#主題公園指南
熱門
最新
尖沙咀
餐廳:基地貳 (尖沙咀) 地址:尖沙咀赫德道17號海信大廈地下及1樓 尖沙咀赫德道有唔少嘅餐廳酒吧🥂,返教會途中經過呢間新開咗一個幾月嘅基地貳 @ba2e.852 ,除咗喺一間Bar之外,亦喺一間泰式西餐fusion餐廳,見到佢哋嘅Lunch Menu $68-$108不等,主打各式各樣嘅泰式食物🇹🇭,送餐湯或者沙律🥗,依家做緊8折優惠,仲免收加一,另外仲有唔少特色同餐廳自己創作嘅菜式😍 餐廳地下層以藍白色為主,有一種陽光與海灘嘅氣息☀️,相信喺配合返泰國風情😎,沿樓梯行上去1樓,喺截然不同嘅感覺,牆上LED投射嘅泰國夜景🌃,配埋昏暗嘅燈光,酒吧好chill嘅感覺浮現晒出嚟🍹 ✝️博大霧 $168 泰式生蝦就食得多,用同樣嘅整法套上去三文魚刺身上面原來又真喺幾好食,先用煙燻木燻香三文魚,拎起蓋嗰吓啲煙飄晒出嚟勁有視覺效果💨,認真「博大霧」🤣。8片新鮮厚肉嘅三文魚刺身,配埋辣椒🌶️、生蒜片🧄、泰式酸辣汁一齊食,相信你都會以為自己喺食緊泰式生蝦🦐,咁嘅食法真喺第一次☝🏽 ✝️基地炒飯 $288 基地嘅自家製炒飯,當中加咗秘製醬油之外,仲有蛋碎、辣椒、蔥花等材料,食落惹味得嚟唔會太濃太重口味。而重點當然喺飯旁邊嗰半隻龍蝦啦🦞,烤香後加咗啲芝士同蟹籽,龍蝦肉新鮮彈牙,入口多汁💦,鮮味十足👍 ✝️冬陰功卡邦尼意粉 $218 卡邦尼意粉就食得多,冬陰功卡邦尼意粉你又食過未?將蛋黃整穿,比蛋黃漿慢慢流落意粉之間,再撈勻埋本身調製好嘅冬陰功意粉🍝,蛋漿之間散發住陣陣冬陰功嘅香辣滋味,果然「泰」有特色😜。加埋大大隻燒香咗又多肉嘅虎蝦🦐,的確難以抗拒😋 ✝️香蕉煎餅 $128 煎餅咬落去口感似平時食嘅手抓餅🌮,第一啖香脆,之後煙韌有咬口,裏面放咗好多香蕉片🍌,而外面就淋上朱古力醬同煉奶,超級大滿足🥰 #主題公園指南 #香港camping #性價比酒店 #foodie #星級作家6月vlog #境外遊 #本地遊
Hinson Lee
17
香港
餐廳:Cabana Breeze 地址:東涌怡東路9號T Bay地下12-15號舖 隨住灣景薈(T-Bay)喺呢最近一兩年落成,香港東涌世茂喜來登酒店同多間餐廳、酒吧、商鋪都開始陸續開張,令東涌之成為一個更多元化、有更多嘢食嘅地方,唔再好似以前咁比人覺得好似一個偏遠「沙漠」咁😎 Cabana Breeze @cabanabreezehk 喺T-Bay入面其中一間餐廳,並唔屬於酒店範圍,不過喺東涌站坐免費嘅酒店Shuttle Bus就可以直達餐廳,唔好話喺我教啊🤪 呢間酒吧餐廳開咗一年有多,佢哋有分室外同室內,成間餐廳都充滿熱帶風情🏝,室內裝修堂皇,以金啡色為主;室外有兩張Cabana同一張張藤椅,令人毫不猶豫咁聯想起夏威夷陽光與海灘嘅畫面☀️ 除咗Happy Hour有買一送一優惠🥂,佢哋星期一至五仲有Set Lunch Menu提供🍽,$168有3 courses;前菜可以二選一,有加咗柚子汁嘅Garden Salad🥗,Soup of the Day就喺Pumpkin Soup🎃 ✝️Roasted Broccoli Chicken Cheddar Quinoa Orange Salad $168 最近想食得清淡啲所以叫咗個Salad,以一條條嘅烤雞肉做主要材料,加上藜麥、西蘭花🥦、香橙🍊、車厘茄、cheddar cheese🧀、千島醬等,望落顏色豐富而且份量都幾足。