯濃濃的牛肉味，牛腱心不會軟爛反而Ｑ彈，細筋也不用擔心會咬不動！
■ 芋泥肉鬆吐司
甜品來了！超厚超爆料！口感綿密，亦能吃到芋頭粒，芋香濃郁，搭配肉鬆甜而不膩～喜歡芋頭的朋友一定要試啦～
-
餐廳和食物整體來說都是挺用心的～滿滿打卡位，而且食物和台飲種類繁多，相比普遍的台式小店有驚喜，值得一試。 @chun_si_hk
🔖回頭指數 ✦✦✦✦✧
春禧小館
📍牛頭角偉業街93號
［By Ala & Candice🦋🦋］
// 兩位偽港女OL，介意OT，認真工作及蛇王，為了享受生存，更要追求小確幸 //
.
.
.
.
.
.
#foodiehk #hkfoodie #hkfood #hkfoods #hkeats #hkblogger #hkfoodblogger #foodblogger #instafood #instagood #hkig #hkrestaurant #discoverhongkong #食好西 #吃貨 #相機食先 #拍拖好去處 #週末好去處 #香港 #香港好去處 #香港美食 #美食 #土瓜灣美食 #土瓜灣 #土瓜灣好去處 #牛頭角美食 #牛頭角
twogether_foodie
foodiehk
葵湧廣場掃街必吃，松脆牛角包窩夫🧇
究竟要牛角包定係要窩夫？小朋友先做選擇，成年人嘅答案梗係通通都要曬啦😆
來自葵涌廣場3樓嘅「酥酥Pastry Lab ChouChou」售賣多款Croffle，將牛角包鬆脆同窩夫嘅紮實口感巧妙地結合埋一齊。
**Croffle = Croissant + Waffle
更有多款口味選擇，焦糖燉蛋、肉桂蘋果、忌廉曲奇，宇治金時等等...口味多元化，總有一款岩心水😋
表面係窩夫嘅格仔形狀令Topping好容易融合到入面，而內心又係牛角包一層層嘅酥脆層次感，表面鬆脆，內裡保持少許濕潤，我哋叫左BEST SELLERS 頭兩位，首先係肉桂蘋果味，蘋果肉大大粒，滿滿嘅醬汁亦十分清香，配合Croffle一同食用整體香甜而不膩，呢個奇妙組合有種食英式下午茶嘅錯覺😆
另外叫咗焦糖燉蛋味，窩夫同樣擁有完美嘅酥脆邊緣，又保留咗窩夫扎實嘅口感。而topping驟眼睇好似一個葡撻嘅內餡咁，原來係吉士燉蛋醬🙆幼滑嘅燉蛋醬填滿窩夫嘅小方塊，而面層有一層薄薄嘅焦糖，感覺新奇，一件食晒三個層次😋
食完Croffle好似意猶未盡，一於叫多杯手打咖啡奶，係韓國超級受歡迎嘅牛奶咖啡，係濃郁咖啡香氣以及滑滑牛奶嘅結合，輕輕攪兩攪，啜返兩啖涼透入心✨
試過酥酥之後，就會感受到佢嘅魅力👀 個人覺得無論餡料嘅創新度及Croffle本身都相當高質，好食嘅Croffle 名單上，酥酥必須有一席之地，嚟開葵廣掃街又想搵甜品作結尾，不坊去3樓試試佢🙈
🥢酥酥
#酥酥 #葵廣 #葵涌廣場 #掃街 #hkblog #甜品 #牛角包 #窩夫 #葵芳 #hkfoodlover #hkfoodie #hkfood #hkfoodlover #hkfoodblogger #hkfoodblog #hkfoodstagram #hkfoodpic #hkfoods #hkfoodporn #hkfoodieblogger #hkfoodies #hkfoodshare #hkfoodig #hkfoodielife #hkfoodblogger #hkfoodgram #croffle #hkcroffle #hkdessert
#foodie#本地遊#香港好去處#cafe#炎夏好去處#夏日搵食推介#hkfoodie#香港美食#hkfood#travel#hkfoodblogger#美食
觀塘駱駝漆大廈必食雞駅！
雞駅花膠雞米線專門店
終於抽到時間再去駱駝漆大廈食野，上次無睇清楚呢間雞駅原來假期係休息無開門，今日終於食到佢啦，下午2點以為無咩人食，點知都要喺門口等約5分鐘先有位，店員幫我搵咗一張近門口嘅枱比我坐，大家要留意佢哋小店門口係有一小級，我都要用我塊斜板先入到去食！
1.招牌花膠雞米線$68+凍檸檬茶$8（10/10）
呢碗招牌花膠雞米線果然係招牌菜，成碗好足料，花膠雞湯夠濃，飲得出無味精，飲完唔會口渴，我幾乎飲咗大半碗湯，而米線入面有3大舊花膠，3舊木耳，7舊雞肉，舊舊雞肉都厚肉少骨，肉質嫩滑，仲有加入少量蟲草花嚟吊味，米線都唔少，唔會太淋亦唔會太硬，軟硬適中！😋😋😋
檸檬茶唔會好甜，由於碗米線好大碗關係，當我飲檸檬茶時，d冰已經無哂啦！🤣🤣🤣
2.口水雞飯$48+熱咖啡$4（8.5/10）
呢碟口水雞飯辣度唔辣，仲帶少少甜，啱哂唔食辣嘅人食，仲有成5舊雞肉，舊舊雞肉都厚肉少骨，肉質嫩滑，仲有加咗幾舊青瓜，舊舊都好爽脆！👍👍
咖啡好滑帶少少酸！
3.蜜糖雞翼$42（10/10）
呢碟蜜糖雞翼炸得好脆，，好香口，一共有5隻，每一隻雞翼都搽咗蜜糖，蜜糖多到滿瀉喺碟底，面上仲撒咗芝麻粒，芝麻味好香，好正呀！👍👍😋
4.明太子釀雞翼（1隻）$20（10/10）
叫咗2隻明太子釀雞翼，明太子少少辣，釀喺雞翼入面炸得好脆，好香口，好好味！
2人總共價錢$210
個人口味總評分：9.625/10
地址：觀塘開源道60號駱駝漆大廈3座1樓I室
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#雞駅花膠雞米線專門店 #觀塘美食 #觀塘好去處 #觀塘 #雞駅 #花膠雞米線 #香港探店 #香港美食 #相機食先 #hkfoodie #hkfoodblogger #hkfoodpic #hkfoods #852food #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
熱門主題
# 2023香港好去處（更新於9月）
# 2023本地遊（更新於9月）
# 2023郊外好去處（更新於9月）
# 2023抵玩酒店（更新於9月）
# 2023人氣展覽（更新於9月）