雞肉唔嚡,有陣陣燒烤香🔥;橙肉多汁香甜,一啲都唔酸,成碟salad嘅用料配搭夠晒健康🤓 ✝️Sealed fish fillet with saffron cream sauce and veggies $168 面頭輕輕煎香過嘅密封魚片🐟,食落外層香脆,魚肉都真喺幾嫩滑帶有少少鹹香👍,配上creamy嘅番紅花忌廉汁,另外以菠菜同車厘茄做配菜,雖然賣相一般,豐富咗整體嘅層次,如果菠菜再稍微調味就更好😌 ✝️Hamachi Ceviche $168 餐廳嘅Raw Bar喺Signature Dishes嘅其中之一,先將油甘魚用酸橘汁醃製,加上車厘茄同一堆香料:黑椒、墨西哥辣椒🌶、炸蒜、芫荽、Tahini Sauce…香料醬料令油甘魚鮮味一啲魚腥都無,如果平時都鍾意重口味或者喜愛香料嘅人就要試😋,唔食得辣嘅話記得先夾走辣椒,因為都真喺幾嗆喉😝 ✝️Homemade Tiramisu (加$30) 跟餐叫多個自家製嘅Tiramisu,以Espresso嘅醇香為主,Texture軟得嚟有少少濕潤嘅感覺🤏,唔會好實或者好乾身,面頭灑咗可可粉同糖,個人覺得加咗糖就會甜得濟,好彩可以撥走少少嚟食🤓 #性價比酒店 #主題公園指南 #香港camping #本地遊 #境外遊 #foodie #抵玩酒店 #星級作家6月vlog
Hinson Lee
34
旺角
餐廳:泰金鍋 (旺角) 地址:旺角彌敦道601號創興廣場6樓 呢間4月21號先開嘅泰式火鍋放題店🇹🇭 ——泰金鍋 @thaipot.hk ,開咗唔夠兩個月已經差唔多日日大排長龍,我都喺勁早5點鐘去先拎到個靚位🙈 7:30pm前離座有早鳥優惠,我去嗰日咁啱喺公眾假期前夕要額外加$10,所以埋單$238加一就食到呢個中價位嘅B餐——澳洲產頂級草飼黑安格斯120分鐘火鍋放題🐂,有超過80款食物比你任食,8款肉類、泰式炸物同小食、串燒🍢、沙律🥗、主食、甜品🍰、雪糕雪條🍦、唔同特式飲品,當然唔少得仲有好少見到嘅流水蝦啦🦐 湯底可以揀一人一鍋🍲,都喺想減少疫情下嘅交叉感染,有好多充滿泰國特式嘅湯底,例如泰金冬蔭功鍋🌶、馬來娘惹叻沙鍋、檸檬香茅鍋🌿、青檸椰奶雞湯鍋等,叫完湯底坐低唔夠30秒就送到過嚟,勁快手👍,仲比咗4碟B餐主打嘅澳洲產頂級草飼黑安格斯牛肉我哋食住先 其他肉款包括特級牛胸腹、丹麥產皇冠豚梅肉🐷、美國產下肩胛肉眼、牛舌、澳洲產草飼羊肩肉🐑、牛胸爽同美國牛板腱🐮;出面比較少有嘅泰式炸物,有宋卡蝦片、雞寶、清邁炸豬片、芒果春卷等,我尤其鍾意佢哋嘅泰式雞肉同豬肉串,畢竟平時出面食一串都要十蚊八蚊🤣,食多幾串都抵晒,仲加咗好香濃自家製嘅沙嗲醬 喺呢度食火鍋放題嘅重點緊喺出面嘅自助吧啦,除咗有定時出爐嘅泰式烤魚同泰式海南雞🐓,仲有隨機炮製嘅主食,今次去就有泰式香辣甲拋肉碎、泰式菠蘿海鮮炒飯同泰式黃咖喱蝦。火鍋配料擺得非常整齊同乾淨,確保喺指定嘅溫度底下,選擇亦有好多,淨喺丸類都有接近20款🤣,比較吸引我嘅有芝士雞肉丸、咖哩丸同炸三文魚丸。 再去流水蝦區嗰邊自己捕捉活蝦,一家大細一齊捉就最啱🌊;甜品有可以自製嘅珍多冰之外,亦有椰汁千層糕、椰汁西米糕等;飲品有餐廳自己整嘅泰式奶茶、天葵水同特製龍眼冰,雖然奶茶就有少少過甜,不過又真喺幾有特色同誠意,另外亦有啤酒、汽水、紙包飲品任飲🧃 掃QR code叫嘢食上菜嘅速度勁快,平均叫完1-2分鐘就送到,食物以放題質素嚟講都算中上,呢餐都真喺幾抵食😋,希望餐廳可以keep it up💪 #foodie #性價比酒店 #主題公園指南 #香港camping #本地遊 #境外遊
Hinson Lee
75
堅韓牛
餐廳:堅韓牛韓燒放題 (旺角) 地址:旺角彌敦道726號16樓 呢間2018開嘅韓燒放題店——堅韓牛 @realhanwoohk 一直受到唔少朋友熱捧🔥,識食緊喺趁住有生日優惠嗰陣去食啦🎂,壽星喺嗰個月去食至尊三國牛肉餐放題或者極尚體驗韓牛餐有半價優惠😍,真喺抵到爛🤑,第一次幫襯堅韓牛嘅朋友成為埋會員仲有午市極尚三國牛肉餐85折優惠😍 今次叫咗呢個至尊三國牛肉餐(午市$298加一),壽星半價咗之後只需要$149連原價加一就食到。除咗有頂級美國牛肉任食之後,仲有指定份量嘅日本A4和牛肉眼蓋同澳洲M9 和牛西冷,前者油花吸引食落細膩軟綿綿,後者肉味比較濃郁而且較有咬口🥩 食物有五張點紙嘅選擇,分別有前菜/熟食、牛肉、豬/雞肉、水產/田園同傳統韓國菜,另外仲有飲品任飲同本地製雪糕任食🍨,餐廳仲自己用茶包浸泡咗啲玄米茶、煎茶同凍頂烏龍茶👍 一嚟緊喺要叫番啲前菜同熟食頂住口癮先😋,芝士雞全翼一咬開就有芝士漿爆出嚟;黑椒炒韓式美國安格斯一口牛粒都醃得幾香口惹味,有陣陣黑椒同洋蔥香🧅,不過口感就有啲韌;店員教我哋將香蔥海鮮煎餅放入烤爐上面烤一陣先食會更加香口😜 跟住點咗唔同款式嘅美國牛肉🐮,安格斯肉眼扒、美國大理石、金菇牛肉卷、頂級翼板牛扒、頂級雪花牛小排等,質素同選擇嚟講都真喺唔錯👏,不過如果擺碟更精美整齊就更好😌 帶子、青口、藍青口、魚塊等海鮮都算新鮮,最後飲埋碗雪濃湯(牛骨湯)清清口腔,裏面仲有唔少嘅白蘿蔔同牛肉,味道清甜,我就鍾意加少少黑椒去調味就更一流😈 #性價比酒店 #主題公園指南 #香港camping #foodie #本地遊 #境外遊
Hinson Lee
53
香港
餐廳:MUTA Restaurant (尖沙咀) 地址:尖沙咀彌敦道132號美麗華廣場1期地庫B131號舖 「以簡約,保留我哋最珍重嘅聯繫」 相信唔少人都去過旺角ATUM @atumrestaurant ,半年前,老世喺尖沙咀美麗華廣場1期呢度開咗一間主打西日式fusion菜、走輕食風格嘅 MUTA @mutarestaurant 🍴,而呢個名,正正就喺ATUM倒轉嘅寫法🤓 就好似企喺一塊鏡前面🪞,由內到外去思考同進步,比起藝術同創造,有時候追求簡約、撇棄多餘嘅嘢都喺一種享受。而MUTA就塑造咗一個休閑、relax嘅食嘢傾偈空間比你同我去享受此時此刻嘅生活☺️ MUTA裝修充滿日系氣息🇯🇵,整體以大地色同木系為主,感覺簡約舒適😌,餐廳分咗幾個area,而識坐一定喺揀最有特色嘅榻榻米🎎 ✝️現烤麵包套餐 $288/2 呢個套餐有唔同嘅包點,包括法式奶油麵包🍞、酸種麵包🥖、朱古力酥(Pain au chocolat)、朱古力泡芙、百香果泡芙同迷你朱古力pancake,配以鮮白桃果醬、鮮奶油同牛油🧈,另外附上一個烤爐比你自己烤麵包嚟食,有得食之外仲有得落手玩同打卡😍,感覺有啲似去咗野餐咁。我最鍾意嘅喺朱古力酥,摵開見到層層酥皮,一咬開,濃郁嘅朱古力醬就爆到成嘴都喺🤣,拎上手勁有重量,好足料👍。套餐另外有加咗七味粉嘅菠菜凍湯、可以直接食或者用嚟蘸麵包嘅溫泉蛋🥚,仲包兩杯鮮果汁/茶/咖啡,我哋就揀咗熱Latte同熱嘅Cappuccino☕️ ✝️吞拿魚·紫菜煎馬鈴薯丸子 $158 煙韌厚實嘅馬鈴薯丸子帶嚟滿滿嘅飽腹感,煎香後加上紫菜、煎吞拿魚粒同香蔥,食落仲帶有陣陣油香,鍾意澱粉質嘅人唔可以錯過😎 ✝️月見雞肉棒串 $88 上網見到一客有三串,唔知點解我哋呢碟得兩串🥺,不過唔緊要啦最重要喺夠好食😋。將雞肉棒蘸上好似月亮咁嘅鮮橙黃色生蛋黃漿,放入口充滿蛋黃香同蛋漿口感,再食到濃郁雞味同有粒粒雞軟骨碎喺中間嘅雞肉棒🤩,好食到停唔到口 值得一提喺佢哋嘅service做得幾唔錯,由帶位、介紹餐牌同食物、到埋單同離開門口嘅一刻,都能夠感受到賓至如歸嘅感覺🥰,香港真喺需要多幾間咁嘅餐廳🇭🇰 #foodie #星級作家6月vlog #性價比酒店 #主題公園指南 #香港camping #本地遊 #境外遊
Hinson Lee
464
香港大富翁夢想世界
相信好多人都聽過或者玩過大富翁,但係你哋又了唔了解大富翁呢? 大富翁係一種多人玩嘅策略Board Game,參賽者分得遊戲金錢,憑運氣(擲骰子)同埋交易策略,買地、起樓嚟賺取租金。遊戲最後只得一個勝利者,其餘都破產收場;呢個遊戲起源於美國,由美國遊戲發明家Elizabeth J. Magie設計,1935年喺美國發售,1936年推出英國版;之後大受歡迎,80多年嘅經典、風靡全球嘅桌上遊戲大富翁現今已被翻譯成47種語言,於114個國家發行,售出接近3億盒,累積超過10億玩家,Facebook粉絲亦超過1千萬。 想體驗一下真人版《大富翁》?咁就一定要嚟坐落喺山頂嘅大富翁夢想世界主題館喇! 大富翁夢想世界主題館位於山頂廣場3樓,搭電梯上去時會見到「大富翁夢想世界歡迎您!」嘅門牌,好快就已經可以感受到「要進入大富翁夢想世界」嘅感覺啦! 拎完飛入去玩之前,記得要喺個招牌前📷影相打卡呀! 宜家購買門票即送精美嘅紀念明信片,呢到仲有珍藏紀念限量發售嘅郵票呢! 真係靚到唔捨得寄呀😍 參觀大富翁主題館嘅前部分係有職員帶住同埋講解,後部分就係自由探索! 入場之後會先進入一部電梯內,再透過電梯到達大富翁先生嘅神秘大宅! 大富翁先生嘅神秘大宅內掛滿了油畫和動畫,介紹大富翁先生由做車房到做地產,成為大富翁嘅事蹟! 另一邊可以見到佢嘅書枱,上面擺放咗一副珍藏版大富翁-「大富翁典藏版-富蘭克林鑄幣廠」! 除了書枱上嘅珍藏版,房間內亦都展示出唔同年份唔同版本嘅大富翁,包括有1930-1940年版、1941年版、1990年日本版、1994年兒童版、60週年紀念版、1995年香港版、 1997年香港回歸紀念限量發行版、 1999年星球大戰第一集收藏版等等,每一副都係非常珍貴呢! 個到仲展覽咗大富翁先生嘅帽子、權杖同埋各種特別嘅紀念收藏品,真係大開眼界呀! 喺大富翁先生嘅大宅內最重點要介紹嘅就係被Guinness世界紀錄認證嘅「大富翁先生超級跑車棋子」啦! 參觀完大富翁先生嘅神秘大宅之後,穿過一條神秘通道就會嚟到大富翁城市! 進入大富翁城市後,首先我哋會去火車站(4D影院)體驗4D特效嘅影片,影片講述大富翁同鑽石大盜展開激烈嘅追逐,當中呈現咗唔少香港港島街頭嘅情景,以第一視覺拍攝加上4D特效,非常生動呢! 睇完影片就會去到大富翁超級電子銀行,💸大富翁鈔票滿天飛💸,執到就可以帶走! 每人有1次機會,20秒內「執錢」,執到嘅錢真係可以用架🤣 大富翁遊戲錢有$10、$20、$50和$100,分別可以當HK$1、HK$2、HK$5和HK$10喺館內嘅禮品店同埋小食店使用! 注意:禮品部每筆交易最多可使用三張大富翁鈔票,輕食區每筆交易只可使用一張大富翁鈔票 所以喺到玩嘅「執錢」秘訣:唔係執得多就用得晒,盡量執$100或$50! 之後就係自由探索時間啦! 我哋先係大富翁城市嘅中心位置📷影相打卡,可以同紅色郵筒📮電話亭☎️同埋🎩大富翁合照呀! 仲有好多場景立體還原大富翁裡面嘅經典遊戲元素,包括銀行、監獄、水務局、地契卡、機會卡、命運卡等立體呈現眼前,每個場景都會有一些互動小遊戲,例如:大富翁監獄就有捉拿小偷遊戲、 大富翁先生金庫內有解碼遊戲等等,打卡影相之餘都可以體驗多種樂趣! ❤️個人最喜歡就係喺夢想地產同埋大富翁先生金庫打卡影相,幻想一下呢一刻全部嘅地同黃金都係屬於我嘅🤩🤩🤩 🤗溫馨提示: 玩嘅時候大家記得要細心啲呀!我掛住影相都唔記得喺夢想地產印製獨家地契添! 喺夢想地產,大富翁先生會送你一塊地,Scan入場門票就可以印製獨家地契! 又錯過咗喺富翁水務局體驗水管維修🤣唯有留番下次再玩啦! 比起玩遊戲,我都係擅長搵影相打卡位😂😂呢個位置比較隱蔽 📍喺幸運棋盤位置,有一幅佈滿「機會卡」嘅霓虹燈牆,非常打卡able呀! 最後喺幸運棋盤嘅遊戲贏到小食店HK$15優惠,再拎埋頭先喺大富翁超級電子銀行「執到嘅錢」去消費啦! 🎁大富翁禮品店提供限量版大富翁、香港特別版大富翁、電車版大富翁同埋其他周邊產品等等,好多禮品都好吸引同好想要😍,個人覺得山頂地契嘅Tote Bag最特別同實用呢! 玩到有啲肚餓,可以喺大富翁特色小食店😋食埋嘢! 大富翁先生黑芝麻包(100%本地人手製造) 😋食後感: -好坦白係因為有大富翁個樣而買😂見到實物完全冇失望,好可愛嘅大富翁樣📷相機食先之選 -熱辣辣,裡面好多芝麻,味道唔錯 特濃朱古力 🥤飲後感: -杯面係大富翁嘅棋盤設計,杯頂仲有小屋形狀嘅蓋,好得意呀~有種好想收藏嘅衝動😂 -好濃嘅朱古力味,好飲 大富翁主題館神還原咗好多經典嘅遊戲元素,玩過大富翁嘅朋友參觀體驗時一定會好有共鳴同埋好投入,而且場景豐富多元化多互動,不停影相打卡玩遊戲,好忙碌呢😂😂😂 📍香港山頂🎩大富翁夢想世界主題館 地址:香港山頂道118號山頂廣場3樓 最後送上我嘅玩大富翁小分享: 記得第一次接觸大富翁係喺讀大學嘅時候同一班同學仔一齊喺Cafe玩,一玩就愛上😂真係每次都玩到好興奮同刺激😂,每次都玩到唔捨得走呀! 點解可以玩得咁興奮同刺激?因為我哋係出盡全力去玩,完全唔留手😂 🎩以下係綜合我哋玩咗咁多年大富翁嘅心得分享: 💰開頭要盡情搶住買地、起屋,特別係貴嘅地區 🚇要有策略地買地,例如:同一隻色嘅地鐵線、所有公營機構一次過買,必要時同人交換互惠互利 😈最鐘意睇人踩中自己啲地🤑特別係起完屋嘅地 😂最刺激係講數談判交換時候 🏦玩到銀行冇錢就代表遊戲接近尾聲 😆最開心就係睇邊個破產先🤣🤣🤣 #本地遊 #山頂 #大富翁夢想世界 #主題公園指南 #香港好去處
自由旅生 Freestyle Traveler
13
銅鑼灣
餐廳:麻辣風雲(銅鑼灣) 地址:銅鑼灣駱克道491-499號京都廣場5樓 呢排成日見唔同朋友都去食麻辣風雲 @spicy_restaurant_hk ,今次終於輪到我有機會去試吓佢哋嘅酸菜魚同炸饅頭呢兩樣基本上喺每枱都必叫嘅食物😍。有Tonick恆仔 @hangjai 加持嘅餐廳果然厲害⭐️,我去果晚喺平日晚上嘅7點,已經排晒長龍,到我8點幾走嗰陣仲喺有唔少人等緊位🤫 銅鑼灣呢間分店開咗半年左右,仲有荃灣同埋6月底正式開幕嘅旺角旗艦店🎊,真係開勻港九新界,希望下次有機會去旺角店觀摩一吓🤪 麻辣風雲充滿中國古代風格,除咗一打開𨋢門見到梅蘭菊竹喻表「四君子」特質嘅裝飾之外,仲有大大個「掂」字,希望香港人方方面面都可以咁掂💪。坐低之後送上兩碟前菜:涼拌海草同醃蘿蔔仔,而枱上嘅餐具都喺充滿古代中式味道,勁有特色,仲有一啲留返一陣再同你介紹😏 ✝️酸菜魚 $268 傳統嘅四川名菜,超足料夠3-4人share食,裡面有台灣黑魚片、豆卜、薯粉、白精靈菇、芽菜、芫荽、辣椒、酸菜、泡椒、菊花瓣、花椒等🌶。食酸菜魚最重要除咗喺想食到魚嘅鮮香,仲有酸、辣、鹹嘅平衡配搭,麻辣風雲選用連魚皮嘅台灣黑魚,一條骨都食唔到,魚肉仲嫩滑唔嚡,魚皮一啲都唔韌;豆卜完美咁索晒酸菜魚啲湯汁💦,加上勁多嘅QQ彈牙薯粉,兩個人可以食晒成兜都真喺有啲誇張🤣 ✝️炸饅頭 $58 炸饅頭絕對喺麻辣風雲必點嘅打卡又好味之選,以諸葛亮帶領住木船同風雲旗幟🚩,運載住炸饅頭出場,加上乾冰嘅煙霧效果,令我聯想起赤壁之戰入面嘅「草船借戰」🏹。外脆內軟嘅炸饅頭,配上甜滑香溜嘅煉奶,真喺食多幾舊都唔會厭😍,你準備好你嘅手機/相機未呢📸 ✝️涼拌雞絲粉皮 $68 開胃惹味嘅涼菜又點少得雞絲粉皮,加咗芝麻醬喺當中,雖然個人覺得有啲太重口味🤏,不過又真喺幾醒胃,雞絲、粉皮、青瓜絲三款食材唔同嘅口感撈埋一齊食,層次味道幾豐富👍 ✝️上湯浸娃娃菜 $88 食咗咁多重口味嘅嘢緊喺要叫返碟上湯娃娃菜中和一吓,湯底清甜,唔覺有出面時不時會食到嘅味精鹹,食完酸菜魚食返碟娃娃菜清一清個口腔都唔錯😌 ✝️菊花蜜 $48 最後叫咗呢個風雲自家製嘅菊花蜜,又喺另一打卡之選😝,以靚靚粉紅色酒埕🍶,裝住清新香甜又去膩嘅菊花蜜🌻,倒入酒碟當中飲,感覺就好似返咗三國時代咁😆,飲完仲可以解辣添 #性價比酒店 #主題公園指南 #香港camping #foodie #星級作家6月vlog #境外遊 #本地遊
Hinson Lee
32
大圍小館
餐廳:大圍小館 (大圍) 地址:大圍積福街92號地舖 相信鍾意食嘅你一定聽過呢間開咗接近四年嘅大圍小館 @taiwaidining ,喺2022年佢哋仲成為咗米芝蓮級數餐廳🎖,佢哋嘅叉燒被米芝蓮推薦為香港必食叉燒😍 大圍小館人氣非常旺盛🔥,差唔多每一晚都full Booking,晚市分6點同8點兩輪,我去嗰日喺平日,兩輪都坐滿晒人,book咗8點想早啲入座都唔得,去食飯嘅人記得提前book位喇📞 佢哋以中式粵菜為主🥢,招牌名菜有第一叉、煲仔菜式同其他出面好少人會整而且工序繁複嘅手工菜等。老闆對食材要求好高,即使成本高都堅持用最新鮮食材,隔夜、冰鮮嘅一律唔用,醬料喺用本地出名品牌:余均益、大孖醬園等,海味都喺嚟自本地嘅老字號海味店,用料咁上乘相信質素都唔會差😎 8點入座,先嚟咗兩碟前菜,有四大名菌之一嘅珍貴鹿茸菌🍄,食落帶有陣陣麻油香,另外仲有話梅苦瓜 ✝️勾魂叉燒(5件) $188 基本上喺每枱客人都必叫嘅食物,所用嘅叉燒喺上等梅頭肉,仲要喺「第一刀」,即喺豬背向天🐖,起骨後第一刀切出嚟嘅部位🔪,喺屬於梅頭中嘅上肉,每隻豬得半斤重,肉質最腍,所以價錢相對較貴。先喺叉燒上面掃咗一層麥芽糖,上枱後再喺客人面前搽上第二層陳皮燒汁,然後用火槍燒到微燶焦脆,燒過嘅醬汁更能滲入叉燒當中,撈埋底下嘅金拱脆米一齊食,真喺「愈食愈有米」🤣!唔好睇佢好厚好大舊,食落超級腍,仲無加任何鬆肉粉,Juicy甜蜜蜜帶有陣陣陳皮香,肥瘦均勻,果然稱得上喺米芝蓮級🏅,唔試真喺對唔住自己🤩。第一次食嘅客人一定要堂食,唔比外賣㗎,廢事影響食物質素嘛😗 ✝️豉油皇鮮鵝腸 $188 太生嘅鵝腸會好韌,太熟又會縮晒水,火候嘅掌握要控制得非常好先整到一碟好食嘅爽口鵝腸👍。豉油皇鵝腸鹹香得嚟食到鵝腸嘅鮮味,一啲腥臭味都無,連埋芽菜一齊口感更豐富,份量仲要唔少😌 ✝️金沙鮮魷 $158 暫時喺我食過最好食嘅炸鮮魷🦑,有別於用椒鹽去炒,用鹹蛋黃(金沙)去炒同樣好食,一啲都唔厚粉嘅外層咬落超鬆脆,薄薄一層咬穿就好似空氣咁勁airy,鮮魷新鮮易咬開一啲都唔韌,最重要喺食好多舊都唔油膩🤤 ✝️蘿蔔糕炒蟹 $438 蘿蔔糕喺餐廳師傅自己整嘅,先切成正方粒粒,輕輕炸過去定型,再用花蟹嘅肉汁同膏🦀,配上秘製醬汁去炒,蘿蔔糕食落一啲都唔削,亦唔會食到有渣。花蟹原隻斬件上,蟹肉都幾多,用手將逐隻蟹腳放入口連埋啲汁一齊吮先喺最正嘅食法😋 ✝️沙薑鮮雞(半隻) $248 用咗本地嘅新鮮農場雞去整🐓,雞肉鮮嫩得嚟滑而唔嚡,雞味濃郁,連埋內臟伴碟,加上沙薑、蒜蓉粒同香蔥等配料去蒸煮,夠晒辛香惹味,真喺成隻都食得落😝 最後送上甜品:椰汁西米露同椰汁馬豆糕,呢餐真喺好滿足🥰 #性價比酒店 #主題公園指南 #香港camping #foodie #本地遊 #境外遊 #星級作家6月vlog
Hinson Lee
30
香港
餐廳:The Yell-Owl Seafood and Grill (九龍城) 地址:九龍城福佬村道5-9號地下C號舖 一隻貓頭鷹🦉,成為咗九龍城呢間西餐廳The Yell-Owl Seafood and Grill @the_yell_owl 嘅標誌,每逢週末同假期幾乎都會坐滿晒客人,佢哋主打嘅海鮮同扒類成為咗好多人前嚟幫襯嘅焦點🦞 佢哋嘅食物價錢唔平,晚市Set Dinner都要$238,不過食完塊西冷扒之後又覺得幾值👍。餐廳每幾日或者一個星期就會轉一次Menu,務求比客人有更多嘅選擇同新意🎉,而一個Set Dinner仲包水牛芝士車厘茄沙律配黑醋汁、是日濃湯(我去嗰日喺蘑菇濃湯)🍲、甜品或飲品☕️ ✝️海鮮拼盤 (+$88) 叫Set Dinner加$88就可以有呢個海鮮拼盤,入面有鮮蝦🦐、魷魚🦑、青口同翡翠螺各兩隻,一上枱就聞到香噴噴嘅牛油同蒜香🧄,確實為成餐晚餐帶嚟一個好嘅開始☺️ ✝️燒紐西蘭西冷扒配鐵板薯條 $238 由紐西蘭進口、大大塊又夠厚嘅優質西冷扒,喺牛嘅後腰脊部分,肉質充滿彈性,肉味超級濃郁,肉嘅側邊仲有一條油筋,連埋肉一齊食就更充滿脂香同油膩感🤤。切落去嗰吓就feel到塊西冷肉質有幾咁鮮嫩🥩,加上五成熟啲肉汁非常豐富,一切開就不停湧流出嚟💦。另外仲配上鹹香香脆嘅鐵板薯條🍟 ✝️乾蔥大蒜忌廉汁鑽石蜆配意大利軟包 $218 由飛機直送嘅新鮮紐西蘭鑽石蜆 ✈️,味道比平時一般食嘅蜆肉新鮮豐富好多,口感額外肥美多肉😋,鑽石蜆嘅外殼呈米色,加咗乾蔥、大蒜🧄、忌廉汁等去煮,個人就覺得有啲濃味過頭,不過配埋香脆嘅意大利軟包就中和返少少個味道,唔該比多客軟包我🙋‍♂️ 最後食埋個New York Cheese cake🍰,今餐真喺大滿足🥰 #主題公園指南 #香港camping #性價比酒店 #foodie #本地遊 #境外遊
Hinson Lee
59
香港
餐廳:Amusement Eatery (長沙灣) 地址:長沙灣福榮街538號喜遇地下2號舖 長沙灣喜遇「The Amused」地下有間開咗接近半年嘅南美style秘魯菜餐廳——Amusement Eatery @amusementhk ,唔知食完喺唔喺真喺會被amused呢🤪 大廚雖然喺香港人,但喺細細個就去咗委內瑞拉,仲輾轉喺嗰邊同香港做咗好多年廚師👨🏽‍🍳,將當地嘅醬汁同用料帶到嚟呢間餐廳大展拳腳,製作出一道又一道有特色而出面好難搵到嘅秘魯菜式 餐廳每日有唔同嘅Daily Special,例如日本沖繩和牛、法國生蠔、南美Style嘅牛舌等,包你每次嚟都有唔同驚喜🎊。餐廳環境昏暗浪漫💕,有唔同嘅霓虹燈牌寫住一句句金句,打卡一流📸,另外仲有室外空間可以坐 “If Today Was Perfect, There Would Be No Need For Tomorrow” ✝️傳統秘魯檸檬漬魚生 $98 傳統嘅秘魯菜式,將洋蔥🧅、檸檬🍋、辣椒🌶️、蒜🧄、蔥等香料醃漬白身魚肉粒,檸檬嘅酸度足以影響魚肉嘅蛋白質,令魚生化學性地變成半熟狀態,食落鮮香之中帶有濃烈嘅辛香酸辣,開胃一流😋 ✝️秘魯特色燒春雞 $238 將原隻法國春雞生烤🐓,減少咗雞肉變老變嚡、過熟或者翻熱嘅情況出現,可以保持雞肉嫩滑多汁💦。加上孜然粉、香草等醃料🌿,食落就更香濃惹味,配埋特製嘅委內瑞拉辣椒醬,比我哋平時食開嘅港式辣椒醬多咗一層難以形容嘅香味,而且無咁麻,鍾意食辣嘅一定要試吓🤤 ✝️烤伊比利亞豬肉串燒配羅望子汁 $228 成餐視覺效果最正嘅一道菜🤩,用鐵串掛起烤伊比利亞豬肉,中間以紅黃椒同洋蔥做間距,底下碟仔有塊烤菠蘿🍍,同埋香料碎粒,店員教我哋點食先最正,就喺將菠蘿切粒再撈勻啲香料連埋伊比利亞豬肉同埋羅望子醬汁一齊食,菠蘿嘅果酸中和咗豬肉嘅油膩感,亦令豬肉更加軟腍,唯一就喺貴錢貴咗啲啲🤏 ✝️粟米芝士蛋糕 $68 最後叫咗呢個特色甜品,將新鮮粟米烤香再放入用羊奶芝士整嘅芝士蛋糕,本身以為一鹹一甜會唔會好唔夾,點知配埋蔗糖、藍莓🫐 、紅石榴等一齊食又幾match!以香甜為主又唔會過溜,粟米同芝士香幾balance,真心值得一試👍 飲品就叫咗杯手搖熱情果茶($58)同Latte($38),店員都幾Nice,話喺因為鍾意咖啡所以學拉花再整比客人飲☕️,永遠都話用心做嘅嘢喺最正嘅🥰 #性價比酒店 #主題公園指南 #foodie #星級作家6月vlog #本地遊 #境外遊
Hinson Lee
15
贏取獎品